សលាកប័ត្រដីក្លែងក្លាយ១៩សន្លឹក អ្នកភូមិដំណាក់ខ្លុងបានរកឃើញ បានដាក់ជូនមន្ទីរជំនាញជួយផ្ទៀងផ្ទាត់៣ខែមកហើយស្ងាត់ឈឹងដូចចោរលួចសេះ (តើនេះជាអំពើស៊ុំគ្រលំ?)
ខេត្តកំពង់ឆ្នាំង៖កាលពី៣ខែមុន ប្រជាពលរដ្ឋ១ក្រុមនៅភូមិដំណាក់ខ្លុង ឃុំក្រាំងស្គារ ស្រុកទឹកផុស បានរកឃើញសលាកប័ត្រព័ត៌មានបញ្ជាក់ដីធ្លីចំនួន១៩ក្បាលដីក្លែងក្លាយជាន់សលាកបត្រ័ដីធ្លីរបស់ពួកគាត់យកទៅលក់អោយឈ្មួញ ហើយនៅថ្ងៃទី១១ ខែកុម្ភៈ ឆ្នាំ២០១៥ ពួកគាត់បាននាំគ្នាមកធ្វើលិខិតដាក់ជូនលោកប្រធានមន្ទីរសុរិយោដីខេត្តកំពង់ឆ្នាំង ដើម្បីសុំជួយផ្ទៀងផ្ទាត់បញ្ជាក់ភាពត្រឹមត្រូវ ប៉ុន្តែមកដល់ពេលនេះមានរយះពេល៣ខែហើយពុំមានអ្នកណាជួយស្រាវជ្រាវនិងដោះស្រា យជូនពួកគាត់ឡើយ។ដោយឡែកលិខិតស្នើសុំផ្តល់ប័ណ្ណកម្មសិទ្ធចុះថ្ងៃទី២១ ខែមេសា ឆ្នាំ២០១៤ លើក្បាលដីចំនួន២២៤ក្បាលដីដែលនាយខ័ណ្ឌរដ្ឋបាលព្រៃឈើប្តឹងជំទាស់ អាជ្ញាធរមូលដ្ឋាននិងប្រជាពលរដ្ឋបានផ្តិតមេដៃជិត២០០នាក់ស្នើសុំអាជ្ញាធរខេត្តជួយដោះស្រាយអោយ មកដល់ពេលនេះជាង១ឆ្នាំមកហើយក៏គ្មានអ្នកណាដោះស្រាយអោយដែរ។
ពាក់ព័ន្ធនិងបញ្ហាទាំង២ខាងលើនេះនៅព្រឹកថ្ងៃទី០៩ ខែឧសភា ឆ្នាំ២០១៥ អ្នកយកព័ត៌មានយើងបានចុះជួបជាមួយលោក ម៉ែន នៅ មេភូមិដំណាក់ខ្លុងបាននិយាយអោយដឹងថា៖ ការលួចធ្វើសលាកប័ត្របញ្ជាក់ដីធ្លីក្លែងក្លាយរបស់ជន ខិលខូច ជាន់លើគ្នាដើម្បីលូចដីយកទៅលក់អោយក្រុមហ៊ុនចំនួន១៩ក្បាលដីនៅភូមិដំណាក់ខ្លុងនោះពិតជាកើតមានមែន កន្លងមកនៅថ្ងៃទី២១ ខែកុម្ភៈ ឆ្នាំឆ្នាំ២០១៥ ប្រជាពលរដ្ឋបានដាក់លិខិតស្នើសុំជូនលោកប្រធានមន្ទីរសុរិយោដីខេត្តស្នើសុំជួយផ្ទៀងផ្ទាត់សលាកបត្រ័ក្លែងក្លាយមកដល់ពេលនេះមានរយះពេល៣ខែមកហើយ ពុំមានអ្នណាជួយដោះស្រាយរឿងនេះជួនប្រជាពលរដ្ឋឡើយ។ចំណែកការស្នើសុំរបស់ប្រជាពលរដ្ឋនិអាជ្ញាធរ សុំអោយលោកអភិបាលខេត្តជួយផ្តល់ប័ណ្ណកម្មសិទ្ធលើក្បាលដីចំនួ២២៤ប្លង់ មកដល់ពេលនេះជាង១ឆ្នាំហើយក៏អាជ្ញាធរខេត្ត និងមន្ទីរពាក់ពន្ធ័មិនជួយដោះស្រាយដែរ។
ប្រជាពលរដ្ឋនិងលោក ចិន សាវ៉ន អនុប្រធានភូមិដំណាក់ខ្លុង នៅព្រឹកថ្ងៃទី០៩ ខែឧសភា ឆ្នាំ២០១៤ បាននិយាយអោយ អ្នកយក ព័ត៌មានយើងដឹងថា៖ ប្រជាពលរដ្ឋខ្មែរឥស្លាមរស់នៅក្នុងភូមិដំណាក់ខ្លុងចាស់បច្ចុប្បន្នមានចំនួនជាង៦០គ្រួសារ ដែលខ្លះរស់នៅតាំងពីឆ្នាំ១៩៧៩មក ខ្លះមករស់នៅឆ្នាំ១៩៩៣ និងខ្លះទៀតមករស់ក្នុងឆ្នាំ២០០៥ពួកគាត់បានសង់ ផ្ទះ ធ្វើស្រែនិងដាំដំណាំហូបផ្លែមានដើមធំៗយូរឆ្នាំមកហើយ ប៉ុន្តែបែរជាត្រូវនាយខណ្ឌរដ្ឋបាលព្រៃឈើកំពង់ឆ្នាំង ប្តឹងជំទាស់ ថាជាដីគំរបព្រៃរបស់រដ្ឋបាលព្រៃឈើមិនអោយចេញប្លង់ទៅវិញ។រឿងដែលពួកគាត់ឆ្ងល់នោះគឺប្រជាពលរដ្ឋជាង៣០គ្រូសាររស់នៅក្នុងភូមិឡូកឡំគ្នាពីមុខពីក្រោយមួយចំនួនគេចេញប្លង់អោយ និងមួយចំនួនទៀតមិនចេញប្លង់អោយទៅវិញ។ #ដោយឡែកប្រជាពលរដ្ឋក៏បានជូនអ្នកយកព័ត៌មានយើងទៅចង្អុលបង្ហាញដីព្រៃនៅខាងកើតចំណុចបង្គោលថ្មលេខ១០០ជាព្រុំប្រទល់ដែនជំរកសត្វព្រៃ ជិតជើងភ្នំស្រែអំពិល ស្ថិតក្នុងភូមិអូរល្ពៅនិងភូមិដំណាក់ខ្លុង ឃុំក្រាំងស្គារ ត្រូវបានគេលួចវាស់វែងបោះព្រុំបង្គោលថ្មនិងលើកព្រុំដីជាច្រើនចំណុចដែលពួកគាត់អះអាងថាគេលួចលក់អោយក្រុមហ៊ុននិងចេញប្លង់អោយអស់ហើយ បែរជាដីភូមិដំណាក់ខ្លុងដែលប្រជាពលរដ្ឋរស់នៅ និងធ្វើស្រែជាច្រើនឆ្នាំមកហើយនោះគេប្តឹងជំទាស់មិនចេញប្លង់កម្មសិទ្ធអោយទៅវិញ។
នៅព្រឹកថ្ងៃទី១១ ខែឧសភា ឆ្នាំ២០១៥ នេះលោក ប៉ិល ចន្ថា ជាមន្ត្រីសុរិយោដីខេត្តនិងជាប្រធានក្រុមវាស់វែង ដីធ្លីជាមួយ ក្រុមនិសិត្ស នៅក្នុងភូមិដំណាក់ខ្លុងបាននិយាយអោយដឹងថា៖ ថ្មីៗនេះលោកអភិបាលខេត្តបានចេញដីកាបង្កើតគណកមក្មកាចម្រុះថ្នាក់ខេត្តមួយរួចហើយៗនៅសប្តាហ៍ក្រោយនេះក្រុមចម្រុះថ្នាក់ខេត្ត និងចុះទៅពិនិត្យដោះស្រាយរឿងខាងលើនេះហើយ។កន្លងមកលោកបានដឹងថា នៅក្នុងភូមិដំណាក់អំពិល ឃុំក្រាំងស្គារ មានគេលូចធ្វើប្លង់កម្មសិទ្ធដីធ្លីចំនួន១០ប័ណ្ណ និងសព្វថ្ងៃនេះលោកដឹងថា មានក្រុមជនខិលខូចចំនួន៣ក្រុមកំពុងដើរធ្វើឯកសារដីធ្លីក្លែងក្លាយដើម្បីលក់អោយក្រុមហ៊ុន ក្នុងនោះក៏មានការពាក់ពន្ធ័ជាមួយ និងមន្ត្រីខិលខូចដែលជាបុគ្គលិកបណ្តែតរបស់មន្ទីរផងដែរ ប៉ុន្តែកន្លងមកមន្ទីរមិនបានទទួលលិខិតស្នើសុំពីប្រជាពលរដ្ឋសុំផ្ទៀងផ្ទាត់សលាកបក្រ័នោះឡើយ ។ ករណីខាងលើនេះបើមានការពាក់ព័ន្ធជាមួយលោក នោះលោកមិនខ្លាចនឹងទទួលខុសត្រូវចំពោះមុខច្បាប់នោះឡើយ។
ដោយឡែកលោក កុយ សារ៉ន ជាមន្ត្រីសុរិយោដីខេត្ត និងជាអ្នកចុះហត្ថលេខាលើសលាកប័ត្រ ដីធ្លីអោយប្រជាពលរដ្ឋកន្លងមក បានទទួលស្គាល់ថាពិតជាមានគេលួចបន្លំធ្វើសលាកបត្រ័ព័ត៏មានដីធ្លីក្លែងក្លាយពិតប្រាកដមែន គឺសលាកប័ត្រព័ត៌មានដែលមានព្រុំប្រទល់ជុំវិញ មានចុះឈ្មោះម្ចាស់ដីគឺជាសលាកប័ត្រត្រឹមត្រូវ ឯសលាកប័ត្រដែលមានព្រុំប្រទល់ជុំវិញសរសេរជាលេខក្បាលដីនោះ គឺជាសលាកប័ត្រក្លែងក្លាយ ដែលករណីនេះស្នើសុំដល់សមត្ថកិច្ចស្វែងរកជនល្មើសជាអ្នកធ្វើឯកសារក្លែងក្លាយមកផ្តន្ទាទោសតាមច្បាប់ចុះ៕ ដោយ រិទ្ធិ ជ័យ
ខាងស្តាំត្រឹមត្រូវ ខាងឆ្វេងក្លែងក្លាយ ខាងស្តាំត្រឹមត្រូវ ខាងឆ្វេងក្លែងក្លាយ ក្លែងក្លាយ
http://ift.tt/1zWSawm