យុវតីស្រស់សោភារត់ចេញពីផ្ទះ ភ្ញាក់ខ្លួនបានវិលមកផ្ទះវិញ បន្ទាប់ពីឪពុកម្តាយបង្ហូរទឹកភ្នែកដង្ហោយហៅតាមគេហទំព័រកាសែតក្នុងស្រុក
ខេត្តកំពង់ឆ្នាំង៖ យុវតីស្រស់សោភាម្នាក់បន្ទាប់ពីរត់ចេញពីផ្ទះមួយរយៈ បានភ្ញាក់ខ្លួន អាណិតដល់អ្នកមាន គុណទាំងពីរដោយបង្ហូរទឹកភ្នែកដង្ហើយហៅកូនតាមអត្ថបទអ្នកសារព័ត៌មានចុះផ្សាយ និងចែកចាយតាមបណ្តញសង្គមហ្វេសប៊ុក បានដឹងដល់នាង ហើយនាងបានសម្រេចចិត្តវិលត្រឡប់ចូលផ្ទះវិញនៅ ល្ងាចថ្ងៃទី ១០ខែឧសភា ឆ្នាំ២០១៥ បន្ទាប់ ពីនាងបានរត់ចេញពីផ្ទះរបស់គ្រាន់តែឪពុកស្តីបន្ទោសរឿងអវត្តមាននៅសាលារៀនរួចមក។
រឿងរ៉ាវនេះបានធ្វើអោយប្រិយមិត្តអ្នកអានមានចំណាប់អារម្មណ៍លើអត្ថបទនេះ ដែលបានពណ៌នា ពីទឹកចិត្តឪពុក ម្តាយ និងជីដូន ដែលបានបាត់បង់កូន និងចៅស្រីជាទីស្រឡាញ់ ហើយបានព្យាយាម ដង្ហោយហៅ កូន និងចៅស្រីអោយ ត្រឡប់មកផ្ទះវិញ ទាំងពាក្យសំដីលាយនឹងទឹកភ្នែក ពេលនោះប្រិយ មិត្តបាន Share (ចែកចាយបន្ត)លើបណ្តាញសង្គមហ្វេសបុក ធ្វើអោយ ដំណឹងនៃការទន្ទឹងរង់ចាំនេះ បាន ដឹងដល់យុវតីខាងលើ ដែលធ្វើអោយក្មេងស្រីរូបនោះទប់ចិត្តមិនបានបានត្រឡប់មកផ្ទះវិញ ប៉ុន្តែនាងបានពឹងពាក់សុំអោយគរបាលប៉ុស្តិ៍រដ្ឋបាលកំពង់ឆ្នាំង ជួយជូននាងទៅផ្ទះវិញផងដែរ ។
លោក ឡាច ស៊ីម៉ា ជាឪពុក មានទីលំនៅ ភូមិទួលក្រឡាញ់ សង្កាត់កំពង់ឆ្នាំង ក្រុងកំពង់ឆ្នាំងបាន ប្រាប់តាមទូរសព្ទ័ថា៖ កូនស្រីខ្ញុំមកផ្ទះវិញហើយ ខ្ញុំសូមអគុណខ្លាំងណាស់ ដល់សារព័ត៌មាន ដែលបាន ជួយសរសេរអោយកូនស្រីខ្ញុំភ្ញាក់ខ្លួនវិលត្រឡប់មកផ្ទះវិញ នៅល្ងាចម្សិលមិញនេះ ( ១០ ឧសភា) ខ្ញុំបាន ទៅទទួលកូនស្រីខ្ញុំនៅប៉ុស្តិ៍នករបាលកំពង់ឆ្នាំង នាងថា៖ «ខ្ញុំខុសហើយប៉ា ! ខ្ញុំសុំត្រឡប់ទៅផ្ទះវិញ» ។
នាង ម៉េតកន្និកា វ័យ១៦ឆ្នាំ បាននិយាយរៀបរាប់ថា៖ «ខ្ញុំខឹងនឹងឪពុកស្តីបន្ទោសរឿងមិនចូលសាលារៀន បានសម្រេច រត់ ចេញពីផ្ទះ កាលពីព្រឹកថ្ងៃទី៧ ខែឧសភា ឆ្នាំ២០១៥ ដោយខ្ញុំ គិតខ្លីខឹង នឹងប៉ាមួយភ្លែត មិនបានគិតវែងឆ្ងាយ ខ្ញុំបានសម្រចចិត្តទាំងប្រថុយចេញពីផ្ទះ ទៅលាក់ខ្លួននៅផ្ទះមិត្តភក្តិ ប៉ុន្តែចិត្តខ្ញុំនៅតែអាណិតស្រឡាញ់លោកអ្នកមានគុណដដែល» ។ នាងបន្តថា៖ «ខ្ញុំបានឃើញ ពេលមិត្តភក្តិខ្ញុំបានយកទូរស័ព្ទដៃមកអោយខ្ញុំមើល គេហទំពរ័ សារព័ត៌មាន មានដាក់រូចខ្ញុំ ដោយសរសេរចំណងជើងថា“ ឪពុកអង្វរកូនស្រីស្រស់សោភា ដែលចាកចេញពីផ្ទះ ព្រោះតែស្តីអោយរឿងអត់ចូលសាលារៀន ត្រឡប់មកផ្ទះវិញ!” ខ្ញុំស្លុតចិត្តជាខ្លាំង និងប្រឹងអាន អត្ថបទរហូតចប់ខ្ញុំស្រក់ទឹកភ្នែក ខ្ញុំគិតថា៖ ខ្ញុំខុសខ្ញុំបានធ្វើអោយពួកគាត់ស្រក់ទឹកភ្នែកដោយសាររូបខ្ញុំ» ។
ក្នុងពេលនោះមិត្តភក្តិ និងអុំស្រីជាម្តាយរបស់មិត្តភក្តិខ្ញុំ បានដាស់តឿន ណែនាំអោយខ្ញុំវិលត្រឡប់មកផ្ទះវិញ ខ្ញុំក៏សម្រេចចិត្តសូមអោយអុំស្រី និងមិត្តភក្តិខ្ញុំជូនខ្ញុំទៅដល់ប៉ុស្តិ៍នគរបាលកំពង់ឆ្នាំង ក្រុងកំពង់ឆ្នាំង ដើម្បីលោកទាំង២ជ្រាបថា៖ ខ្ញុំព្រមវិលទៅផ្ទះវិញហើយ សូមអោយប៉ា ម៉ាក់មកទទួលខ្ញុំវិញផងចុះកូនពិជាខុសធំណាស់ ។
នាង ម៉េតកន្និកាបាននិយាយថា៖ «ខ្ញុំសូមអគុណណាស់ដល់អ្នកសារព័ត៌មាន ដែលបានធ្វើអោយខ្ញុំខ្លួនភ្ញាក់វិលមកផ្ទះវិញ និងសូមអរគុណម៉ាក់ប៉ា ដែលបានលើកលែងនូវ ទោសកំហុសដល់កូន ខ្ញុំបានប្តេជ្ញាចិត្តថា នឹងមិនរត់ចោលផ្ទះទៀតទេ នឹងប្រឹងប្រែងរៀនសូត្រអោយបានល្អឡើងវិញមិនអោយម៉ាក់ប៉ា អស់សង្ឃឹមឡើយ៕ ដោយ រិទ្ធិ ជ័យ
http://ift.tt/1IvopWg
