ជនកំណាច វ៉ៃឪពុករយះរយាយក្បាលផុងលលាដ៍ សង្ឃឹមរស់តិច ប្លន់យកកូនស្រីអាយុ១ទើបបាន១ខែទៅបាត់
ខេត្តព្រះសីហនុ៖ កម្មករម្នាក់ មានជីវភាពក្រីក្រម្នាក់ អ្នកចាំដីអោយគេ ត្រូវជនមិនស្គាល់មុខយកចបជីកវាយ បែករយះក្បាលផុងលលាដ៍ចេញខួរ និងចាប់យកកូនស្រី អាយុ១ខែគេចខ្លួនទៅបាត់ កាលពីវេលាម៉ោងប្រមាណ១១ថ្ងៃត្រង់ថ្ងៃទី១១ ខែឧសភា ឆ្នាំ២០១៥ នៅក្នុងភូមិ-សង្កាត់១ ក្រុងព្រះសីហនុ ។
យោងតាមប្រភពពីប្រពន្ធជនរងគ្រោះឈ្មោះ អុង ស្រម៉ៅ អាយុ៣៥ឆ្នាំ បានអោយដឹងថា ប្តីរបស់គាត់ ត្រូវជនមិនស្គាល់មុខវាយនឹងចបជីក បណ្តាលឲ្យរងគ្រោះធ្ងន់ធ្ងរ សង្ឃឹមរស់តិចតួចណាស់ គាត់មានឈ្មោះ ភិន សុផល អាយុ៣៤ឆ្នាំ មានកូន៣នាក់ (គិតទាំងកូនស្រីដែលជនល្មើសចាប់យកទៅនោះម្នាក់ផង) ក្នុងបន្ទុកហើយគាត់ជាគ្រួសារក្រីក្របំផុតរស់នៅក្នុងភូមិ-សង្កាត់ខាងលើ។
ស្ត្រីជាប្រពន្ធជនរងគ្រោះបានឲ្យដឹងទៀតថា៖ មុនពេលកើតហេតុខ្លួន(ប្រពន្ឋ) បានចេញទៅបើកលុយតាមប្រព័ន្ធវីងចំនួន៤ម៉ឺនរៀល ពីប្អូនថ្លៃ ដើម្បីមកទិញទឹកដោះគោអោយកូនស្រី ខណៈនោះប្តីនាងនៅមើលមើលកូនស្រី ឈ្មោះផន ហានណា ភេទស្រីអាយុទើបបាន១ខែ ដែលជនល្មើសចាប់យកទៅនោះ និងកូន២នាក់ទៀតអាយុ៦-៧ឆ្នាំទៅដើរលេងបាត់។ លុះពេលនាងត្រឡប់មកដល់ខ្ទមវិញក៏ឃើញប្តីសន្លប់ដេកលើគ្រែដោយមានឈាមហូរពេញខ្លួន-ក្បាល ហើយឃើញចបជីកប្រឡាក់ឈាម និងបាត់កូនស្រី ទើបដឹងថាប្តីត្រូវគេលបវ៉ៃធ្វើឃាត ។ តែស្ត្រីជាប្រពន្ធបានអះអាងថា ប្តីគាត់មិនធ្លាប់មានគំនុំជាមួយអ្នកណានោះទេ។ នៅពេលនេះ ជនរងគ្រោះត្រូវបានបញ្ជូនបន្តមកសង្គ្រោះបន្ទាន់នៅមន្ទីរពេទ្យ ក្នុងរាជធានីភ្នំពេញ ប៉ុន្តែបើតាមគ្រូពេទ្យថា ជនរងគ្រោះសង្ឃឹមរស់តិចបំផុតព្រោះតែមុខរបួសផុងលលាដ៍ធ្លាយខួរ ។
យោងតាមប្រភពពីលោកវរសេនីយ៍ទោ ភុល ភ័ស្តា អធិការនគរបាលក្រុងព្រះសីហនុបានអះអាងថា ជុំវិញករណីនេះ សមត្ថកិច្ចកំពុងដុតដៃដុតជើងស្រាវជ្រាវដើម្បីរំដោះក្មេងស្រី និងចាប់ជនល្មើសយកមកផ្តន្ទាទោសតាមច្បាប់ ។
សូមបញ្ជាក់ផងដែរថា៖ ក្រុមគ្រួសារជនរងគ្រោះជាគ្រួសារក្រីក្របំផុតរស់នៅក្នុងព្រៃដោយចាំដីអោយគេ (ម្ចាស់ដីឈ្មោះសុស សុអាន មានទីលំនៅក្បែរឃ្លាំងលើ ស្ថិតក្នុងភូមិ១សង្កាត់លេខ០១ ក្រុងព្រះសីហនុ) ហើយជាច្រចាំគាស់ដើរគាស់គល់ក្នុងដីចំការផ្សេងទៀតដើម្បីរកលុយបន្ថែមមកចឹញ្ចឹមកូន៣នាក់ក្នុងបន្ទុករួមជាមួយប្រពនកូនខ្ចី ប៉ុន្តែនៅពេលនោះជនរងគ្រោះកំពុងប្រឈមនឹងការលាចាកប្រពន្ធកូនទាំងអាលោះអាល័យ បន្សល់ទុកស្ត្រីសរសៃខ្ខីម្នាក់ចឹញ្ចឹមកូនពីរ និងកូនស្រីតូចម្នាក់ត្រូវជនមិនស្គាល់មុខលួចយកទៅបាត់ទៀត ពិតជាខ្លោចផ្សាក្នុងចិត្តពន់ពេកណាស់ វាមិនខុសពីរឿងនាងបណ្តាច្ចារ្យនោះទេពិតជាអនោចអធ័មរកអ្វីផ្ទឹមពុំបាននោះទេ។ តើនរណាទៅអាចជួយសម្រាលទុក្ខឌ៏ធំថេងនេះបាន? ៕ សមុទ្រខៀវ
http://ift.tt/1F3SA33
