ចេញពីផឹកស្រវឹងធ្លាក់ភ្នែក ជិះម៉ូតូមួលម៉ាកប់ហ្គែ លឿនដូចគ្រាប់រឺកែត ហោះទៅបុក ម៉ូតូ១គ្រឿងជិះគ្នា៣នាក់ ឮដូចគេវាយធុងសាំង របួសប្រេះលលាដ៍ក្បាល១នាក់ និង៣នាក់របួសស្រាល
ខេត្តព្រះសីហនុ៖ បុរសម្នាក់ចេញពីកន្លែងផឹកស៊ីស្រវឹងធ្លាក់ភ្នែកស្តាក បើកម៉ូតូមួលម៉ាកប់ហ្គែ ល្បឿនមិនចាញ់គ្រាប់រឺកែកកាតរាត្រី តែបានរេទៅបុកចំម៉ូតូ១គ្រឿងទៀតជិះឌុបគ្នា៣នាក់ទិសបញ្ច្រាសគ្នាពេញទំហឹងលាន់ស្នូរដូចគេជះចាន១រាវចោល។គ្រោះថ្នាក់នេះបានបណ្តាលឲ្យបានបណ្តាលឲ្យបុរសស្រវឹងជិះម៉ូតូម្នាក់ឯង រងរបួសធ្ងន់ បែកក្បាលដល់លលាដ៍ និង៣នាក់រងរបួស្រាល។ ហេតុការណ៍នេះបានកើតឡើងកាលពីវេលាម៉ោង០២និង១០នាទីយប់ឈានចូលថ្ងៃទី១១ ខែឧសភា ឆ្នាំ២០១៥ នៅចំណុចចន្លោះគីឡូម៉ែត្រលេខ២២០-២២១ ស្ថិតក្នុងភូមិ១ សង្កាត់លេខ១ ក្រុងព្រះសីហនុ។
យោងតាមប្រភពសមត្ថកិច្ចចរាចរណ៍បានអោយដឹងថា៖ ករណីគ្រោះថ្នាក់ចរាចរណ៍នេះបង្កឡើងរវាងម៉ូតូម៉ាកហុងដាសេ១២៥ សេរី២០១០ ពាក់ស្លាកលេខបន្ទាយមានជ័យ1-D5544 បើកបរដោយយុវជនម្នាក់រួមតំណើរជាយុវជន២នាក់ទៀត (ហើយពូកគេបានគេចខ្លួនក្រោយកើតហេតុ) បានបុកម៉ូតូម៉ាកហុងដា សេ១២៥ សេរី២០១៥ ពណ៌ខ្មៅគ្មានស្លាកលេខ បើកបរដោយឈ្មោះ អ៊ុង វេត ភេទប្រុស អាយុ៣៣ មានមុខរបរកម្មករ ស្នាក់នៅភូមិដូនលយ ឃុំបឹងតាព្រហ្ម ស្រុកព្រៃនប់ ខេត្តព្រះសីហនុ បណ្តាលអោយរងរបួសធ្ងន់ធ្ងរប្រេះលលាដ៍ក្បាល ស្របពេលជនរងគ្រោះមិនពាក់មួកការពារទេ។
មានការអះអាងពីសាក្សីនៅក្បែរកន្លែងកើតហេតុថា នៅមុនកើតហេតុ គេបានឃើញ ម៉ូតូរបស់ជនរងគ្រោះដែលរងរបួសធ្ងន់នោះបើកចេញពីហាងផឹកស៊ីមួយនៅក្បែរនោះក្នុងទិសដៅពីកើតទៅលិចទំនងស្រវឹងផងដែរទន់ភ្នែកទន់ដៃបន្តិចផង គឺនៅពេលមកដល់ចំណុចកើតហេតុ បានរេចង្កូតទៅបុកម៉ូតូមួយគ្រឿងផ្សេងទៀតជិះគ្នា៣នាក់ ពេញទំហឹង លាន់ស្នូរដូចគេវាយចានក្នុងរាវ បណ្តាលអោយភាគីម៉ូតូជិះម្នាក់ឯងរងរបួសធ្ងន់ ឯភាគីជិះគ្នា៣នាក់រងរបួសស្រាល ហើយឃើញហេតុការណ៍មិនស្រួលបើទោះជាគេបុកក៏ដោយពួកគេដាក់មេប្រូចរត់ចោលម៉ូតូទៅបាត់អស់។
ក្រោយកើតហេតុ ម៉ូតូទាំង២ត្រូវនគរបាលចរាចរណ៍ក្រុង ដឹកយកមករក្សាទុកនៅការិយាល័យចរាចរណ៍ជើកគោក រងចាំម្ចាស់ចូលខ្លួនដោះស្រាយ៕ ដោយ សមុទ្រខៀវ
http://ift.tt/1PfLMXX
