មន្ត្រីយោធាវ័យចុះណាស់ម្នាក់ កំពុងជិះម៉ូតូ ត្រូវឡានដឹកសំរាមក្រុមហ៊ុន ស៊ិនទ្រីបុកបាក់ឆ្អឹងជំនី១ក្រាស
ខេត្តព្រះសីហនុ៖ បុរសម្នាក់បានរងរបួសធ្ងន់(បាក់ឆ្អឹងជំនីចំនួន៥)ដោយសាររថយន្តដឹកសំរាមរបស់ក្រុមហ៊ុន ស៊ិន ទ្រី បុកចំពីក្រោយពេញទំហឹងដួលបោកនឹងថ្នល់ កាលពីវេលាម៉ោង១៤និង៥០នាទីល្ងាចថ្ងៃទី១០ ខែឧសភា ឆ្នាំ២០១៥ នៅចំណុចចន្លោះគីឡូម៉ែត្រលេខ២២០ -២២១ ស្ថិតក្នុងភូមិ១ សង្កាត់លេខ១ ក្រុងព្រះសីហនុ។
នគរបាលចរាចរណ៍ក្រុងព្រះសីហនុបានអោយដឹងថា៖ ករណីគ្រោះថ្នាក់ចរាចរណ៍នេះបង្កឡើងដោយរថយន្តរបស់ក្រុមស៊ិនទ្រីគ្មានស្លាកលេខ បើកបរដោយឈ្មោះ ស្រស់ ភ័ត្រ ភេទ ប្រុស អាយុ៣៥ បានរត់គេចខ្លួន ក្រោយកើតហេតុ បុកម៉ូតូម៉ាកហុងដា សេ១២៥ ពណ៌ខ្មៅពាក់ស្លាលលេខព្រះសីហនុ 1B-8374 បើកបរដោយឈ្មោះ សម សុធី ភេទ ប្រុស អាយុ៥៥ មានមុខរបរជាមន្ត្រីយោធា ការិយាល័យវិស្វកម្ម បណ្តាលអោយរងរបួសធ្ងន់បាកឆ្អឹងជំនី១ក្រាស។
តាមប្រភពពីសាក្សីនៅក្បែរកន្លែងកើតហេតុបានអះអាងថា៖ នៅមុនកើតហេតុ គេបានឃើញ ម៉ូតូរបស់មន្ត្រីយោធាបើកបរម្នាក់ក្នុងទិសដៅពីកើតទៅលិច នៅពេលមកដល់ចំណុចកើតហេតុស្រាប់តែមានរថយន្តដឹកសំរាមរបស់ក្រុមហ៊ុនស៊ិនទ្រី បើកយ៉ាងលឿនមកពីក្រោយ ហើយក៏បានបុកម៉ូតូជនរងគ្រោះពេញទំហឹង ហើយបានរេ ចង្កូតក្រឡាប់ផ្ងារជើងកណ្តាលផ្លូវ។ ភ្លាមនោះ តៃកុងជើងល្អ បាន លូនចេញពីរថយន្តហើយគេចខ្លួនភ្លាមៗដែរ។
ក្រោយកើតហេតុរថយន្ត និងម៉ូតូត្រូវសមត្ថកិច្ចចរាចរណ៍ស្ទួច ដឹកយកមករក្សាទុកនៅការិយាល័យចរាចរណ៍ រងចាំការដោះស្រាយនៅពេលក្រោយ៕ ដោយ សមុទ្រខៀវ
http://ift.tt/1KE3TQC
