យុវជន២នាក់ កំពុងធ្វើសកម្មភាពលក់ថ្នាំញៀន ត្រូវនគរបាលឃាត់ខ្លួន
ខេត្តព្រះសីហនុ៖ យុវជនវ័យក្មេងចំនួន២នាក់ជាប់ចោទរក្សាទុក និងចែកចាយថ្នាំញៀន ត្រូវបានកម្លាំងអធិការដ្ឋាននគរបាលស្រុកព្រៃនប់ សហការណ៍ជាមួយលោក អនុសេនីយ៍ត្រី ហ៊ួ យ៉ៃ ធ្វើការឃាត់ខ្លួនកាលពីវេលាម៉ោង១៩និង៤០នាទី ថ្ងៃទី ៣០-០៨-២០១៥ នៅចំណុចក្នុងវត្តគីរីសុខារាម ស្ថិតនៅភូមិពូធឿង ឃុំបិតត្រាំង ស្រុកព្រៃនប់ ខេត្តព្រះសីហនុ។
លោក ហ៊ីង ចាន់រិទ្ធ អធិការនគរបាលស្រុកព្រៃនប់បានប្រាប់ឲ្យដឹងថា នៅវេលាម៉ោង ១៩-៤០នាទី ថ្ងៃទី៣០-០៨-២០១៥ មានករណីចែកចាយ និងរក្សាទុកនូវសារធាតុញៀនខុសច្បាប់ ដែកប្រព្រឹត្តឡើងដោយជនសង្ស័យចំនួន០២ នាក់ ១-ឈ្មោះ នាង ណាក់ ភេទប្រុស អាយុ២៣ ឆ្នាំ មុខរបរមិនពិតប្រាកដ មានទីលំនៅ ភូសំរ៉ង ឃុំចុងដូង ស្រុកបារាយ ខេត្តកំពង់ធំ ២-ឈ្មោះ ឈុន ង៉ែត ភេទប្រុស អាយុ២១ ឆ្នាំ មុខរបរមិនពិតប្រាកដ មានទីលំនៅភូមិបឹងជុំ ឃុំបឹងតាព្រហ្ម ស្រុកព្រៃនប់។
លោកបន្តថា៖ ខណ:ជនទាំង២ខាងលើធ្វើសកម្មភាពចែកចាយក៏ត្រូវបានកម្លាំងល្បាតរបស់អធិការដ្ឋាននគរបាលស្រុកព្រៃនប់ធ្វើការបង្ក្រាបបានភ្លាមៗ និងដកហូតបានវត្ថុតាងរួមមាន: ១-ម្សៅក្រាមថ្លា ស ចំនួន១៣កព្ចាប់, ២-ដែកមុខស្រួច (ដែកឆាប) ចំនួនមួយ, ៣-ទូរស័ព្ទចំនួន៣គ្រឿង, ៤-កាបូបលុយចំនួនមួយ, ៥-ម៉ូតូម៉ាកហុងដាវេវអាល់ហ្វាចំនួន១គ្រឿង ។ បច្ចុប្បន្នជនសង្ស័យ និងវត្ថុតាងត្រូវបានឃាត់ខ្លួននិងរក្សារទុកនៅអធិការដ្ឋាននគរបាលស្រុកព្រៃនប់រៀបចំកសាងសំណុំរឿងបញ្ជូនទៅសាលាដំបូងខេត្ត៕ សមុទ្រខៀវ
http://ift.tt/1O5lnYb
