លោកគ្រូម្ជុលពេជ្រព្យាបាលជំងឺអំពើអាបធ្មប់៧ឆ្នាំមកហើយនៅតែមានអ្នកជម្ងឺចេញចូលព្យាបាល មិនដាច់រាប់សិបនាក់ជារៀងរាល់ថ្ងៃ
ខេត្តកំពង់ឆ្នាំង៖ ការព្យាបាលជម្ងឺរបស់លោកគ្រូម្ជុលពេជ្របែបវេទមន្តអាគមគាថា នៅក្នុងភូមិចន្លោះរេន ឃុំស្វាយជ្រុំ ស្រុករលាប្អៀរ ខេត្តកំពង់ឆ្នាំង ដោយបានយកម្ជុល មកព្យាបាលជំងឺដោយអំពើអាបធ្មប់ដកបានសុទ្ធតែឆ្អឹង ត្រូវបានប្រជាពលរដ្ឋមកពីស្រុកខេត្តមួយចំនួនមាន ជំនឿ និងបាននាំគ្នាមកព្យាបាលជម្ងឺក្នុងមួយថ្ងៃរាប់រាប់សិបនាក់ ដែលមើលទៅទំនងជាមាន អ្នកជាច្រើននាក់ ទើបមានគេជឿជាយូរឆ្នាំមកដល់ពេលនេះ។
នៅរសៀលថ្ងៃទី៣០ ខែសីហា ឆ្នាំ២០១៥ អ្នកយកព័ត៌មានយើងបានចុះស្វែងយល់អំពី ការព្យាបាលខាងលើនេះ បុរសម្នាក់មានទីលំក្នុងភូមិចន្លោះរេន ឃុំស្វាយជ្រុំ ស្រុករលាប្អៀរ នៅខាងលិចផ្ទះលោកគ្រូម្ជុលពេជ្រ បានអោយអ្នកយកព័ត៌មានយើងដឹងថា៖ លោកគ្រូម្ជុលពេជ្រឈ្មោះពិតរបស់គាត់គឺ ជា សារា ហៅកឹង អាយុជាង៣០ឆ្នាំ មានប្រពន្ធ និងកូន៤នាក់ ដោយគាត់បានធ្វើគ្រូព្យាបាលជម្ងឺដូចខាងលើនេះរយៈពេល៧ឆ្នាំហើយ។
ដំបូងឡើយគាត់បានដេកយល់សប្តិ ខ្មោចអោយម្ជុលពេជ្រមួយដើម ដើម្បីទុកអោយជួយ ព្យាបាលជំងឺអំពើធ្មប់អាបអោយអ្នកស្រុក ដោយមិនកំណត់អោយដាក់លុយទំនឹបគ្រូធំដុំឡើយហើយលុយដែលបានមកពីការព្យាបាលត្រូវយកទៅធ្វើបុណ្យ អោយបានច្រើនមិនត្រូវយកទុកធ្វើជាកម្មសិទ្ធិទាំងអស់នោះឡើយ ទើបការព្យាបាលស័ក្តិសិទ្ធិ។
ក្នុងការព្យាបាលយើងឃើញអ្នកជំងឺនាំគ្នា យកស្លឹកត្រួកួនត្រគែចមកបុកអោយ ម៉ត់ធ្វើជាថ្នាំ ហើយប្រគល់ជូនលោកគ្រូម្ជុលពេជ្រនៅមុខអាសនៈគ្រូនៅលើផ្ទះ បន្ទាប់មកលោកគ្រូបានយកថ្នាំមកផ្ទាប់ជាមួយម្ជុលពេជដកយកឆ្អឹងពីលើចំណុចខ្លួនប្រាណរបស់អ្នកជំងឺដែលមានការឈឺចាប់ ហើយអ្នកដែលត្រូអំពើគេធ្វើនឹងដកបានឆ្អឹងនៅលើខ្លួនប្រាណដែលកន្លែងឈឺចាប់ ចំពោះអ្នកមិនត្រូអំពើគេ គឺដកមិនបានអីទេដែលគេថាជាជម្ងឺខ្លួនឯង ហើយអ្នកមកព្យាលជំងឺភាគច្រើន គឺដកបានឆ្អឹងដុំតូចៗ ២ទៅ៣ដុំ ឃើញនឹងភ្នែកច្បាស់មិនជឿក៏មិនកើត និងភាគច្រើនអ្នកជំងឺ ដាក់ទំនឹបជូនលោកគ្រូក្នុងម្នាក់ៗ ៥ពាន់រៀលទើបសមរម្យ តែគ្រូមិនកំណត់ទេ។
នៅម៉ោង១និង៣០នាទីថ្ងៃទី៣០ ខែសីហា អ្នកយកព័ត៌មានយើងបានរាប់អ្នកជំងឺផ្ទាល់ដៃទាំងនៅលើផ្ទះលោកគ្រូ និងនៅក្រៅផ្ទះ ដែលមកព្យាលបាលជម្ងឺមានចំនួន៦៣នាក់ ដែលនេះមិនគិតចំនួនអ្នកជំងឺមកពីព្រឹកនោះទេ។ អ្នកស្រុកនៅក្នុងភូមិអោយដឹងថា ថ្ងៃសៅរ៍ និងថ្ងៃអាទិត្យគឺមានអ្នកជំងឺរាប់រយនាក់មកពីខេត្តឆ្ងាយៗ ចំណែកខុសនេះ មានអ្នកជំងឺតិចជាង។
ប្អូនប្រុសម្នាក់ជាអ្នករត់រ៉ឺម៉កម៉ូតូបានអោយដឹងថា ប្អូនដឹកអ្នកជំងឺ៦នាក់មកពីខេត្តកំពង់ចា ម គឺប្អូនបានមក៣ដងហើយ ចំណែកប្អូនប្រុសម្នាក់ជាអ្នតបើករថយន្តតាក់ស៊ីតូរីស ប្រាប់ថាប្អូ នដឹកអ្នកឈឺមកពីភ្នំពេញមកទីនេះ៤ដងមកហើយ ប្អូនគិតថាប្រហែលជាមានអ្នកជាច្រើនទើប គេមានជំនឿមកទីនេះ បើចង់ដឹងសាកមើលទៅគឺមិនផ្សាយលើកជើងគ្រូទេ៕ រិទ្ធិ ជ័យ
http://ift.tt/1Jzr0g6
