ប្រកួតកម្ដៅដាច់ដុំម្សិលមិញ ណាហ្គា ស្មើ វេស្ទើន ០ ទល់ ០
ក្រុមបាល់ទាត់នៅក្នុងលីកកំពូលកម្ពុជា ចំនួន២ គឺ ណាហ្គាខប បានប្រកួតស្មើ ក្រុមវេស្ទើនយូនីអែហ្វេសស៊ី ក្នុងលទ្ធផល ០ ទល់ ០ ក្នុងជំនួបសមជើងកម្ដៅសាច់ដុំនៅកីឡដ្ឋានស្ដាតចាស់ កាលពីរសៀលម្សិលមិញ ត្រៀមខ្លួនរដូវកាលថ្មីមកដល់ នាពេលខាងមុខ។
ទាំងណាហ្គា និង វេស្ទើន សុទ្ធតែដាក់កីឡាករក្មេងៗ និង ថ្មីរបស់ខ្លួន ដើម្បីមើលទម្រង់លេង មុនការប្រកួតសំខាន់មកដល់។ សម្រាប់វេស្ទើន នឹងចេញទៅប្រកួតពានរង្វាន់សាកលវិទ្យាល័យអាស៊ាន នៅប្រទេសឥណ្ឌូណេស៊ី ក្នុងខែ ធ្នូ ខាងមុខ។
ភ្លេចជម្រាបប្រិយមិត្ត លទ្ធផលរបស់ក្រុមជម្រើសជាតិ កាលពីម្សិលម្ង៉ៃ បានប្រកួតស្មើគ្នាជាមួយក្រុម African All Star (កីឡាករមកពីអាហ្វ្រិកនៅកម្ពុជា) ក្នុងលទ្ធផល ២ ទល់ ២។ កីឡាករ ឈិន ឈឿន និង ប្រាក់ មុន្នីឧត្តម ជាអ្នករកគ្រាប់បាល់ឱ្យក្រុមកម្ពុជា។
អត្ថបទ៖ ម៉ឺន រស្មី
http://ift.tt/1oIKUhM
