សមត្ថកិច្ចចម្រុះស្រុករលារប្អៀរ រឹតបន្តឹងសន្តិសុខ ចុះឆែកឆេររកអាវុជាតិផ្ទុះតាមដងផ្លូវ ពេលយប់
ខេត្តកំពង់ឆ្នាំង៖ សមត្ថកិច្ចនគរបាលស្រុករលារប្អៀរ រយៈពេលមួយសប្តាហ៍កន្លងទៅនេះ បានសហការជាមួយកងរាជអាវុធហត្ថស្រុក ធ្វើការចុះត្រួតពិនិត្យអាវុធជាតិផ្ទុះជារៀងរាល់យប់ នៅក្នុងស្រុករលារប្អៀរដើម្បីរួមចំណែកការពារសន្តិសុខសណ្តាប់ធ្នាប់ ក៏ដូចជាការពារសុខសន្តិភាពជូនប្រជាពលរដ្ឋក្នុងមូល ដ្ឋាន។ កិច្ចប្រតិបត្តិការនេះបានធ្វើអោយប្រជាពលរដ្ឋមានភាពកក់ក្តៅ និងមានសុខសុវត្ថិភាពល្អប្រសើរ។
លោក ទឹម ចន្ធី អធិការនគរបាលស្រុករលារប្អៀរ បាននិយាយអោយដឹងថា៖ ក្នុងរយៈពេលមួយ ខែកន្លងមកនេះ សមត្ថកិច្ចនគរបាលស្រុករលារប្អៀរ បានសហការណ៍ជាមួយមន្ត្រីកងរាជអាវុធហត្ថស្រុក ដាក់ប៉ុស្តិ៍ត្រួតពិនិត្យចំនួន១០គោលដៅ ក្នុងនោះមានទាំងលើថ្នល់ជាតិ និងនៅតាមផ្លូវលំជនបទ។
ជាលទ្ឋផល សមត្ថកិច្ចបានត្រួតពិនិត្យទៅលើម៉ូតូបានចំនួនរាប់ពាន់គ្រឿង និងរថយន្តបានជា ច្រើនរយគ្រឿង រួមទាំងគោយន្ត។ដោយឡែកអាវុធជាតិផ្ទុះឆែកឆេរពុំឃើញទេ និងបានរកឃើញអ្នក បើកបរមានជាតិស្រវឹង១២នាក់អប់រំក្មេងទំនើងដើរលេងមួយចំនួន ក្នុងការត្រួតពិនិត្យក៏បានជួបជាមួយអ្នកតមាត់មួយចំនួនផងដែរ។
លោកអធិការបាលបន្តទៀតថា៖ បើទោះបីក្នុងការឆែកឆេរអាវុធជាតិផ្ទុះមិនបានរកឃើញអ្វីជាដុំ កំភួនក៏ពិតមែន តែលោកនឹងបន្តការងារត្រួតពិនិត្យអាវុធជាតិផ្ទុះនេះជាបន្តទៀតតាមផែនការថ្នាក់លើ ដើម្បីរក្សាសន្តិសុខសណ្តាប់ធ្នាប់ជូនប្រជាពលរដ្ឋ ក្នុងស្រុក ក៏ដូចជាក្នុងខេត្តអោយមានសេចក្តីសុខនិងសុវត្តិភាពទាំងក្នុងការធ្វើដំណើរពេលថ្ងៃយប់ និងទាំងក្នុងការប្រកបមុខរបររកស៊ីអោយមានសន្តិសុខល្អ ៕ ដោយ រិទ្ធិ ជ័យ
