បុរសម្នាក់ស្លាប់បែកក្បាលខ្ទេច ដោយសារជិះម៉ូតូលឿនស្ទើរហោះទៅបុកបង្គោលភ្លើង
ខេត្តកំពង់ឆ្នាំង៖ បុរសម្នាក់បានស្លាប់ភ្លាមៗនៅនឹងកន្លែងកើតហេតុ ដោយសារតែបើកម៉ូតូលឿននៅក្នុងផ្លូវបត់កោងជ្រុលចង្កូតទៅបុកបង្គោលភ្លើងនៅខាងឆ្វេងដៃពេញទំហឹង។ហេតុការណ៍នេះបានកើតឡើងនៅវេលាម៉ោង៤ និង១៥នាទីល្ងាចថ្ងៃទី១២ ខែធ្នូ ឆ្នាំ២០១៤ នៅចំណុចផ្លូវបត់កោង ស្ថិតក្នុងភូមិទី២ សង្កាត់ខ្សាម ក្រុងកំពង់ឆ្នាំង។
លោក ហង្ស ប៊ុនហាក់ អធិការរងទទួលបន្ទុកផ្នែកចារចរណ៍ និងសណ្តាប់ធ្នាប់ក្រុងកំ ពង់ឆ្នាំងបានអោយដឹងថា៖ ជនរងគ្រោះនេះឈ្មោះ ចាន់ សារិទ្ធ អាយុ៤៧ឆ្នាំ រស់នៅភូមិស្វាយជ្រុំថ្មី ឃុំស្វាយជ្រុំ ស្រុករលាប្អៀរ ខេត្តកំពង់ឆ្នាំង។
មុនពេលកើតហេតុ គេឃើញបុរសរងគ្រោះខាងលើបើកបរម៉ូតូម៉ាកហុងដាសេ១២៥ ពណ៌ខ្មៅ ពាក់ស្លាកលេខ កំពង់ឆ្នាំង 1B-9123 ពីកើតទៅលិចលុះមកដល់ចំណុចផ្លូវបត់ កោងដោយល្បឿនម៉ូតូលឿនផងនោះក៍ជ្រុលទៅបុកចំបង្គោលភ្លើងនៅខាងឆ្វេងដៃពេញទំហឹងចផ្ទុះកូនគ្រាប់បែក បណ្តាលអោយជនរងគ្រោះផ្លោងបោកក្បាលផ្ទប់នឹងបង្គោលភ្លើងថ្មបែកក្បាលខ្ទេចស្លាប់តែម្តង។
នៅកន្លែងកើតហេតុគេឃើញ មួកសុវត្ថិភាពរបស់ជនរងគ្រោះបានបែកខ្ទេចខ្ទីអស់ ចំណែកម៉ូតូវិញបានខ្ទេចអស់មួយកំណាត់មុខ។ នៅវេលាម៉ោង៥និង៣០នាទីល្ងាចថ្ងៃដដែល ក្រុមគ្រួសារជនរងគ្រោះបានមកដឹកយកសពយកទៅលំនៅដ្ឋានដើម្បីធ្វើបុណ្យតាម ប្រពៃណី។ ករណីគ្រោះថ្នាក់នេះសមត្ថកិច្ចបាននិយាយថា មកការបើកបរលឿនពេកនៅចំណុចផ្លូវបត់កោង ទោះបីគេពាក់មួកសុវត្តិភាពហើយនៅតែបែកក្បាលស្លាប់ទៀត៕ ដោយ រិទ្ធិ ជ័យ
