រឿងភាគរបស់ Fan Bingbing ផ្អាកផ្សាយតាមទូរទស្សន៍ចិនព្រោះសិចស៊ីពេក
រឿងភាគចិន “The Empress of China” ដែលសម្ដែងដោយ Fan Bingbing ត្រូវបានផ្អាកការផ្សាយលើកញ្ចក់ទូរទស្សន៍ចិន HNTV ដោយសារការស្លៀកពាក់មានភាពសិចស៊ីជ្រុល។
រឿងនេះបានទទួលការចាប់អារម្មណ៍ខ្លាំងពីសំណាក់ទស្សនិកជនតាំងពីមុនចាក់ផ្សាយម៉្លេះ ដោយសារមានវត្តមានចូលរួមសម្ដែងរបស់តារាល្បីៗដូចជា Fan Bingbing, Zhang Junning, Zhang Ting និងZhou Haimei ជាដើម។ តែក្រោយពេលចាក់បញ្ចាំងបានមួយភាគដំបូង រឿងដែលចំណាយដើមទុនថតច្រើនសម្បើមមួយនេះត្រូវបានទូរទស្សន៍ HNTV ផ្អាកការផ្សាយ ដោយនិយាយថា រង់ចាំដល់ខែមករាឆ្នាំ ២០១៥ ទើបចាក់បញ្ចាំងឡើងវិញ។
ចំពោះមូលហេតុវិញ ទូរទស្សន៍ចិនថា ដោយសារបញ្ហាបច្ចេកទេស។ តែបើតាមសម្ដីប្រភពផ្ទៃក្នុងមិនបញ្ចេញឈ្មោះដែលនិយាយប្រាប់សារព័ត៌មាន Want China Times វិញថា មូលហេតុដែលនាំឲ្យមានការពន្យារពេលចាក់ផ្សាយគឺដោយសារសំលៀកបំពាក់ហាក់បង្ហាញភាពសិចស៊ីពេកពិសេសត្រង់ដើមទ្រូងតែម្ដង។
ប្រភពដដែលបន្តថា រឿងភាគនេះអាចនឹងត្រូវដកចេញមិនឲ្យចាក់ផ្សាយទាំងស្រុងថែមទៀត បើមិនធ្វើការកែតម្រូវឡើងវិញទេនោះ។
ទោះជាយ៉ាងណា អ្វីៗស្ថិតក្នុងភាពស្រពិចស្រពិលនៅឡើយ។ ចាំមើលឆ្នាំ ២០១៥ ទៀតមើល៍ថា រឿងនេះនឹងចាក់ផ្សាយឡើងវិញឬអត់?
អាន៖ វីដេអូ Pre-Wedding ដ៏ផ្អែមល្ហែមរបស់គូស្នេហ៍ ម៉ារីម៉ា
ប្រែសម្រួល៖ សីហា
ប្រភព៖ Shanghaiist
http://cdn.sabay.com/cdn/news.sabay.com.kh/wp-content/uploads/2014/12/fan-empress2-thumb-640xauto-874065.jpg
