សមត្ថកិច្ចចម្រុះ ដឹកនាំដោយលោកព្រះរាជអាជ្ញាខេត្ត ចុះរើរុះសម្រាស់កម្ទេចចោលរាប់សិបកន្លែង នៅក្នុងតំបន់អភិរក្សពូជត្រី ឃុំកំពង់ព្រះគគីរស្រុកបរិបូណ៌
ខេត្តកំពង់ឆ្នាំង៖ សម្រាស់ខុសច្បាប់រាប់សិបកន្លែង ក្នុងចំណោមសម្រាស់រាប់រយកន្លែង របស់ជនល្មើសនៅក្នុង តំបន់អភិរក្សពូជត្រីឃុំកំពង់ព្រះគគីរ ស្រុកបរិបូណ៌ ត្រូវបានសមត្ថកិច្ចចំរុះនិងប្រជាពលរដ្ឋស្ម័គចិត្ត ដឹកនាំ ដោយ លោក ឯក ស៊ុនរស្មី ព្រះរាជអាជ្ញារងខេត្តបានចុះរុញឈូសឆាយនិងរុះរើចោលពេញមួយថ្ងៃទី២៨ ខែមករា ឆ្នាំ២០១៥។
ប្រជាពលរដ្ឋស្ម័គចិត្តភូមិកោះតាម៉ូវ ឃុំកំពង់ព្រះគគីរបានអោយដឹងថា៖ ក្រោយពីលោក ឯក ស៊ុនរស្មី ព្រះរាជ អាជ្ញារងខេត្តបានចុះមកពិនិត្យឃើញមានសម្រាស់រាប់រយកន្លែងនៅក្នុងតំបន់អភិរក្សឃុំកំពង់ព្រះគគីររួចមក លោកក៏បានស្នើសុំអោយបំផុសចលនាប្រជាពលរដ្ឋស្ម័គចិត្តចូលរួមឈូសឆាយ និងរុះរើបំផ្លាញចោលស ម្រាស់ជនល្មើសទាំងអស់ ពិសេសនៅក្នុងតំបន់អភិរក្ស ហេតុនេះហើយទើបមានប្រជាពលរដ្ឋចូលរួមច្រើន។
វត្តមានសមត្ថកិច្ចចំរុះក្នុងប្រតិបត្តិការខាងលើនេះពិនិត្យមាន៖ លោក លី ឡា នាយរងខ័ណ្ឌ លោកនាយ សង្កាត់ លោកនាយប៉ុស្តិ៍នគរបាល លោកមេឃុំ លោកមេភូមិ ប្រជាការពារ សហគមន៍នេសាទ និងប្រជាពលរដ្ឋ ស្ម័គចិត្តសរុបទាំងអស់គ្នាមានជាង៥០នាក់បានចូលរួម ដោយប្រើប្រាស់កាណូតធំតូចចំនួន១១គ្រឿង ឯថវិកាទិញប្រេងចាក់កាណូត គឺប្រជាពលរដ្ឋស្ម័គចិត្តចេញដោយខ្លួនឯងគ្មានអ្នកណាជួយឧបត្ថម្ភពួកគាត់ឡើយ។
លទ្ធផលនៃការឈូសឆាយ និងរុះរើសម្រាស់ចោលរាប់សិបកន្លែង ពេញមួយថ្ងៃនេះសមត្ថកិច្ចចំរុះ និងប្រជា ពលរដ្ឋស្ម័គចិត្តបានធ្វើនៅចំណុច កោះរ៉ង ស្ទឹងពោធិ ព្រែកថ្លាន់ មហាលាភ និងអន្លុងជ្រៃ។ ដោយឡែក សម្រាស់ រាប់រយកន្លែងនៅចំណុចផ្សេងៗមួយចំនួនទៀត លោក លី ឡា នាយរងខណ្ឌ័បានបញ្ជាក់ថានឹងបន្តធ្វើ ទាល់តែអស់មិនទុកអោយសល់ទៀតឡើយ។
នៅក្នុងកិច្ចបង្ក្រាបបទល្មើសដាក់សម្រាស់ខុសច្បាប់ខាងលើនេះប្រជាពលរដ្ឋក៏បានធ្វើការរិះគន់ដល់សមត្ថកិច្ចរដ្ឋបាលជលផលផងដែរថា៖ កាណូតជលផលចងឈើខ្លីពេក ពេលរុញសម្រាស់ក្នុងទឹកជ្រៅគឺបានដោយ តែ កំប៉ោងលើៗតែប៉ុណ្ណោះ សម្រាស់នៅបាតព្រែកនៅមូលផ្តុំដដែល កន្លែងដូចរុញកំប៉ោងជិះកាណូតដើរលេង តែម្តង។ករណីនេះលោក លី ឡា បកស្រាយថា បើតឈើវែងពេកក៏ពិបាករុញដែរ វាអាចអោយបាក់ក្បាល កាណូត អ្នកធ្វើមិនស្រួលដូចអ្នកថានោះទេ ការឈូសឆាយបែបនេះរាប់ខែទើបត្រីអាចមកនៅវិញ។
ប្រជាពលរដ្ឋបានអោយដឹងទៀតថា៖ សម្រាស់នៅក្នុងតំបន់អភិរក្សមួយចំនួនធំសុទ្ធជារបស់ជនខិលខូច របស់បក្ខពួកលោកប្រធានសហគមន៍នេសាទ ជាក់ស្តែងនៅចំណុចស្ទឹងពោធិជាប់ និងផ្ទះបណ្តែតលើទឹករបស់ ឈ្មោះ ហុង ចាន់សាត ដែលជាទីស្នាក់ការរបស់មន្ត្រីសង្កាត់ ជលផលនិងសហគមន៍នេសាទឈរជើងការពារតំ បន់អភិរក្ស គឺមានគេដាក់សម្រាស់រាប់ពាន់ក ពេលលោកព្រះរាជអាជ្ញា សួររកមុខអ្នកដាក់សម្រាស់គ្មានអ្នកណា ឆ្លើយថាដឹងឡើយ។ករណីនេះត្រូវបានប្រជាពលរដ្ឋនិយាយអោយដឹងថា មកពីអ្នកយាមការពារតំបន់អភិរក្សឃុ បឃិតជាមួយជនល្មើសទើបមានការដាក់សម្រាស់រាប់រយកន្លែងក្នុងតំបន់អភិរក្សយ៉ាងដូច្នេះ ហើយពេលគេសួរ សុទ្ធតែឆ្លើយថាអត់ដឹងៗៗ..ទាំងអស់ ហើយឆ្លើយបែបនេះក៏គ្មានអ្នកណាគេជឿឡើយ។
ដោយឡែកការរុញឈូសឆាយសម្រាស់ក្រៅតំបន់អភិរក្សវិញនៅចំណុចអន្លុងជ្រៃ ប្រជាពលរដ្ឋបាន និយាយ អោយ ដឹងថា៖ចំណុចនេះគឺមានសម្រាស់រសប់លោក ផាន់ ផល្លា ប្រធានសហគន័នេសាទ វែងនិងច្រើនជាងគេ ហើយក៏មានសម្រាស់របស់ប្រជាពលរដ្ឋជាច្រើនាក់ផងដែររបូយមកដល់មុខភូមិកោះតាម៉ូវ។ប្រជាពលរដ្ឋស្នើសុំអោយសមត្ថកិច្ចជលផល បើឈូសឆាយសម្រាស់ក្រៅតំបន់អភិរក្សសុំ អោយឈូសឆាយអោយអស់គ្រប់ ទីក ន្លែងគ្រប់ភូមិក្នុងឃុំអោយស្នើភាពគ្នាដោយមិនត្រូវយល់យោគបក្ខពួកឡើយ។
បញ្ហានេះលោក លី ឡា នាយរងខ័ណ្ឌឆ្លើយថា លោកនឹងរុញចោលអោយអស់អោយតែប្រជា ពលរដ្ឋចូល រួមចង្អុលបង្ហាញួ ទោះជា របស់អ្នកណាក៏ដោយគឺសុទ្ធតែខុសច្បាប់ទាំងអស់៕ ដោយ រិទ្ធិ ជ័យ
