យុវជន៣នាក់ ចេញមកពីផឹកស៊ីនៅម៉ោង១រំលងអធ្រាត្រ បើកម៉ូតូបុកគូទឡានចតលើផ្លូវ ស្លាប់ទាំងអស់សុទ្ធតែបែកលលាដ៍ក្បាលធ្លាយខួររាយប៉ាយពេញផ្លូវ
ខេត្តឧត្តរមានជ័យ៖ មានការភ្ញាក់ផ្អើលមួយបន្ទាប់ពីគេបានប្រទះឃើញសាកសពយុវជន៣នាក់ដេកស្លាប់ នៅកណ្ដាលផ្លូវជាមួយនឹងម៉ូតូ១គ្រឿង ដែលគ្របដោយតង់កៅស៊ូ ក្នុងករណីគ្រោះថ្នាក់ចរាចណ៍ កាលពីវេលាម៉ោង ៥ព្រឹក ថ្ងៃទី ១០ ខែកុម្ភៈ ឆ្នាំ២០១៥ ស្ថិតនៅចំណុចខាងលិចទីបញ្ជាការនគរបាលវរៈការពារព្រំដែន៩០៥ ប្រហែលជា៦០០ម៉ែត្រ ក្នុងភូមិទូលស្វាយ ឃុំត្រពាំងតាវ ស្រុកអន្លង់វែង ខេត្តឧត្តរមានជ័យ។
សមត្ថកិច្ចមួលដ្ឋានបានឲ្យដឹងថា៖ សាកសពទាំង៣នាក់មានឈ្មោះ ១.ផន សុផល ភេទប្រុស អាយុ ២១ជាមន្ត្រីយោធានៅក្នុងអង្គភាពវរៈ៤១១ ចំណុះអោយកងពលតូចថ្មើរជើងលេខ៤១, ទី២.ឈ្មោះ រ៉ា ភក្ត្រា ភេទប្រុស អាយុ ១៩ ទី៣.ឈ្មោះ បូ ណុប អាយុ ២០ ឆ្នាំ អ្នកទាំងពីររស់នៅក្នុងភូមិ ឃុំកើតហេតុខាងលើ។
សមត្ថកិច្ចបញ្ជាក់ឲ្យដឹងថា៖ អ្នកបើកបរឈ្មោះ រ៉ា ភក្ត្រា ជាម្ចាស់ម៉ូតូម៉ាក សង់C125 សេរី២០១៥ ពណ៌ខ្មៅ ពាក់ស្លាកលេខ កំពង់ធំ 1E 8487 បើកបរពីកើតទៅលិច។ បើតាមសម្ដីមិត្តភក្តិរបស់ជនរងគ្រោះបានឲ្យដឹងថា មុនពេលកើតហេតុរូបគេ ព្រមទាំងមិត្តភក្តិ២នាក់ទៀតនោះ ចេញមកពីផឹកស៊ីនៅស្រុកអន្លង់វែង ប្រហែលម៉ោង១រំលងអធ្រាត្រ ដោយរូបគេចេញមកមុន ហើយឆ្លងកាត់កន្លែងកើតហេតុ ក៏ប្រទះឃើញរថយន្តមួយគ្រឿងបែកកងនៅកណ្ដាលផ្លូវ។ លុះដល់ព្រឹកឡើងស្រាប់តែឃើញមិត្តភក្តិទាំង៣នាក់ ដែលធ្វើដំណើរមកតាមក្រោយ បែរជាដេកស្លាប់នៅកន្លែងនោះ។ សាកសពទាំងបីរនាក់នោះត្រូវបានគេយកតង់កៅស៊ូរគ្របជិត រួចបើករថយន្តគេចចេញទៅបាត់។ បើតាមការណ៍ស៊ើបអង្កេត និងពិនិត្យរបស់
សមត្ថកិច្ចបានបញ្ជាក់ថា ករណីគ្រោះថ្នាក់ចរាចណ៍ខាងលើបង្កឡើងដោយសាររថយន្តខូចនៅលើដងផ្លូវដោយពុំមានដាក់សញ្ញាសម្គាល់បានធ្វើអោយយុវជនទាំង៣នាក់បើកម៉ូតូឌុបគ្នាទៅបុកគូទរថយន្តដែលកំពុងតែឈប់ចតខូចនៅនិងចញ្ចើមផ្លូវពេញមួយទំហឹងទើបបណ្ដាលអោយម៉ូតូឡើងរួញផ្នែកខាងមុខរីឯសាកសពទាំង៣នាក់រងគ្រោះសុទ្ធតែបែកលលាដ៍ក្បាលធ្លាយខួររាយប៉ាយពេញផ្លូវ។ សាកសពទាំង៣នាក់ត្រូវបានសមត្ថកិច្ចបានធ្វើកោសលវិច្ច័យរួចរាល់ប្រគល់អោយទៅក្រុមគ្រួសារធ្វើបុណ្យទៅតាមប្រពៃណី រីឯរថយន្តបង្ករហេតុដែលបានរត់គេចត្រូវបានសមត្ថកិច្ចបន្តតាមរកយកមកផ្តន្ទាទោសតាមច្បាប់៕ «ចំណាំ ស្លាប់ដោយ៖ ផឹកគ្រឿងស្រវឹង និងបើកបរក្នុងស្ថានភាពស្រវឹងដោយមិនពាក់មួកសុវត្ថិភាព»
