សត្វរាប់សិបក្បាល ដាច់ពោះ ស្លាប់ក្នុងសួនសត្វ ដោយសារម្ចាស់ មិនអោយ ចំណីស៊ី
ហ្គាហ្សា៖ សត្វរុយជាច្រើនបានហោះពេញសួនសត្វ Khan Younis នៅតំបន់ Gaza Strip ដោយសារតែមានសត្វ ជាច្រើនបានដេកស្លាប់នៅក្នុងសួនសត្វនោះ ព្រោះតែដាច់ពោះស្លាប់ គ្មានអាហារស៊ី។ លោក Mohammed Awaida ជាម្ចាស់សួនសត្វបានធ្វើការស្តីបន្ទោសដល់ ជំលោះរវាងប្រជាជនប៉ាឡេស្ទីន និងអ៊ីស្រាអ៊ែល ទើបធ្វើ អោយសត្វ ជាច្រើនស្លាប់បែបនេះ ព្រោះបុគ្គលិកជាច្រើនភ័យខ្លាចគ្រោះថ្នាក់មិនអាចមកអោយចំណីដល់សត្វ ទើបបណ្តាលអោយសត្វជាច្រើនដាច់ពោះស្លាប់បែបនោះ។
លោក Awaida បានអោយដឹងថា សួនសត្វឈ្មោះ South Forest Park បានបើកដំណើរការ តាំងពីឆ្នាំ២០០៧ ហើយក្នុងអំឡុងរយៈពេល៣សប្តាហ៍ នៃការប៉ះទង្គិចគ្នា ដោយមានការ បាញ់គ្រាប់មីស៊ីលទៅវិញទៅមករវាង អ៊ីស្រាអ៊ែល និងប៉ាឡេស្ទីន ទើបធ្វើអោយគាត់មិនបាន មកសួនសត្វរបស់គាត់បាន ហើយបានបណ្តាលអោយសត្វជាច្រើន ឃ្លានដាច់ ពោះស្លាប់ តែម្តងក្នុងនោះមានដូចជាសត្វស្វា ខ្លា អណ្តើក ឈ្លុស តោ និងសត្វមួយចំនួនទៀត។ ជំលោះរវាង អ៊ីស្រាអ៊ែល និងប៉ាឡេស្ទីនបានសម្លាប់ជនជាតិប៉ាឡេស្ទីនជាង១៩៦០នាក់ និងជនជាតិអ៊ីស្រាអ៊ែល ប្រមាណ៦៧នាក់ និងបានបំផ្លាញ ទ្រព្យសម្បត្តិជាតិជាច្រើនផងដែរ។
ដោយ៖ ខ្មែរណូត
from Khmernote - The best entertainment website in Cambodia http://ift.tt/1xddplj
via IFTTT
