អ្នកបើកបររថយន្តកាម៉ារីហើមដេកមួយភាំង រេទៅបុករថយន្តតាក់ស៊ីម៉ាកសាំយុងចតនៅលើចិញ្ចើមផ្លូវខូចខាតខូចខាតទាំងសងខាង
ខេត្តមណ្ឌលគិរី៖ រថយន្តរតាក់ស៊ីឈប់នៅចញ្ចើមផ្លូវចុះយកប្រាក់គេផ្ញើទិញឥវ៉ាន ត្រូវបានរថយន្តកាម៉ារីហើមបុកពេញទំហឹង សំណាងល្អគ្រាន់តែរបួកស្រាល។ ហេតុការណ៍នេះកើតឡើងទាំងព្រឹកព្រលឹម កាលពីវេលាម៉ោង០៥ព្រឹកថ្ងៃទី១២ ចែកុម្ភៈ ឆ្នាំ២០១៥ នៅត្រង់ចំណុចគីឡូម៉ែត្រ៣៦ ស្ថិតក្នុងភូមិឆ្នែង ឃុំស្រែខ្ទុម ស្រុកកែវសីមា។
តាមសាក្សីនៅកន្លែងកើតហេតុបានឲ្យដឹងថា រថយន្តតាក់ស៊ីម៉ាកសាំយុង ពណ៌ស្លែរមួយគ្រឿងតែងតែឈប់នៅកន្លែងកើតហេតុរាល់ព្រឹក ដើម្បីទទួលប្រាក់គេផ្ញើទិញឥវ៉ានចាប់ហួយ ទើបតែថ្ងៃនេះមិនដឹងថារថយន្តបង្កបើកបរមកពីណាមិនដឹងទេ មកបុកពីមុខពេញទំហឹងតែម្ដង ហើយអ្នកបើកបរថយន្តកាម៉ារីហើមចុះមកសុំទោសម្ខាស់រថយន្តតាក់ស៊ីសារភាពថាព្រោះតែខ្លួនដេកលក់ ដោយសរអត់ងងុយដេកខ្លាំងទើបពីមកដឹក ដឹកឈើ។
ក្រោយពេលកើតហេតុមិនមានសមត្ថកិច្ចចុះមកធ្វើការដោះស្រាយទេ ទើបម្ចាស់រថយន្តទាំងដោះស្រាយក្រៅប្រពន្ធផ្លូវច្បាប់ ដោយអូសរថយន្តទាំងពីរទៅជួសជុល ដោយម្ចាស់រថយន្តកាម៉ារីហើម ព្រមសងប្រាក់ចំនួន៧០០ដូល្លា ទៅអោយរថយន្តតាក់ស៊ីបញ្ចប់រឿង។
ប្រជាពលរដ្ឋមានការលើកឡើងថា នាពេលបច្ចុប្បន្នក្នុងស្រុកកែវសីមា រថយន្តដឹកឈើធ្វើចរាចរណ៍នៅលើដងផ្លូវលឿនៗណាស់ ដែលបង្កគ្រោះថ្នាក់ចរាចរណ៍ជារឿយៗ ប៉ុន្តែក្រោយពេលហេតុការណ៍កើតឡើងតែងមានការដោះស្រាយក្រៅប្រពន្ធផ្លូវច្បាប់ដូចករណីលើកនេះផងដែរ៕ ដោយ ឦសាន២
