លោកស្នងការខេត្ត ក្រចេះចូលរួមរំលែក ទុកគ្រួសារសព នាយនគរបាលស្លាប់ដោយគ្រោះថ្នាក់ចរាចរណ៍
ខេត្តក្រចេះ ៖ នៅព្រឹកថ្ងៃទី១០ ខេមេសា ឆ្នាំ២០១៥ លោកឧត្តមសេនីយ៍ត្រី លន់ សុផាតស្នងការនគរបាលខេត្តក្រចេះ បានដឹកនាំនាយ នាយរង នគរបាលជាតិជាច្រើនអ្នក អញ្ជើញចូលរួមរំលែកទុក្ខជាមួយនឹងក្រុមគ្រួសារសព នាយនគរបាលមួយរូប ដែលបានស្លាប់ ដោយគ្រោះថ្នាក់ចរាចរណ៍កាលពីថ្មីៗកន្លងទៅនេះ ។
មន្ត្រីនគរបាលបានបញ្ជាក់ថា លោកអនុសេនីយ៍ត្រី ប៊ិន ទូរ៉េន ឋានៈជានាយរងផ្នែកវិទ្យុទាក់ទង វរសេនាតូចនគរបាលការពារព្រំដែន លេខ៦១៩ បានទទួលមរណភាពដោយគ្រោះថ្នាក់ចរាចរណ៍ ក្នុងនោះក៏មានការយកចិត្តទុកដាក់ពីថ្នាក់ដឹកនាំ មកចូលរួមរំលែកទុក្ខជាមួយនឹងក្រុមគ្រួសារសព។
លោកឧត្តមសេនីយ៍ត្រីលន់ សុផាត ស្នងការនគរបាលខេត្តក្រចេះ បានមានប្រសាសន៍ថា មរណភាពរបស់នាយ នគរបាលមួយរូប នាពេលនេះ គឺជាការបាត់បង់នូវធនធានមនុស្ស ប្រកបដោយសមត្ថភាព ក្នុងការបំពេញការងារជូនអង្គភាព មិនតែប៉ុណ្ណោះ លោកអនុសេនីយ៍ត្រីប៊ិន ទូរ៉េន ក៏បានចូលរួមចំណែកយ៉ាងធំធេង ការពារសន្តិសុខ សណ្ដាប់ធ្នាប់ តាមបន្ទាត់ព្រំដែន ជាមួយនឹងថ្នាក់ដឹកនាំវរសេនាតូចនគរបាលការពារព្រំដែន លេខ៦១៩។
ក្រុមគ្រួសាររបស់សពលោកប៊ិន ទូរ៉េន ក៏បានសម្ដែងនូវការដឹងគុណ ពីការយកចិត្តទុកដាក់ ពីលោកស្នងការនគរបាលខេត្ត ដឹកនាំនាយ នាយរង នគរបាល មកចូលរួមក្នុងពិធីបុណ្យ ក៏ដូចជា ចូលបុណ្យ មកដល់លំនៅដ្ឋាន និងសូមប្រសិទ្ធិពរជ័យឲ្យថ្នាក់ដឹកនាំស្នងការនគរបាលខេត្ត នាយ នាយរងនគរបាលទាំងអស់ទទួលបាននូវ សុខសេរីសួស្ដី សុភមង្គល ជោគជ័យគ្នុងការងារ និងសូមឲ្យទេវាឆ្នាំថ្មី តាមបីបាច់ជួយថែរក្សា គ្រប់ពេលវេលា ៕
http://ift.tt/1cgW2gZ
