ស្ទាវទំនើង៦នាក់ផឹកបៀរយ៉ែស្រវឹងស្រឿង ព្រួតគ្នាវាយក្មេងស្ទាវជាគូជម្លោះ២នាក់ បែកមុខហូរឈាម ផ្អើលទឹលអ្នកមើលល្ខោនរត់ជាន់ជើងគ្នាវឹកវរពេញវត្តមហាអម្ពវ័ន
ខេត្តកណ្តាល៖ ក្មេងស្ទាវទំនើង៦នាក់ផឹកបៀរយ៉ែស្រវឹងស្រឿងបានព្រួតគ្នាវាយក្មេងស្ទាវជាគូជម្លោះ២នាក់ បណ្តាលឲ្យរបួសធ្ងន់បែកមុខមាត់ហើមពោរ ផ្អើលទឹលខណៈអ្នកស្រុកកំពុងសប្បាយមើលល្ខោនក្នុងវត្តមហាអម្ពវ័ន។ ហេតុការណ៍នេះបាន កើតឡើងនៅវេលាម៉ោង២១ និង៤០នាទី យប់ថ្ងៃទី០៥ ខែមេសា ឆ្នាំ២០១៥ ចំណុចផ្លូវរទេះក្បែររបងវត្តមហាអម្ពវ័ន ភូមិឫស្សីជ្រោយ ឃុំឫស្សីជ្រោយ ស្រុកមុខកំពូល ខេត្តកណ្តាល។
ប៉ូលិសប៉ុស្តិ៍ឃុំឫស្សីជ្រោយបានឲ្យដឹងថា ជនរងគ្រោះចំនួន០២នាក់នោះ ១.ឈ្មោះ យ៉េត សុភាក់ ភេទប្រុស អាយុ២១ឆ្នាំ មុខរបរបើកបររថយន្ត នៅភូមិតាង៉កស្រែ ឃុំព្នៅទី២ ស្រុកស៊ីធរកណ្ដាល ខេត្តព្រៃវែង។ ២.ឈ្មោះ.វ៉ា សត្យា ហៅឈីត ភេទប្រុសអាយុ២១ឆ្នាំ មុខរបរបើកបរគ្រឿងចក្រនៅភូមិកំពង់ព្នៅឃុំព្រែករំដេង ស្រុកស្រី សន្ធរ ខេត្តកំពង់ចាម។ ចំណែកជនល្មើសចំនួន០៦នាក់១.ឈ្មោះឆុន ឈាន់ភេទប្រុសអាយុ២២ឆ្នាំមុខរបរកសិករ(ឃាត់ខ្លួន) ២.ឈ្មោះខុម ភេទប្រុសអាយុ ឆ្នាំ មុខរបរបើកបរគ្រឿងចក្រ គេចខ្លួន។ ៣.ឈ្មោះ ខៃ វ៉ាភេទប្រុស អាយុ ឆ្នាំ មុខរបរកម្មករឡឥដ្ឋ. គេចខ្លួន ។៤.ឈ្មោះគ្រី តូភេទប្រុសអាយុ ឆ្នាំ មុខរបរកម្មករឡានដឹកអង្កាម.គេចខ្លួន ។ ៥.ឈ្មោះស៊ិន សេងភេទប្រុសអាយុ ឆ្នាំ មុខរបរកម្មករឡឥដ្ឋ គេចខ្លួន។ ៦.មិនស្គាល់អត្តសញ្ញាណ ។ជនល្មើសទាំងអស់នៅភូមិ ឈើលទាល ឃុំព្រែកអញ្ចាញ ស្រុកមុខកំពូល ខេត្តកណ្ដាល។
ប្រភពបន្តថា នៅថ្ងៃកើតហេតុជនល្មើស៦នាក់ បានជិះម៉ូតូ២គ្រឿង ឌុបគ្នាមកមើលល្ខោននៅ វត្តមហាអម្ពវ័ន ។ ហើយពួកគេបាននាំគ្នាមកផឹកប៊ីយ៉ែនៅកន្លែងលក់ដូរក្នុងវត្តអស់ចំនួន កន្លះកេះហើយបែកផ្លូវគ្នាដើរលេងរាងៗខ្លួន។ លុះដល់ម៉ោង២១ និង៤០នាទី បក្ខពួកជនល្មើស៥នាក់ បានមកប្រាប់ជន ល្មើស ឈ្មោះ ឆុន ឈាន់ ថា៖ ពួកគេមានរឿងហើយឲ្យទៅជួយវាយគ្នាផង ឮដូចនេះឈ្មោះឆុន ឈាន់ និងបក្ខពួកទាំង៦នាក់ នាំគ្នាទៅកន្លែងកើតហេតុឃើញជនរងគ្រោះកំពង់ដើរ ពេលនោះជនល្មើសទាំង៦នាក់នាំគ្នាព្រួត វាយជនរង គ្រោះចំនួន២នាក់បណ្ដាលឲ្យបែកឈាមពេញមុខ រួចហើយជនល្មើសទាំង៦នាក់នាំគ្នាគេចខ្លួនបាត់អស់។
បន្ទាប់ពីកើតហេតុរួចនគរបាលប៉ុស្តិ៍ឃុំឫស្សីជ្រោយ បានអន្តរាគមន៍ឃាត់ខ្លួនជនល្មើសឈ្មោះ ឆុន ឈាន់ បានម្នាក់បញ្ជូនមកប៉ុស្តិ៍ដើម្បីធ្វើការសាកសួរ ។ ឯជនរងគ្រោះត្រូវបានក្រុមគ្រួសារបញ្ជូនទៅព្យាបាលរបួសនៅពេទ្យឯកជនតុសិត នៅជ្រោយចង្វារ។ ករណីនេះនគរបាលជំនាញកំពុង់សហការជាមួយប៉ុស្តិ៍ ស្វែងរកចាប់ជនល្មើសចំនួន៥នាក់ទៀត ដើម្បីកសាងសំណុំរឿងចាត់ការតាមច្បាប់៕
http://ift.tt/1CfTsNj
