រថយន្តដឹកសពក្មេងប្រុសស្រីពីរនាក់បងប្អូនបង្កើតលង់ទឹកស្លាប់ នៅរមណីយដ្ឋានទឹកជ្រោះប៊ូស្រា បានជួបហេតុការណ៍គ្រោះថ្នាក់ចរាចរណ៍មួយជាន់ទៀត
ខេត្តមណ្ឌលគិរី៖ ក្មេងប្រុសស្រីពីរនាក់បងប្អូនបង្កើតបានលង់ទឹកស្លាប់ ខណៈពួកគេបានមកលេងកម្សាន្តនៅរមណីយដ្ឋានទឹក ជ្រោះប៊ូស្រា ជាមួយក្រុមគ្រួសារ និងបានបង្កឲ្យមានការភ្ញាក់ផ្អើលយ៉ាងខ្លាំងដល់ភ្ញៀវទេសចរណ៍ដែលបានមកលេងនៅទឹកធ្លាក់កំពុងតែសប្បាយរីករាយនោះ កាលពីវេលាថ្ងៃត្រង់ថ្ងៃទី១៩ មេសា ស្ថិតនៅភូមិប៊ូស្រា ឃុំប៊ូស្រា ស្រុកពេជ្រា ខេត្តមណ្ឌលគិរី។
សេចក្តីរាយការណ៍បានឲ្យដឹងថា ជនរងគ្រោះជាបង ប្អូនបង្កើតបានលង់ទឹកជ្រោះសា្លប់នោះ មានទីលំនៅនៅខេត្តរតនគិរី ជាមួយឪពុកម្តាយ។ ក្មេងប្រុសឈ្មោះ ពិសិទ្ធ អាយុ ១៣ឆ្នាំ និងក្មេងស្រីឈ្មោះ នីតា អាយុ១០ឆ្នាំ។ ក្រោយកើតហេតុឪពុកម្តាយ បាននាំយកសពកូន ទាំង២ត្រឡប់ទៅធ្វើបុណ្យនៅឯខេត្តរតនគិរី វិញភ្លាម ដោយមិនបានផ្តល់ព័ត៌មានគ្រោះថ្នាក់នេះដល់សមត្ថកិច្ចទេ។
ខណៈក្រុមគ្រួសារសពកំពុងជួបទុក្ខធំបាត់បង់កូនម្តងពីរនាក់ទៅហើយនោះជាអកុសលបន្ថែម នៅពេលដែលរថយន្តដឹកសពក្មេងទាំងពីរយកទៅធ្វើបុណ្យនៅផ្ទះ ស្រាប់តែរថយន្តដឹកសពនោះ ទៅបានជួបគ្រោះថ្នាក់ចរាចរណ៍តាមផ្លូវបន្ថែមទៀត កាលពីវាលាម៉ោង ១៣ និង៣០នាទី ចំណុច ភូមិពូលូង សង្កាត់រមនា ក្រុងសែនមនោរម្យ។
ក្នុងហេតុការណ៍រថយន្តដឹកសពនោះ ទៅបានជួបគ្រោះថ្នាក់ចរាចរណ៍នោះសមត្ថកិច្ចបានឲ្យដឹងថា៖ រថយន្តសាំយ៉ុង ពណ៌ស្លែ ស្លាកលេខ ភព២k-៤៦៨០ ដឹកសពក្មេង២ន.លង់ទឹកសា្លប់បានដាច់ ហ្វ្រាំងជ្រុលទៅបុកគូទរថយន្តហ៊ីលុច្ស ពណ៌ផ្ទៃ មេឃ លេខ ភព២ U-០៥៩៨ ម្ចាស់ឈ្មោះ សាលេះ សាលី អាយុ៤៧ឆ្នាំ ធ្លាក់ចូលអូរបណ្តាល ឲ្យរងរបួសស្រាល និងធ្ងន់៥នាក់ថែមទៀត៕ ដោយ ឦសាន២
http://ift.tt/1IvDzaD
