អធិការរងស្រុកកែវសីមា ឈ្មោះ ថេង កំពុងយកតួនាទីទៅកាងឲ្យឈ្មួញរត់ពន្ធឈើប្រណីតឆ្លងដែនទៅវៀតណាមតាមច្រកឡាបានខេ បានជេរប្រមាថចង់វាយ និងគំរាមដុសឡានភ្នាក់ងារទូរទស្សន៍ហង្សមាសចោលប្រសិនហ៊ានថតឡានដឹកឈើ
ខេត្តមណ្ឌលគិរី៖ បន្ទាប់ពីមានសេចក្តីរាយការណ៍ពីពលរដ្ឋថា មានរថយន្តដឹកឈើប្រណីតជាច្រើនគ្រឿង កំពុងត្រៀម ឆ្លងដែនតាមច្រករបៀងឡាបានខេទៅវៀតណាម អ្នកយកព័ត៌មានឲ្យទូរទស្សន៍ហង្សមាស ប្រចាំខេត្តមណ្ឌលគិរីម្នាក់បានចុះទៅកាន់ទីនោះ ហើយបានជួបប្រទះរថយន្តដឹកឈើពេញៗបើកសម្រុកចេញទៅប្រទេសវៀតណាមតាមច្រកឡាបានខេ នៅចំពោះមុខសមត្ថកិច្ចយ៉ាងត្រៀបត្រា ខណៈនោះភ្នាក់ងារទូរទស្សន៍ហង្សមាសហៀបនឹងថតយករូបភាព តែត្រូវបានលោកអធិការរងស្រុកកែវសីមា ម្នាក់ឈ្មោះ ថេង បានចេញមុខមកគំរាម វាយ និងដុតឡានចោល ប្រសិនបើអ្នកព័ត៌មានរូបនោះហ៊ានថតផ្តិតយករូនភាព ក្បួនរថយន្តដឹកឈើរបស់ឈ្មួញទាំងនោះកាលពីយប់ថ្ងៃទី១០ ខែមេសា ឆ្នាំ២០១៥ លើផ្លូវជាតិលេខ៧៦ ត្រង់ចំណុចផ្លូវបំបែកទៅច្រកព្រំដែនឡាបាខេ ស្ថិតក្នុងភូមិអូរអាម ឃុំស្រែខ្ទម ស្រុកកែវសីមា ខេត្តមណ្ឌលគិរី ។
នៅក្នុងហេតុការណ៍តាមប្រមាញ់ព័ត៌មាននោះ លោក តេត សារ៉េត អ្នកយកព័ត៌មានអោយទូរទស្សន៍ហង្សមាសបានឲ្យដឹងថា លោកបានមើលឃើញរថយន្តសមត្ថកិច្ចជាច្រើនគ្រឿងចតលើចិញ្ចើមថ្នលត្រង់ផ្លូវបំបែកទៅច្រកឡាបាខេ មានរថយន្តខ្លះចតកណ្ដាលទ្រូងផ្លូវរូបគាត់បានឈប់រយន្តមើល នឹកស្មានថា មានគ្រោះថ្នាក់ចរាចរណ៍ ឬមានហេតុការណ៍អីកើតឡើងនៅទីនោះ ស្រាប់តែរយៈពេល១០នាទីក្រោយមក ក៏មានរថយន្តដឹកឈើរបស់ឈ្មួញ៥គ្រឿង បើកឆ្លង់កាត់មុខសមត្ថកិច្ចដែលកំពុងចង់អង្រឹងដេកនៅទីនោះ ដោយមិនមានការចាប់បង្ក្រាបពីសំណាក់សមត្ថកិច្ចទាំងនោះទេ គាត់ក៏យកម៉ាស៊ីនថត បម្រុងថតស្រាប់តែមានបរុសម្នាក់ដែលគេស្គាល់ថា ជាមន្ត្រីប៉ូលិស មានតួរនាទីជាអធិការរងស្រុកកែវសីមា ឈ្មោះ ថេង មកជេរប្រមាថរករឿង ចង់វាយ និងគំរាមដុសឡានគាត់ចោល ប្រសិនហ៊ានថតរូបឈ្មួញដឹកឈើទាំងនោះ។ ប៉ុន្តែរឿងរ៉ាវបំពានដោយគម្រាមជេរប្រមាថ មកលើ ភ្នាក់ងារទូរទស្សន៍ហង្សមាសរូបនោះត្រូវបាន លោកអធិការស្រុកកែវសីមា ព្យាយាមហៅអ្នកព័ត៌មាន និងលោកអធិការរងស្រុកកែវសីមា ទៅសម្របសម្រួលគ្នា ។
ទោះយ៉ាងណានេះជាការបែកធ្លាយរឿងអាស្រូវមួយដែលបានលាតត្រដាងអំពីមុខមាត់ មន្ត្រីប៉ូលិសមានតួរនាទីជាអធិការរងស្រុកកែវសីមា ឈ្មោះ ថេង បានយកតួនាទី និងភារកិច្ច មកកាងបទល្មើសជំនួញ និងការដឹកជញ្ជូនឈើទៅលក់ នៅប្រទេសវៀតណាមដោយខុសច្បាប់ តាមច្រកឡាបានខេ។ ដោយសារចង់បិទបាំងលាក់លាមសកម្មភាពដឹកឈើទៅវៀតណាម ដែលពួកគេមានផលប្រយោជន៍ជាមួយដែរនោះ មិនចង់ឲ្យថ្នាក់លើដឹងទើបលោកអធិការរងស្រុកកែវសីមា ឈ្មោះ ថេង រូបនេះមិនញញើតច្បាប់ឡើយក្នុងការប្រើប្រាស់អំណាចយ៉ាងកំរោលគម្រាមកំហែងភ្នាក់ងារទូរទស្សន៍ហង្សមាសស្ទើរតែកំទេចចោល។ ហើយនេះក៏ជាការឃុបឃិតរវាងអធិការរងស្រុកកែវសីមា ឈ្មោះ ថេង និងលោក ប៊ូ សំអុល ប្រធានប៉ុស្តិ៍ឡាបាខេ ដែលគ្រប់គ្រងច្រករបៀងចំនួន៣ រួមមានច្រករបៀង ង៉ាំដី, ង៉ាំបាឡាង និង ង៉ាំបាវ៉េ កំពុងលួចបើកភ្លើងខៀវឲ្យមានការរត់ពន្ធឈើប្រណីតឆ្លងដែននៅទីនោះ ឡើងវិញដោយប្រមូលប្រាក់ពីក្បាលឡាន ដាក់ហោប៉ៅ លែងខ្វល់ និងស្តាប់បទបញ្ជាថ្នាក់ណាទាំងអស់។
ដោយឡែកអធិការរងស្រុកកែវសីមា រូបនេះពិជារឹងរូសមិនបានយកត្រចៀកស្តាប់បន្តិបន្ទួចទេនូវបទបញ្ជាណែនាំរបស់ថ្នាក់លើសូម្បីតែ កិច្ចប្រជុំប្រជុំផ្សព្វផ្សាយនិងពង្សឹងការអនុវត្តន៍ បទបញ្ជាលេខ០២ បប ចុះថ្ងៃទី ២២ ខែកុម្ភៈ ឆ្នាំ២០១៣ របស់រាជរដ្ឋាភិបាលកម្ពុជានៅសាលាខេត្ត មណ្ឌលគិរី កាលពីព្រឹកថ្ងៃទី២៣ ខែមិនា ឆ្នាំ២០១៥ ដឹកនាំដោយ លោក ម៉ាន សុគ្រី អនុរដ្ឋលេខាធិការក្រសួងកសិកម្ម រុក្ខា ប្រមាញ់ និងនេសាទនៅសាលាខេត្តមណ្ឌលគិរី កាលពីព្រឹកថ្ងៃទី២៣ ខែមិនា ឆ្នាំ២០១៥នោះ បានជម្រុញឲ្យអាជ្ញាធរខេត្តមណ្ឌលគិរី និងសមត្ថកិច្ចពាក់ព័ន្ធទាំងអស់ ត្រូវតែយកចិត្តទុកដាក់ចូលរួម សហការណ៍ដោយម៉ឺងម៉ាត់ទប់ស្កាត់បទល្មើសព្រៃឈើការដឹកជញ្ជូនឈើនៅតាមក្រវ៉ាត់ព្រំដែន ឆ្លងដែនទៅវៀតណាមតាមច្រករបៀងនានា ក្នុងខេត្ត ឲ្យខាងតែបាននោះ៕ ដោយ ឦសាន២
http://khmerangkor-news.com/wp-content/uploads/2015/04/KA-11-04-2015-38.jpg
