រថយន្តសណ្តោងធុនធ្ងន់បុកគូថរថយន្តក្រុងពីក្រោយ រេទៅបុកម៉ូតូកំពុងឆ្លងផ្លូវបង្កឲ្យមនុស្ស៣នាក់ តៃកុងរថយន្តទាំងពីរនាក់ដាក់មេប្រូចបាត់
ខេត្តកំពង់ឆ្នាំង៖ មនុស្ស៣នាក់ក្នុងនោះមានកុមារី២នាក់ផង បានរងរបួសធ្ងន់និងស្រាលក្នុងហេតុការណ៍ គ្រោះថ្នាក់ចរាចរណ៍មួយបានកើតឡើង នៅវេលាម៉ោង១ និង២០នាទីរសៀល ថ្ងៃទី១១ ខែមេសា ឆ្នាំ២០ ១៥ នៅចំណុចផ្លូវបែកជា៤ ចំណុចបេនឡានផ្សារលើ កែងធនាគារអេស៊ីលីដាខេត្ត ខណៈដែលរថយន្តធុនធំបុកគ្នា បានច្រឡោតជ្រុលទៅបុកម៉ូតូជនរងគ្រោះកំពុងជិះម៉ូតូឆ្លងថ្នល់បែកជា៤នោះ។ បន្ទាប់ពីបង្កហេតុតៃកុងរថយន្តទៃងពីរនាក់នោះ បានបើកទ្វារចុះដាក់មេផាយបាត់ស្រមោលភ្លាម។
កិច្ចនគរបាលក្រុងកំពង់ឆ្នាំង បាននិយាយអោយដឹងថា៖ មុនពេលកើតហេតុ ជនរងគ្រោះ ទាំង៣នាក់បានជិះម៉ូតូមួយគ្រឿង ម៉ាកហុងដាឌ្រីម ពណ៌ខ្មៅពាក់ស្លាកលេខ ប៉ៃលិន 1A. 7134 មកដល់ចំណុចកើតហេតុ កំពុងតែជិះម៉ូតូឆ្លងថ្នល់ក្នុងដំណើរពីលិចមកកើត តាមគំនូសសម្រាប់ថ្មើរជើង ពេលនោះមានរថយន្តក្រុងមួយគ្រឿងពណ៌ខៀវ ពាក់ស្លាកលេខ ភ្នំពេញ 3B.2169 បានបើកមកពីទិសខាងត្បូងទៅជើង មកដល់ចំណុចកើតហេតុ បានបង្អង់ល្បឿនដើម្បីអោយម៉ូតូជនរងគ្រោះឆ្លងថ្នល់។ ស្រាប់តែពេលនោះមានរថយន្តធុនធ្ងន់មួយគ្រឿងទៀតប្រភេទសណ្តោងរ៉ឺម៉ក មានស្លាកលេខស្វាយរៀង 3B. 1040 បើកមកបុកគូថរថយន្តក្រុងពីក្រោយពេញទំហឹងបណ្តាលអោយរថយន្តក្រុង ហើយជ្រុលទៅបុកម៉ូតូជនរងគ្រោះកៀបជាប់ក្រោមរថយន្តក្រុង និងបង្កជនរងគ្រោះជិះលើម៉ូតូរងរបួសធ្ងន់ និងស្រាលទាំង៣នាក់។
ជនរងគ្រោះនោះ មាន ឈ្មោះ ចែមពុទ្ធា ភេទស្រី អាយុ២១ឆ្នាំ ជាអ្នកបើកម៉ូតូរងរបួសធ្ងន់ ២កុមារី ឈ្មោះ គឹមម៉ារាឌីអាយុ១៣ឆ្នាំ និង៣ឈ្មោះ ចង្រិត អាយុ១៥ឆ្នាំ រងរបួសស្រាល ពួកគេទាំង៣នាក់ មានទីលំនៅ ភូមិថ្មីឃុំតាំងក្រសាំងស្រុកទឹកផុស។ ក្រោយពេលកើតហេតុ អ្នកបើកបររថយន្តទាំង ២គ្រឿង បានគេចខ្លួនបាត់។ ចំណែក ជនរងគ្រោះត្រូវបាន ដឹក បញ្ជូនទៅសង្គ្រោះនៅមន្ទីរខេត្តជាបន្ទាន់ ។ រថយន្តទាំង២គ្រឿង និង ម៉ូតូ១គ្រឿងត្រូវបានសមត្ថកិច្ចនគរបាលចរាចរណ៍ខេត្ត នាំមករក្សាទុក នៅការិយាល័យចរាចរណ៍ផ្លូវគោក នៃស្នងការដ្ឋាននគរបាលខេត្ត ដើម្បីកសាងសំណុំរឿងរង់ចាំការដោះស្រាយតាមនិតិវីធីច្បាប់ ៕ ដោយ រិទ្ធិ ជ័យ 
http://ift.tt/1Q8dunv
