យុវជនឆ្នើមម្នាក់អត់លុយទិញថ្នាំញៀន លួចឆ្កែ១ក្បាលលក់បាន៦០០០០រៀលទៅទិញថ្នាំញៀនជក់យ៉ាងរំភើយ តែត្រូវប៉ូលិសចាប់វ៉ៃខ្នោះ
ខេត្តព្រះសីហនុ៖ យុវជនខ្មែរម្នាក់ដោយសារតែគ្មានលុយទិញថ្នាំញៀនជក់ជាប្រចាំបាន សម្រេចចិត្តធ្វើសកម្មភាពលួចសត្វឆ្កែ១ក្បាល របស់អ្នកស្រុកក្បែរខាងយកទៅលក់ បានប្រាក់លុយ ហើយបានទៅទិញថ្នាំញៀនជក់តាមចំណង់ចិត្តរហូតដល់អស់លុយទៅហើយ ទើបត្រូវបានកម្លាំងនគរបាល នៃអធិការដ្ឋាននគរបាលក្រុងព្រះសីហនុ ឃាត់ខ្លួនបានកាលពីវេលាម៉ោង៨ និង០០នាទីព្រឹកថ្ងៃទី១៨ ខែឧសភា ឆ្នាំ២០១៥ នៅចំណុចក្រុមទី៥៦ ភូមិ០១ សង្កាត់លេខ០៤ ក្រុងព្រះសីហនុ។
លោកវរសេនីយ៍ត្រី ភុល ភ័ស្តា អធិការនគរបាលក្រុងព្រះសីហនុ បាននិយាយអោយដឹងថា៖ នៅថ្ងៃទី១៧ ខែឧសភា ឆ្នាំ២០១៥ វេលាម៉ោង២២ និង៣០នាទី មានករណីលួចទាក់សត្វឆ្កែមួយកើតឡើង ដោយជនសង្ស័យ មានឈ្មោះ ចាន់ មករា ភេទ ប្រុស អាយុ២១ឆ្នាំ មុខរបរមិនពិតប្រាកដមានទីលំនៅក្បែរកន្លែងកើតហេតុ បានធ្វើសកម្មភាពចូលក្រោមផ្ទះជនរងគ្រោះឈ្មោះ ច្រឹប ភេទ ស្រីអាយុ៤៣ឆ្នាំ មានមុខរបរធ្វើអនាម័យរោងចក្រ មានទីលំនៅចំណុចកើតហេតុខាងលើ បានចាប់ឆ្កែឈ្មោលពណ៌ខ្មៅ១ក្បាលយកទៅលក់នៅម្តុំអូរទី០១ បានលុយចំនួន៦ម៉ឺនរៀល រួចយកលុយនោះទៅទិញថ្នាំញៀនអស់ទាំងយប់។
យោងតាមចម្លើយសារភាពរបស់ជនសង្ស័យបានបញ្ចាក់អោយដឹងថា៖ នៅថ្ងៃកើតហេតុដោយសារតែខ្លួនពុំមានលុយទិញថ្នាំញៀន ទើបរូបគេ បានសម្រេចចិត្តលួចយកឆ្កែអ្នកជិតខាងយកទៅលក់អោយ តា ឆ្លូញបានលុយ៦០០០០រៀល ហើយបានយកលុយនោះទៅទិញថ្នាំញៀនហើយបានជក់អស់ទៀតផង។ ក្រោយចម្លើយសារភាព ម្ចាស់ឆ្កែបានទៅយកសត្វ ឆ្កែពី តា ឆ្លូញ មកវិញ។ ចំណែកជនសង្ស័យ ត្រូវបានសមត្ថកិច្ចកសាងសំណុំរឿងបញ្ជូនទៅកាន់សាលាដំបូងខេត្តចាត់ការតាមច្បាប់៕ ដោយ សមុទ្រខៀវ
http://ift.tt/1HgkcjL
