តារាល្បីៗចូលរួមច្រើន ថ្ងៃសម្ពោធរឿង”ក្រមុំសៅកែ” លើកទី២
កាលពីល្ងាចម្សិលមិញនេះនៅរោងភាពយន្តផ្លាទីនៀមសូរិយាមានតារាល្បីៗជាច្រើនដួងចូលរួមសម្ពោធរឿង”ក្រមុំសៅកែ”របស់ផលិតកម្មមហាហង្ស។
ពួកគេទាំងនោះមាន កែវ ស្រីនាង អូន ឧស្សាហ៍ អ៊ុន សិទ្ធា ហម ឈរ៉ា ជីវ័ន្ត សុវណ្ណ គិរី អាង សុនីតា ដួង ស្រីពេជ្រ ហេង ស្រីពេជ្រ ពៅ ថារី ប្រាក់ សារួន និងតារាកិត្តិយសជាច្រើនទៀត។
លោក អិន សុភិន ម្ចាស់ផលិតកម្មខាងលើមានប្រសាសន៍ថា នេះជាការបើកសម្ពោធទី២បន្ទាប់ពីបានបើកសម្ពោធរួចហើយនៅ Major Cineplex By Cellcard សប្ដាហ៍មុន។ លោកថា រឿងនេះជាប្រភេទរឿងខ្នាតធំបន្ទាប់ពីរឿង”អាព្រឿងងាប់ហើយ” ដោយលោកបានសម្រិតសម្រាំងយ៉ាងពិសេសប្រើរយៈពេល៤ខែដើម្បីបំពេញចិត្តទស្សនិកជន ក្នុងនោះតួសម្ដែងសុទ្ធតែមានឈ្មោះបោះសម្លេងនៅប្រទេសកម្ពុជា។
ប្រភពដដែលនេះ ប្រាប់ថា លោកមានការសង្ឃឹមយ៉ាងមុតមាំថារឿង “ក្រមុំសៅកែ”នេះនឹងទទួលបានការគាំទ្រយ៉ាងខ្លាំងពីសំណាក់ទស្សនិកជនដែលនិយមគាំទ្រវិស័យភាពយន្តខ្មែរ ព្រោះនេះជាប្រភេទរឿងកំប្លែងស្ងួតដ៏ល្អមួយ មានឈុតឆាកកំប្លែងសើចសប្បាយតាំងពីដើមរហូតដល់ចប់ឯណោះ ៕
អត្ថបទ៖ ថា ម៉ាលីដា
http://ift.tt/1Cuxrfg