គោយន្ត២គ្រឿង រណាយន្ត៤ ម៉ូតូ១គ្រឿងរបស់ជនជាតិវៀតណាមប្រើប្រាស់ក្នុងសកម្មភាពលួចកាប់ឈើក្នុងដីខ្មែរ ឆ្លងចេញចូលតាមច្រកព្រំដែនប៉ុស្តិ៍ឡាំប៉ឹកត្រូវប្រជាសហគមន៍បញ្ជូនទៅតុលាការ
ខេត្តមណ្ឌលគិរី៖ ប្រជាពលរដ្ធនៅឃុំប៊ូស្រាចំនួន២ភូមិ គឺភូមិឡាំមេះ និងភូមិពូលុ បានចាប់គោយន្តវៀតណាម ដឹកឈើឆ្លងដែនខុសច្បាប់ចំនួន២គ្រឿង រណាយន្ត៤ គ្រឿង ម៉ូតូ១គ្រឿងស្ថិតក្នុងស្រុកអូររាំង ជិតប៉ុស្គិ៍នគរបាលការពារព្រំដែនឡាំប៉ឹកដែលគ្រប់គ្រងដោយលោក ប្រាក់ ភារម្យ ជានាយប៉ុស្គិ៍នៅទីនោះ និងក្រោមការគ្រប់គ្រងរបស់លោក ឡេង សុភាន់ មេវរ:ការពារព្រំដែនលេខ៦២១ កាលពីយប់ថ្ងៃទី៣១/១២/២០២៥ រហូតដល់ថ្ងៃទី៦/០១/២០១៦ ប្រជាពលរដ្ធនាំគ្នាបញ្ចូនវត្ថុតាងខាងលើនោះទៅតុលាការខេត្តមណ្ឌលគិរី តែមិនបញ្ចូនទៅ ឲ្យមេព្រៃទេ ព្រោះកន្លងមកបញ្ចូនទៅតែងតែបាត់វត្ថុតាងមកតាមផ្លូវ ។ ប្រជាពលនៅទូទាំងខេត្តមណ្ឌលគិរី ស្ទើរតែលែងជឿនឹងទុកចិត្តក្រុមមន្ត្រីជំនាញមេព្រៃ និង បរិស្ថាន ហើយពួកគាត់សង្ឃឹម និងជឿទុកចិត្តតែស្ថាប័នតុលាការតែមួយទៀតប៉ុណ្ណោះ។
តាមការឲ្យដឹងរបស់ពលរដ្ឋជនជាតិដើមភាគតិចឲ្យដឹង បន្ទាប់ពីក្រុមប្រជាសហគមន៍នៅស្រុកពេជ្រាដា នាំគ្នាឃាត់បានគោយន្តរបស់វៀតណាមលួចចូលដឹកឈើខ្មែរត្រង់ចំណុចអូរប៉ុលនោះ នាពេលបច្ចុប្បន្នក្រុម ឈ្មួញវៀតណាម និងមន្ត្រីសមត្ថកិច្ចដែលគ្រប់គ្រង់តំបន់នោះ នៅតែបន្តសកម្មភាពឃុបឃិតបិទបាំងជាលក្ខណ: ជាប្រព័ន្ធដដែល ហើយមានទ្រង់ទ្រាយធំលើសដើម ដោយមានការជ្រោមជ្រែងពីលោក អ៊ុក ណាខៃ ជាមន្ត្រីយោធាប្រើស្បែកកាងបទល្មើសព្រៃឈើឆ្លងដែន និង លោកប្រាក់ ភារម្យ មេប៉ុស្គិ៍ឡាំប៉ឹកដដែល ហើយបានធ្វើឲ្យសកម្មភាពលួចកាប់ឈើពីសំណាក់ជនជាតិវៀតណាមនៅតាមព្រំកម្ពុជា និងការដឹក ឈើរបស់វៀតណាមចេញពីទឹកដីខ្មែរនៅតែមានសភាពរលូនជាធម្មតា ដែលពលរដ្ឋទាមទារសុំអន្តរាគមន៍ពីថ្នាក់ដឹកនាំគ្រប់ជំនាញពាក់ព័ន្ធជួយទប់ស្គាត់ជាបន្ទាន់ ។
សូមរំលឹកថា គោលយន្តកែច្នៃដឹកឈើ២គ្រឿងរបស់ជនជាតិវៀតណាម រណាយន្ត៤គ្រឿង ព្រមទាំងម៉ូតូ១គ្រឿដែលជាវត្ថុតាងខាងលើនោះ ត្រូវបានប្រជាសហគមន៍ ឃាត់កាលពីយប់ថ្ងៃទី៣១ ខែធ្នូ ២០១៥ នៅចំណុចអូរបុល ស្ថិតក្នុងស្រុកអូររាំង ជិតប៉ុស្គិ៍នគរបាលការពារព្រំដែនឡាំប៉ឹក លោក ប្រាក់ ភារម្យ ជានាយប៉ុស្គិ៍នៅទីនោះ ក្រោមការគ្រប់គ្រងរបស់លោក ឡេង សុភាន់ មេវរ:ការពារព្រំដែនគោកលេខ៦២១ ។ ជាមួយគ្នានោះដែរម៉ូតូប្រមាណ១០គ្រឿងទៀតទុកចោលនៅទីនោះ ខណៈពុំមានកម្លាំងគ្រប់គ្រាន់ជញ្ជូនយកមកដោយស្របពេលយប់ងងឹត និងក្រុមបក្ខពួកបំផ្លាញព្រៃឈើនោះបានបាញ់កាំភ្លើង២ទៅ៣គ្រាប់គម្រាមប្រជាសហគមន៍ដែលកំពុងធ្វើការបង្ក្រាបបទល្មើសនោះ៕ ឦសាន២
http://ift.tt/1ZP2CyC
