ផ្ទះរឿង សុវណ្ណ មករា នាំស្រីស្នេហ៍ឡើងផ្ទះសំណាក់បង្ករឲ្យ ឈិន សុធារី របួសពេញខ្លួន

នៅមុននេះបន្តិចមានព័ត៌មានផ្ញាក់ផ្អើលមួយបានកើតឡើង ខណៈដែលមានដំណឹងថា តារាសម្តែងល្បីឈ្មោះលោក សុវណ្ណ មករា បាននាំស្នេហ៍វ័យក្មេងឡើងផ្ទះសំណាក់នៅម្តុំភ្នំពេញថ្មី និងត្រូវតារាសម្តែង ឈិន សុធារី ជាប្រពន្ធតាមទាន់ក្នុងបន្ទប់ផ្ទះសំណាក់ មានរហូតការប្រទូសរ៉ាយ បង្ករឲ្យ ឈិន ដុធារី មានរបួសជាំសាច់ពេញខ្លួន។

យោងតាមប័ត៌មានដែលធ្លាយចេញនេះបានបញ្ជាក់ថា រឿងរ៉ាវ ឈិន សុធារី តាមទាន់លោក សុវណ្ណ មករា នាំស្រីស្នេហ៍ឡើងផ្ទះសំណាក់នេះគឺបានកើកឡើងនៅថ្ងៃទី២៨ មីនា ម្សិលម្ងៃ ហើយក៏មានការប្រទូសរ៉ាយ ដោយពាក្យសម្តីដោយសារ ឈិន សុធារី មានកំហឹងខ្លាំងមិនអាចទប់បាន។ពេលនោះលោក សុវណ្ណ មករា ក៏បានចាប់ឃាត់ និងច្រាន នាងដោយប្រើកំលាំងខ្លាំង រហូតបង្ករឲ្យប្រពន្ធដួលធ្លាក់ពីកាំជណ្តើរជាច្រើនត្រឡប់នាំឲ្យមានរបួសស្នាមពេញរាងកាយ។

ប្រភពមួយនេះបន្តថា តាំងពីថ្ងៃម្សិលមិញ និងថ្ងៃនេះ ឈិន សុធារី បានចូលព្យាបាលរបួសនៅមន្ទីរពេទ្យមួយជិតផ្ទះរបស់នាងនៅទួលគោក ដោយមិនមានវត្តមានប្តីជូនមកជាមួយទេ ហើយមកដល់ម៉ោងនេះអាការរបួសលើខ្លួនប្រាណនាងក៏មិនទាន់បានធូស្រាលនៅឡើយ។

ជុំវិញព័ត៌មាននេះយើងមិនទាន់ទទួលបានការឆ្លើយតបពីលោក សុវណ្ណ មករា និង ឈិន សុធារី នៅឡើយ ប៉ុន្តែរឿងមួយនេះត្រូវបានប្រភពខាងលើបញ្ជាក់ថា ជារឿងពិតមួយរយភាគរយ ដូច្នេះហើយទើបប្តីប្រព្ធមួយគូនេះមិនទាន់ចេញមុខឆ្លើយតប ព្រោះរឿងរ៉ាវមិនទាន់បានដោះស្រាយនៅឡើយ៕

http://ift.tt/2oBf6wG