ផ្ទុះហឹង្សាដាក់គ្នាបង្កការភ្ញាក់ផ្អើលរវាងអ្នកជិះរថយន្ត និង អ្នកជិះម៉ូតូឆ្លងផ្លូវ ដោយសារតែ…
ខេត្តព្រះសីហនុៈ MC. ដោយសារតែសារជាតិស្រានៅក្នុងខ្លួនបានធ្វើអោយមានការផ្ទុះហឹង្សាមួយកើតឡើង បង្កការភ្ញាក់ផ្អើលដល់ប្រជាពលរដ្ឋ និង សមត្ថកិច្ច មកអន្តរាគមន៏ និងបានឃាត់ខ្លួនភាគីជម្លោះទាំងពីរសួរនាំ ។ ដែលហេតុការណ៍នេះបានកើតឡើងនៅម៉ោង ២០ និង៥០នាទីយប់ នាថ្ងៃទី ២០ មិថុនា ឆ្នាំ២០១៧ក្នុងភូមិ ០៤សង្កាត់០៤ ក្រុង/ខេត្តព្រះសីហនុ។
ជុំវិញករណីនេះ បើយោងតាមប្រភពសមត្ថកិច្ចមូលដ្ឋានបានអោយដឹងថា នៅចំនុចអតីតខារាអូខេ ៣៣៣ មានការផ្ទុះហឹង្សាមួយកើតឡើង រវាងអ្នកជិះឡាន និងអ្នកជិះម៉ូតូ ខណៈពេលឆ្លងថ្នល់ក៏មានការប៉ះទង្គិចពាក្យសម្តីដាក់គ្នា ដែលហេតុការណ៍នេះកើតឡើងនៅម៉ោង ២០និង៥០នាទីយប់ នាថ្ងៃទី២០ មិថុនា ឆ្នាំ ២០១៧ក្នុងភូមិ០៤សង្កាត់04 ក្រុង/ខេត្តព្រះសីហនុ ប៉ុន្តែត្រូវបានកំលាំងសមត្ថកិច្ចប៉ុស្តិ៏រដ្ឋបាលសង្កាត់លេខ៤ សហកាណ៏ជាកំលាំងព្រហ្មទណ្ឌ ធ្វើទប់ស្កាត់បានទាន់ពេលវេលា។
ប្រភពសមត្ថកិច្ចបន្តថា នៅវេលាកើតហេតុខាងលើជនបង្កមានគ្នា០៣នាក់ បានជិះរថយន្តម៉ាក កូរ៉ូឡាពណ៏ក្រហម ស្លាកលេខ ភ្នំពេញ 2H-៩១២០ ជិះបត់ចូលម្តុំក្រោយពេទ្យ ច្រក៣៣៣បើកបរដោយឈ្មោះ យឹម វាសនា មានទីលំនៅសង្កាត់លេខ៣ ស្របពេលនោះក៏មានម៉ូតូមួយគ្រឿងម៉ាក ហុងដា បើកបរដោយឈ្មោះ ចាន់ សុខណា ភេទ ប្រុស អាយុ៣៥ ឆ្នាំជិះមកពីក្រោយ ក្នុងល្បឿន ក្នុងស្ថានភាពស្រវឹង ហើយបានដួលក្រោយប៉ះជាមួយរថយន្តបន្តិចភ្លាមនោះភាកីម៉ូតូឈ្មោះបានស្រែកជេទៅលើ ចាន់ សុខណា ភាគីរថយន្តឈ្មោះ យឹម វាសនា ជាហេតុធ្វើអោយភាគីរថយន្តខឹង ក៏ឈប់រថយន្តវាយទៅលើភាគីម៉ូតូមួយដៃហើមត្របកភ្នែកខាងឆ្វេង ។បន្ទាប់មក ភាគីម៉ូតូបានទូរស័ព្ទហៅគូកន រួមជាមួយបក្ខពូក៤ទៅ៥នាក់ មកបំរ៉ុងសងសឹកវិញ តែត្រូវសមត្ថកិច្ចទប់ស្កាត់ទាន់ពេលវេលា។
ដោយឡែក យោងតាមសម្តីជនរងគ្រោះដែលបើកបរម៉ូតូម្នាក់ឯងបានប្រាប់អោយដឹងថា គាត់បានជិះម៉ូតូម៉ាកសង់ពីទិសដៅលិចទៅកើត ស្រាប់តែមានឡានមួយគ្រឿងដែលមានគ្នាបីនាក់ ម៉ាកកូរូឡាពណ៌ក្រហម ស្លាកលេខ ភ្នំពេញ 2H-9120 បានបើកលឿនវ៉ាកាត់ពីមុខគាត់ប៊ិះ គេចសឹងតែពុំទាន់រងគ្រោះថ្នាក់ ក៏បានបោះពាក្យសម្តីទៅភាគីឡាន ភាគីបង្កឮមិនពិរោះក៏បានឈប់ឡាន ហើយចុះមកដាល់ជនរងគ្រោះតែម្តង ធ្វើអោយជនរងគ្រោះរបួសស្រាលតែ សម្រួលមិនត្រូវគ្នា ក៏ភាគីម៉ូតូខលហៅគ្នីគ្នាមកជួយ ក៏បង្កអោយកាន់តែវែងឆ្ងាយ។ ទីបំផុតក៏មានសមត្ថកិច្ចមកដល់ហើយឃាត់ខ្លួនទាំងជនរងគ្រោះ និងភាគីបង្កហេតុទៅស្នងការធ្វើការដោះស្រាយតាមផ្លូវច្បាប់៕
http://ift.tt/2rTae7r
