បើករថយន្ត​វី​ហ្គោ​ងោគ​បុក​ហ៊ីយ៉ាន់ដាយ រួច​បុក​លុច​សីស​ដាច់​កង់​ហើយ​ធ្លាក់ ប្រឡាយទឹក​ខ្លួនឯង​ដាច់​កង់​មុខ រងរបួស​ស្រាល​៤​នាក់​

ខេត្តកំពង់ឆ្នាំង៖ មនុស្សប្រុសស្រី៤នាក់ជិះក្នុងរថយន្តវីហ្គោ បានរងរបួសស្រាលដោយ សារថយន្តពួកគាត់អ្នកបើកបរ បើកងោគ បុករថយន្តហ៊ីយ៉ាន់ដាយមួយគ្រឿងក្នុងទិសច្រាស់គ្នាហើយ ជ្រុលទៅបុករថយន្តលុចសីសមកពីមុខមួយគ្រឿងទៀតដាច់កង់ក្រោយ រួចធ្លាក់ចូលក្នុងប្រឡាយទឹកខ្លួនឯង។ហេតុការណ៍គ្រោះថ្នាក់នេះបានកើតឡើងនៅម៉ោង៧និង១៥នាទីព្រឹកថ្ងៃទី០៤ ខែមេសាឆ្នាំ២០១៨ នៅលើផ្លូវជាតិលេខ៥ ចន្លោះគីឡូម៉ែត្រលេខ១០៤. ១០៥ នៅក្នុងភូមិទ័ពត្បែង ឃុំពង្រ ស្រុករលាប្អៀរ ខេត្តកំពង់ឆ្នាំង។

ប្រជាពលរដ្ឋមានទីលំនៅកន្លែងកើតហេតុដែលបានឃើញហេតុការនេះបាននិយា យអោយដឹងថា៖ មុនពេលកើតហេតុគេឃើញរថយន្តវីហ្គោ ពាក់ស្លាកលេខ ភ្នំពេញ 2Z . 4769បានបើកបរក្នុងទិសពីភ្នំពេញបាត់ដំបង ក្នុងល្បឿនយ៉ាងលឿនទំនងជាប្រញាប់ទៅសែនផ្នូរដូនតា លុះមកដល់ចំណុចកើតហេតុក៏បានរេចង្កូត បុករថយន្តហ៊ីយ៉ាន់ដាយដឹកគ្រឿងចក្រមួយគ្រឿងពាក់ស្លាកលេខ ភ្នំពេញ 3B . 9249 ក្នុងទិសដៅច្រាស់គ្នា ហើយរេចង្កូតទៅបុករថយន្តលុចសីសពាក់ស្លាកលេខ បាត់ដំបង 2A . 6302 មួយគ្រឿងទៀតដែ លបើកក្នុងទិសដៅច្រាស់គ្នាដែរ បណ្តាលអោយរថយន្តលុចសីសដាច់កង់ក្រោយផ្នែកខាងឆ្វេង ហើយរថយន្តវីហ្គោនោះក៏បានជ្រុលចង្កូតចធ្លាក់ចូលប្រឡាយទឹក តែគ្មានទឹកទេ បណ្តាលអោយរថយន្តវីហ្គោដាច់កង់មុខខាងឆ្វេង និងអ្នកជិះក្នុងរថយន្ត៤នាក់ បានរងរបួសស្រាល។

ក្រោយពេលកើតហេតុសមត្ថកិច្ចនគរបាលចរាចរណ៍ស្រុករលាប្អៀ រ បានចុះមកវាស់នៅក្លែងកើតហេតុកសាងសំណុំរឿងតាមនិតិវិធី ដោយត្រូវអូសយករថយន្តរងគ្រោះលុចសីស៣០០ និងរថយន្តវីហ្គោបង្ក ទៅរក្សាទុកនៅក្នុងអធិការដ្ឋាននគរបាលស្រុករលាប្អៀរ ដើម្បីដោះស្រាយតាមផ្លូវច្បាប់។ ចំណែករថយន្តហ៊ីយ៉ាន់ដាយ បានរងការខូចខាតតិតួចមិនប្តឹងទាមទារសំណងពីរយន្តបង្កឡើយ។

ករណីនេះតាមការពិនិត្យ របស់សមត្ថកិច្ច និងតាអ្នកស្រុករាយការណ៍នៅកន្លែងកើតហេតុ សមត្ថកិច្ចបានសន្និដ្ឋានថា ករណីនេះបណ្តាលមកពីអ្នកបើកបររថយន្តវីហ្គោ បើកបរទាំងងោគងុយ ទើបបង្កអោយមានគ្រោះថ្នាក់បែបនេះ ៕ រឹទ្ធិ ជ័យ