រថយន្តហ៊ីយ៉ាន់ដាយធុនធំថយបុកបង្គោលភ្លើងដែកទ្រេតខូចនៅតាមចិញ្ចើមផ្លូវជាតិហើយបើករត់ សមត្ថកិច្ចតាមចាប់បាន សាលាខេត្តពិន័យអោយសង២៥០០ដុល្លារ
ខេត្តកំពង់ឆ្នាំង៖ អ្នកបើកបររថយន្តហ៊ីយ៉ាន់ដាយធុនធំមួយគ្រឿង ត្រូវបានសមត្ថកិច្ចនគរ បាលក្រុងកំ ពង់ឆ្នាំងតាមចាប់បាន និងឃាត់ខ្លួននៅក្នុងអធិការដ្ឋាននគរបាលក្រុងកំពង់ឆ្នាំងនៅល្ងាចថ្ងៃទី៣០ខែមេសា ឆ្នាំ២០១៨ បន្ទាប់ពីអ្នកបើកបររថយន្តរូបនេះបានបើករថយន្តថយក្រោយបុកបង្គោលភ្លើងដែកមួ យដើមទ្រេតខូចបើយបានបើករត់គេចខ្លួន។ករណីនេះបានកើតឡើងនៅម៉ោង៦និង១៥នាទីល្ងាចថ្ងៃទី៣០ ខែមេសា នៅតាមចិញ្ចើមផ្លូវជាតិលេខ៥ ក្នុងភូមិត្រពាំងចឹក្សា សង្កាត់កំពង់ឆ្នាំង ក្រុងកំពង់ឆ្នាំង ហើយត្រូវសាលាខេត្តកំពង់ឆ្នាំងពិន័យអោយសងថ្លៃបង្គោលភ្លើងដែកនោះ ចំនួន២.៥០០ដុល្លា។
សមត្ថកិច្ចនគរបាលចរាចរណ៍ក្រុងកំពង់ឆ្នាំង បានអោយដឹងថា៖ អ្នកបើកបររយន្តម៉ាកហ៊ីយ៉ាន់ដាយ ពាក់ស្លាកលេខ ព្រះសីហនុ 3A . 5894 មានឈ្មោះ ព្រឹម រ៉ាច អាយុ៣០ឆ្នាំ ភេទប្រុស រស់នៅភូមិអណ្តូងសំរិត ឃុំអណ្តូងសំរិត ស្រុកកោះកែវ ខេត្តតាកែវ ។ មុនពេលកើតហេតុគេបានឈប់រថយន្តហូបចុកនៅកន្លែងកើតហេតុ លុះហូបចុករួចក៏បានបើករថយន្តថយក្រោយបុកបង្គោលភ្លើងដែកទ្រេ ត ខូច ហើយក៏បានបើករថយន្តទៅមុខគេចខ្លួនតែម្តង ។ ខណៈនោះដែរសមត្ថកិច្ចនគរបាលម្នាក់បានឃើញទាន់ ក៏បានរាយការណ៍តាមវិទ្យុទាក់ទងអោយសមត្ថកិច្ចនគរបាលក្រុងកំពង់ឆ្នាំង តាមចាប់រថយន្តបង្ករនោះបាន នៅជិតវត្តខ្សាម ក្នុងភូមិទី១ សង្កាត់ខ្សាម ក្រុងកំពង់ឆ្នាំង និងបានឃាត់ខ្លួនអ្នកបើកបរ និងនាំរថយន្តបង្ករនេះមករក្សាទុកនៅក្នុងអធិការដ្ឋាននគរបាលក្រុងកំពង់ឆ្នាំង។
បន្ទាប់ពីបានរាយការណ៍ជូនរដ្ឋបាលខេត្តកំពង់ឆ្នាំង រួចមកលោកប្រធានគណនេយ្យសាលាខេត្តកំពង់ឆ្នាំង បានកំណត់អោយម្ចាស់រថយន្តសងថ្លៃបង្គោលភ្លើងដែកនេះ ចំនួន២៥០០ដុល្លា។ តែអ្នកបើ កបររថយន្តប្រាប់ថា លោកមានតែ៥០០ដុល្លាសុំសងប៉ុណ្ណឹង តែខាងគណនេយ្យសាលាខេត្តមិនព្រមយកឡើយ និងបានប្រាប់ថាថ្លៃដើមបង្គោលនេះគឺ១៥០០ដុល្លាទៅហើយ បូកនិងថ្លៃកុំម៉ង់ទិញថ្មី ថ្លៃដឹកជញ្ជូន ថ្លៃឡានស្ទូចដកអាចាស់ចេញ និងស្ទួចដាក់អាថ្មីចូល គឺ២៥០០ដុល្លា ទើបគ្រប់បាទ។
ករណីនេះគឺជាសារមួយជូនដំណឹងដល់អ្នកបើកបរថយន្តទាំងឡាយ សូមប្រុងប្រយត្ន័កុំអោយបើករថយន្តបុកបង្គោលភ្លើងក្នុងក្រុងកំពង់ឆ្នាំងអោយសោះ បើបុកហើយនឹងត្រូវសងអោយសាលាខេ ត្តកំពង់ឆ្នាំងថ្លៃនោះមហាថ្លៃហើយ សូមអស់លោកជ្រាប។
ដោយឡែកមន្ត្រីនគរបាលក្រុងកំពង់ឆ្នាំង បានត្អូញត្អែរគ្រប់គ្នាថា៖ កន្លងមកពេលរថយន្តបុកប ង្គោលភ្លើងដូចនេះ បើសមត្ថកិច្ចចាប់រថយន្តមិនបានទេ គឺលោកអភិបាលខេត្តតម្រូវអោយនគរបាលក្រុងជាអ្នកចេញលុយសងតែម្តង គឺក្នុង១ដើម៣០០ដុល្លា ហើយក៏ធ្លាប់បានកាត់ប្រាក់ខែគ្រប់ៗគ្នាសងទៅសាលាខេត្តចំនួន៣ដងរួចមកហើយ ធ្វើអោយប្រពន្ធកូនបោចសក់ចង់ផ្តាច់របបគ្រប់ៗគ្នា។ តែមានមន្ត្រីមួយចំនួនរអ៊ូថា លើកក្រោយអត់ព្រមអោយកាត់ប្រាក់ខែទេណា ចង់ដកចេញពីនគរបាល ឬដកស័ក្តិចោលក៏ដកទៅ ម៉ែឪអាណាអោយនគរបាលគ្នាដេកយាមគ្រប់បង្គោលភ្លើងក្នុងក្រុងទាំងយប់ទាំងថ្លៃ២៤ម៉ោងនោះ បើកចង់អោយដេកយាមចឹងមែន ទាល់តែថែមកម្លាំងអោយនគរបាលក្រុងចំនួន១០០នាក់ទៀតមក និងមិនបាច់ធ្វើការអីទេ គឺដេកយាមតែបង្គោលភ្លើងនឹងទៅ..!! ៕ រឹទ្ធិ ជ័យ
https://ift.tt/2jkrnFi
