ប្រជាពលរដ្ឋលក់ឈើពីងពង់ផ្លាស់ទីតាំងមកលក់ដូរនៅកំពង់ផែថ្មី សាងសង់រោងលក់ដូរមិនគោរពតាមគោលការរបស់អាជ្ញាធរខេត្តដែលបានកំណត់គម្លាតពីច្រាំងទន្លេ៥០ម៉ែត្រ
ខេត្តកំពង់ឆ្នាំង ៖ អនុវត្តតាមផែនការរបស់អាជ្ញាធរខេត្តប្រជាពលរដ្ឋដែលប្រកបមុខរបរលក់ឈើពីងពុងស្លឹក នឹងលក់កសិផលនៅច្រាំងទន្លេកំពង់ផែចាស់ បាននាំគ្នាមកសាងសង់រោងលក់ដូរនៅកំពង់ផែថ្មីជាបន្តបន្ទាប់ហើយ ប៉ុន្តែពួកគាត់សាងសង់រោងលក់ដូរខុសផែនការរបស់អាជ្ញាធរខេត្ត ដែលកំណត់អោយមានគម្លាតពីច្រាំងទន្លេ៥០ម៉ែត្រ និងយ៉ាងតិចបំផុតក៏មានគម្លាតពីច្រាំងកំពង់ផែរថ្មី៣៥ម៉ែត្រដែរ ។
ស្ត្រីម្នាក់ដែលប្រកបមុខរបរលក់ឈើ ពីងពុង នៅកំពង់ផែថ្មី ក្នុងដីសង្កាត់ខ្សាម ក្រុងកំពង់ឆ្នាំងបាននិយាយឱ្យដឹងថា៖ អនុវត្តតាមផែនការរបស់ខេត្ត ប្រជាពលរដ្ឋដែលប្រកបមុខរបរលក់ដូរឈើពីងពុង និងស្លឹក ជាង១៥គ្រួសារ នៅកំពង់ផែចាស់ បាននាំមកសាងសង់រោងលក់ដូរនៅកំពង់ផែថ្មីនេះ ជាបន្តបន្ទាប់ហើយ តែកាសង់សាងសង់នេះក្រុមការងារចម្រុះរបស់ខេត្តបានប្រាប់ថា ត្រូវទុកដីផ្លូវប្រវែង៣៥ម៉ែត្រពីច្រាំងទន្លេកំពង់ផែថ្មី។
ដោយឡែកបុរសម្នាក់ ដែលជាអ្នកលក់កសិផលនៅតាមច្រាំងទន្លេនៅក្នុងភូមិចុងកោះពីមុនមកនោះក៏បាននិយាយអោយដឹងដែរថា៖ ថ្មីៗនេះពួកគាត់ជាង១០គ្តួសារ បាននាំគ្នាជួលដីគេសាងសង់តូបលក់កសិផលនៅមាត់ច្រាំងកំពង់ផែថ្មី ដែលមានគម្លាតពីច្រាំងកំពង់ផែថ្មី៣០ម៉ែត្រតាមការណែនាំរបស់អាជ្ញាធរក្រុងកំពង់ឆ្នាំង ។ តែកាលពីថ្ងៃទី២៤ ខែតុលា ឆ្នាំ២០១៨ ក្រុមការងារចម្រុះខេត្ត បែរជាអោយរុះរោងនេះថយក្រោយប្រវែង៥ម៉ែត្រទៀតគឺថយក្រោយបង្គោលភ្លើងទៀត ដោយត្រូវទុកគម្លាតពីច្រាំងកំពង់ផែថ្មីប្រវែង៣៥ម៉ែត្រសំរាប់ធ្វើផ្លូវ និងចំណតរថយន្ត ។ ដែលរឿងនេះបានធ្វើឲ្យគាត់ត្រូវខាតបង់ថវិការរុះរោះរោង ព្រោះតែគម្រោងរបស់អាជ្ញាធរក្រុងនិងខេត្តមិនច្បាស់ ។
ទាក់ទងនិងរឿងនេះ លោក បេ សារុំ អភិបាលរងក្រុងកំពង់ឆ្នាំង បានបញ្ជាក់អោយដឹងថា៖ កន្លងមកមិនមានអាជីវករណាមកសុំច្បាប់ក្រុងសាងសង់រោង ឬតូបលក់ដូរ នៅកំចំណុចពង់ផែថ្មីឡើយ ហើតសំណង់ដែរប្រជាពលរដ្ឋកំពុងធ្វើនិងមួយចំនួនបានធ្វើហើយនោះ ក៏គ្មានអាជ្ញាធរក្រុងណាម្នាក់ហ៊ានអនុ ញ្ញាតអោយធ្វើខុសគោលការបែបនេះនោះឡើយ ។ ព្រោះតាមគម្រោងរបស់អាជ្ញាធរខេត្ត អោយធ្វើរោងឬតូបលក់ដូរអោយនៅក្រោយបង្គោលភ្លើងដោយទុកគម្លាតពីច្រាំងទន្លេ៣៥ម៉ែត្រនៅចំណុចកំពង់ផែថ្មី និងទុកគម្លាតពីច្រាំងទន្លេ៥០ម៉ែត្រ ផុងពីបរិវេណកំពង់ផែថ្មី ។
លោក ស៊ុន សុវណ្ណារិទ្ធ អភិបាលរងកំពង់ឆ្នាំងនិងជាប្រធានគណៈកម្មការរៀបបន្លាស់ទីផ្ទះទឹកនៅក្នុងក្រុងកំពង់ឆ្នាំង នៅរសៀលថ្ងៃទី 25 ខែតុលាឆ្នាំ 2013 នេះបានបញ្ជាក់ឲ្យដឹងថា៖ តាមគោលការរបស់អាជ្ញាធរខេត្ត នៅចំណុចកំពង់ផែថ្មី គឺត្រូវទុកទ្រូងផ្លូវប្រវែង៣៥ម៉ែត្រពីមាត់ច្រាំងកំពង់ផែថ្មី ដើម្បីរៀបចំធ្វើផ្លូង និងបេនរថយន្តនៅកំពង់ផែថ្មី ។ ចំណែកការរៀបចំបន្លាស់ទីផ្ទះទឹកមកនៅលើគោក ត្រូវមានគម្លាតជីច្រាំងទន្លេប្រវែង៥០ម៉ែត្រ ។
ដោយឡែកចំពោះប្រជាពលរដ្ឋមួយចំនួនដែលបាននិងកំពង់សាងសង់រោង ឬតូបលក់ដូរឈើពីងពុង កំពុងរំលោភមកលើទ្រូងផ្លូវក្នុងចំណុចកំពង់ផែរថ្មីនេះហើយ ។ រឿងនេះលោកបានទុកឱកាសឲ្យអា ជ្ញាធរក្រុងកំពង់ឆ្នាំង ធ្វើការណែនាំប្រជាពលរដ្ឋទាំងនោះ អោយពួកគាត់រុះរើរោងឈើតាមការស្ម័គ្រចិត្តនិងនៅសប្តាហ៍ក្រោយ អាជ្ញាធរខេត្តនិងប្រើប្រាស់កម្លាំងចម្រុះធ្វើការរុះរើឈើទាំងនោះចេញហើយ ដោ យកំណត់អោយថយក្រោយបង្គោលភ្លើង ដែលមានគម្លាតពីច្រាំងកំពង់ផែប្រវែង៣៥ម៉ែត្រ ។ ដោយឡែកអាជ្ញាធរខេត្តក៏មិនអនុញ្ញាតអោយស្តុកឈើទុកលក់នៅតាមមាត់ទឹកជាប់ច្រាំងទន្លេដែរ៕ រឹទ្ធិ ជ័យ
https://ift.tt/2Pk1gzD
