បរិភោគស៊ុតមួយថ្ងៃមួយគ្រាប់ ដើម្បីបង្ការជំងឺបង្កការស្លាប់ទី៣លើពិភពលោក
ការស្រាវជ្រាវមួយរបស់ក្រុមអ្នកវិទ្យាសាស្ត្រអាម៉េរិក ដែលបានដំណើរក្នុងរយៈពេល ៣៣ ឆ្នាំ អំពីទំនាក់ទំនងរវាងស៊ុត និងជំងឺសរសៃឈាមបេះដូង លើមនុស្ស ២៧៥.០០០ នាក់ និងហានិភ័យស្ត្រូកលើមនុស្ស ៣០៨.០០០ នាក់ បានរកឃើញថា បរិភោគស៊ុតមួយគ្រាប់ក្នុងមួយថ្ងៃ នឹងបន្ថយហានិភ័យស្ត្រូកបានដល់ ១២ភាគរយ។
បណ្ឌិត Dominik Alexander, អ្នកដឹកនាំការស្រាវជ្រាវនៅវិទ្យាស្ថាន Epidstart, Michigan ឲ្យដឹងថា«ស៊ុតផ្ទុកយ៉ាងច្រើននូវសារជាតិមានប្រយោជន៍សម្រាប់សុខភាពមនុស្ស។ រួមមានសារជាំតិប្រឆាំងអុកស៊ីតកម្ម ដែលការពិសោធន៍ថ្មីៗនេះបង្ហាញថា មានប្រសិទ្ធភាពបន្ថយកម្រិតសម្ពាធអុកស៊ីហ្សែន ទៅក្នុងកោសិកា និងបង្ករលាក ។ ទន្ទឹមនោះ ស៊ុតជាប្រភពប្រូតេអ៊ីនដ៏អស្ចារ្យ, ត្រូវបានចាត់ទុកថា ពាក់ព័ន្ធដល់ការចុះសម្ពាធឈាម» ។
ស៊ុតមួយគ្រាប់ទំហំធំផ្ទុក ៦ ក្រាម ប្រូតេអ៊ីនគុណភាពខ្ពស់, សារជាតិប្រឆាំងអុកស៊ីតកម្ម lutein និង Zeaxanthin ត្រូវបានរកឃើញក្នុងផ្នែកស, ក៏ដូចវីតាមីន E, D និង A ។
វីតាមីន E ត្រូវបានបញ្ជាក់អាចបន្ថយហានិភ័យការធ្វើទុក្ខបេះដូងក្នុងអនាគត ចំពោះអ្នកជំងឺបេះដូង, ក្នុងពេល lutein អាចប្រឆាំងតបការស្ទះសរសៃឈាម ។
ការស្រាវជ្រាវថ្មីនេះ បានពង្រឹងបន្ថែមដល់ការណែនាំអំពីរបបអាហារសម្រាប់ជនជាតិអាមេរិក ដំណាក់កាល ២០១៥ – ២០២០ ជាមួយនឹងដំបូន្មាន អាចបរិភោគស៊ុតរាល់ថ្ងៃ ។
លទ្ធផលស្រាវជ្រាវត្រូវបានប្រកាសលើ The American Journal of Clinical Nutrition ដែលជាទស្សនាវដ្តីជំនាញមួយអំពីជីវជាតិរបស់អាមេរិក ៕ អត្ថបទប្រែសម្រួល: រតនៈ (រ.ក)
https://ift.tt/eA8V8J
