មន្ត្រីសាខាកាំកុងត្រូល ខេត្តកំពង់ឆ្នាំង ចុះត្រួតពិនិត្យការដាក់លក់ទំនិញ និងចំណីអាហារ រកសារធាតុគីមី និងទំនិញហួសសុពលភាព នៅក្នុងផ្សារពន្លៃ ស្រុកបរិបូរណ៌
ខេត្តកំពង់ឆ្នាំង ៖ មន្ត្រីសាខាកាំកុងត្រូលខេត្តកំពង់ឆ្នាំង នៅថ្ងៃទី០៦ ខែធ្នូ ឆ្នាំ២០១៨ នេះ វានចុះត្រួតពិនិត្យលើទំនិញ មានត្រីងៀត ងៀតបបែល អាហាកំប៉ុង និង ទំនិញជាច្រើនមុខទៀត នៅក្នុងផ្សារពន្លៃ ស្រុកបរិបូណ៌ ដើម្បីធានាបាននូវសុវត្ថិភាពចំណីអាហារ
លោក យីវ ណារិន ប្រធានសាខាកាំកុងត្រូល ខេត្តកំពង់ឆ្នាំង បានអោយដឹងថា៖ ក្រោយការត្រូតពិនិត្យលើមុខទំនិញដែលកំពុងដាក់តាំងលក់នៅផ្សារពន្លៃ ស្រុកបរិបូរណ៍ យើងបានរកឃើញថា ជាទំនិញដែលបានត្រួតពិនិត្យទាំងអស់គឺមានគុណភាព និង សុវត្ថិភាពល្អសម្រាប់ប្រើប្រាស។ ចំពោះការពិនិត្យបែបនេះ គឺធ្វើឡើងក្នុងគោលបំណងរកមើលសុពលភាពរបស់ទំនិញដែលកំពុងដាក់លក់អោយប្រជាពលរដ្ឋប្រើប្រាស់ប្រចាំថ្ងៃ និងបានធ្វើតេស្តរកមើលសារធាតុគីមី ហាមឃាត់ នៅក្នុងត្រីងៀត ឬបន្លែ និងក្រោយពីបានធ្វើតេស្ត នៅមុខទំនិញទាំងអស់នេះ បានបង្ហាញថា ទំនិញទាំងអស់នេះ ជាទំនិញដែលមានគុណភាពល្អគ្មានសារធាតុគីមីនោះទេ ទាំងនៅលើបន្លែនិង ត្រីងៀត។
លោកប្រធានសាខាបានអោយដឹងទៀតថា៖ តាមរយៈការចុះអប់រំផ្សព្វផ្សាយ ដល់អាជីវករកន្លងមក ឃើញថា ក្រុមអាជីវករមានការយល់ដឹងច្រើន ការដាក់លក់ទំនិញតាមទីផ្សារ គឺមានគុណភាពនិង មានអនាម័យល្អ ។ ជាមួយគ្នានេះ មន្ត្រីជំនាញក៍បាន អំពាវនាវដល់អាជីវករទាំងអស់ ត្រូវយល់ដឹងអំពីសុវត្ថិភាពចំណីអាហារដែលយកទៅដាក់លក់ឲ្យប្រជាពលរដ្ឋ យកទៅប្រើប្រាស់ ឬ បរិភោគ ។ ដោយបានណែនាំអោយអាជីវករ បញ្ឈប់សកម្មភាព យកទំនិញដែលខូចគុណភាពលក់ឱ្យប្រជាពលរដ្ឋ ព្រោះធ្វើអោយប៉ះពាល់ដល់សុខភាពប្រជាពលរដ្ឋ និងអ្នកលក់ក៏ត្រូវប្រឈមនិងការទទួលខុសត្រូវចំពោះមុខច្បាប់ផងដែរ ៕ រឹទ្ធិ ជ័យ
https://ift.tt/2zLbmAI
