“ស្រីលួចលាក់” ចិនម្នាក់ត្រូវបានប្រពន្ធគេចាប់សម្រាតរួចវាយរហូតដល់សន្លប់ក្នុងចំណោមហ្វូងមហាជន
នាងត្រូវបានចាប់សម្រាត រួចវាយរហូតដល់សន្លប់យ៉ាងហិង្សាដោយហ្វូងស្ត្រីមួយក្រុម នៅលើផ្លូវតាមហាងទិញដូរដ៏មមាញឹកមួយ…ប៉ុន្តែគ្មានប៉ូលិសណាម្នាក់ចេញមកនោះទេ។ នេះបើយោងតាមវេបសាយដេលីមែលចេញផ្សាយថ្ងៃទី ១៣ ខែតុលា។
ជាការពិត គ្មាននរណាម្នាក់ចូលអន្តរាគមន៍នោះទេ ខណៈនាង លីន យ៉ាវ លី អាយុ ៣៨ ឆ្នាំ ត្រូវបានទាត់ធាក់ទៅលើក្រលៀន និងដោះ ខណៈនាងខំប្រឹងរើបំរាស់និងស្រែកទាំងក្តីឈឺចាប់នៅលើចិញ្ចើមថ្នល់។
ពួកអ្នកឈរមើលបាននិយាយថា ហេតុផលគេមិនជួយគឺថានេះគឺជា “ជម្លោះបេះដូង” ដូច្នេះនាងមិនសមឲ្យគេជួយនោះទេ ព្រោះបានដេកជាមួយប្តីរបស់ស្ត្រីដទៃ។
ទិដ្ឋភាពស្រីលួចលាក់ត្រូវប្រពន្ធ និងមិត្តភក្តិស្រីៗបីនាក់ទៀតព្រួតវាយនៅក្រុងពូយ៉ាង
នេះគឺគ្រាន់តែជាឧប្បត្តិហេតុចុងក្រោយបំផុតមួយក្នុងចំណោមឧប្បត្តិហេតុស្រដៀងគ្នាជាច្រើន ដែលហាក់ដូចជាមានការទទួលយកដោយស្ងាត់ស្ងៀមក្នុងសង្គមចិនបច្ចុប្បន្នចំពោះភាពអាម៉ាសបែបនេះ ដរាបណាជនរងគ្រោះត្រូវគេយល់ឃើញថាជាអ្នកបង្កឲ្យបុរសផិតក្បត់ដៃគូរបស់គាត់។
ចំពោះហេតុការណ៍លើកនេះ នាងលីអាយុ ៣៨ ឆ្នាំត្រូវបានវាយឆ្មក់ពីសំណាក់ស្ត្រីបួននាក់ ខណៈនាងចេញពីទិញអីវ៉ាន់ដើរទៅផ្ទះនៅទីក្រុងពូយ៉ាង ខេត្តហេណានភាគខាងកើតចិន។
ដោយដាល់ និងទាត់នាងដួលទៅដីខណៈនាងស្រែកទាំងឈឺចុកចាប់ ពួកអ្នកវាយប្រហារនាងបន្ទាប់មកបានចាប់សម្រាតនាង ហើយបន្តការវាយតប់ ដោយបោចសក់ផង និងធាក់លើសុដន់ និងក្រលៀនរបស់នាងផង។
ពួកអ្នកឈរមើលបាននិយាយថា ការវាយប្រហារដ៏គួរឲ្យរន្ធត់នេះត្រូវបានអនុវត្តឡើងដោយប្រពន្ធដ៏ឆ្មើងឆ្មៃរបស់បុរស ដែលនាងលីនដេកជាមួយ ព្រមទាំងមិត្តបីនាក់ទៀតរបស់លោកស្រី ហើយការវាយតប់នេះត្រូវបានមើលដោយពួកអ្នកដើរកាត់ ដែលគិតថាវាមិនមែនជាកាតព្វកិច្ចរបស់ពួកគេដើម្បីជួយស្ត្រីគ្មានទីពឹងរូបនេះទេ។
បុរសឈ្មោះ ជុន ហ្វេង អាយុ ៣០ ឆ្នាំ ដែលជួយស្ត្រីរងគ្រោះបន្ទាប់ពីប្រទះឃើញនាងដេកស្តូកស្តឹងលើដី ក្រោយពីពួកវាយប្រហារនាងចាកចេញអស់បានប្រាប់ទូរទស្សន៍ក្នុងស្រុកថា “ប្រពន្ធ និងមិត្តភក្តិស្រីៗដ៏ក្រេវក្រោធបានសងសឹកលើបុរសផឹតក្បត់របស់ពួកគេ ដោយវាយប្រហារទៅលើស្រីលួចលាក់រូបនេះ។ មនុស្សមិនចង់ពាក់ព័ន្ធរឿងនេះទេព្រោះពួកគេយល់ឃើញថាវាគឺជាជម្លោះបេះដូង”។
ស្ត្រីរូបនោះក្រោយមកត្រូវបានយកទៅមន្ទីរពេទ្យ ជាទីដែលនាងកំពុងត្រូវបានព្យាបាលរបួសរលាត់ ហើមជាំធ្ងន់ធ្ងរ និង ភាពតក់ស្លត់ បន្ទាប់ពីអង្វរកគេឲ្យជួយហៅឡានពេទ្យ៕
from khmer-press.com http://ift.tt/1wwXhwq
via IFTTT
