តុលាការសម្រេច ឃុំខ្លួនឃាតករ បាញ់សម្លាប់អតីត មន្ត្រីប៉េអឹមខេត្តព្រៃវែង
Tuesday 14/10/2014 Time : 11 : 03 am
ភ្នំពេញ ៖កាលពីរសៀលថ្ងៃទី១៣តុលា ២០១៤ចៅក្រមស៊ើបសួរសាលាដំបូងរាជធានីភ្នំពេញ បានសម្រេចចេញដីកាឃុំខ្លួនឃាតករបាញ់សម្លាប់អតីតមន្ត្រីកងរាជអាវុធហត្ថខេត្តព្រៃវែង ដាក់ពន្ធនាគារជាបណ្តោះអាសន្នក្រោមបទឃាតកម្មគិតទុកជាមុន ប្លន់និងប្រើប្រាស់អាវុធដោយគ្មានច្បាប់អនុញ្ញាត ដែលបទល្មើសនេះមានចែងក្នុងបញ្ញត្តច្បាប់មាត្រា២០០ជនត្រូវចោទតម្រូវឱ្យអនុវត្តទោសក្នុងពន្ធនាគារអស់មួយជីវិត ។ឃាតករមានឈ្មោះអេង សៀងភេទប្រុស អាយុ១៩ឆ្នាំ ជាអ្នកបកប្រែភាសាចិន (កុកងឺ) ឱ្យថៅកែចិនស្នាក់នៅផ្ទះលេខ១៣ ក្នុងសង្កាត់គីឡូម៉ែត្រលេខ៦ ខណ្ឌប្ញស្សីកែវរាជធានីភ្នំពេញ ។
ឃាតករ អេង សៀងបានពន្លយពាក្យនៅសាលាដំបូងរាជធានីភ្នំពេញ ថា ករណីអន្ទងជនរងគ្រោះឈ្មោះនូ គឹមសាន្តអតីតជាប៉េអឹម និងជាអ្នកជំនួញសត្វព្រៃនៅខេត្តកំពង់ស្ពឺមកបាញ់សម្លាប់ចោលនៅដីឡូត៍មួយកន្លែងតាមបណ្តាយផ្លូវជាសុផារ៉ា សង្កាត់គីឡូម៉ែត្រលេខ៦គឺជារឿងគំនុំចាស់ផង និង ប្លន់យកប្រាក់ដើម្បីទៅរៀបការប្រពន្ធផង ៕
ដោយៈ សូសៀង
រៀបចំដោយៈ សុខុម
By: khmeronlinenews.com
http://ift.tt/eA8V8J
