បុរសម្នាក់កំពុងជិះម៉ូតូ ត្រូវរថយន្តបើកច្រាសទិសរេចង្កូតមកបុកចំពីមុខពេញទំហឹងបណ្តាលឲ្យរងរបួសធ្ងន់
ខេត្តកណ្តាល៖ បុរសម្នាក់បានរងរបួសធ្ងន់ ខណៈគាត់កំពុងជិះម៉ូតូម្នាក់ឯង ត្រូវបានរថយន្តបើកបញ្ច្រាសទិសគ្នាបុកពេញទំហឹងនោះចំពីមុខ។ ហេតុការណ៍នេះកើតឡើងកាលពីវេលាម៉ោង៦ព្រឹក ថ្ងៃទី១២ ខែធ្នូ នេះ នៅលើកំណាត់ផ្លូវជាតិស្ថិតក្នុងភូមិវិហារសូគ៌ ឃុំវិហារសូគ៌ ស្រុកខ្សាច់កណ្តាល។ បុរសរគ្រោះត្រូវបានសមត្ថកិច្ចបញ្ជូនទៅសង្គ្រោះនៅមន្ទីរពេទ្រ។
បើតាមសមត្ថកិច្ចបានឲ្យដឹងថា ជនរងគ្រោះមានឈ្មោះ សយ សេង អាយុ៦៣ឆ្នាំ រស់នៅភូមិមេរលាង ឃុំព្រៃស្នៀត ស្រុកពារាំង ខេត្តព្រៃវែង ជិះម៉ូតូម៉ាកសង់សេ១២៥ ស្លាកលេខ 1AV-3896 ត្រូវបានរថយន្តម៉ាកហ៊ីយ៉ាន់ដា ពណ៌ខៀវ គ្មានស្លាកលេខបុកពីមុខពេញទំហឹង។ ក្រោយកើតហេតុសមត្ថកិច្ចចុះអន្តរាគមន៍ ទៅដល់កន្លែងកើតហេតុតែអ្នកបើកបររថយន្តបានរត់គេចខ្លួនបាត់ទៅហើយ សមត្ថកិច្ចក៏បាននាំយកម៉ូតូ និងរថយន្តមករក្សាទុកនៅអធិការស្រុក រងចាំដោះស្រាយនាពេលក្រោយ៕
