ក្មេងស្រីអាយុ៧ និងក្មេងប្រុសអាយុ៩ឆ្នាំ ត្រូវភ្លើងឆេះស្លាប់ក្លាយជាដុំធ្យូង ដោយសារអគ្គីភ័យឆេះបំផ្លាញផ្ទះកោសជប់ ម៉ាស្សា១ខ្នងពេលមេឃជិតភ្លឺ
ខេត្តព្រះសីហនុ៖ កុមារតូចៗចំនួន២នាក់ បានបាត់បង់ជីវិតយ៉ាងអាណោចអាធ័មនៅក្នុងអគ្គីភ័យមួយ ដែលបានឆេះបំផ្លាញផ្ទះកោសជប់ ម៉ាស្សា ចំនួន១ខ្នង ទាំងស្រុងយ៉ាងលឿនបំផុតសូម្បីតែអីវ៉ាន់ក៏យកមិនទាន់ដែរត្រូវភ្លើងឆេះម៉ត់គ្មានសល់ កាលពីវេលាម៉ោង៥ទៀបភ្លឺ ថ្ងៃទី២៧ ខែធ្នូ ឆ្នាំ២០១៤ នៅចំណុចភ្នំខៀវ ស្ថិតក្នុងក្រុម១ភូមិ១ សង្កាត់លេខ២ ក្រុងព្រះសីហនុ ។
ក្នុងហេតុការណ៍នោះលោកឧត្តមសេនីយ៍ត្រី ហេង ប៊ុនទី មេបញ្ជាការកងរាជអាវុធហត្ថខេត្តបាន ថ្លែងឲ្យដឹងថា៖ ឧប្បត្តិហេតុនេះបានបណ្តាលអោយផ្ទះ១ខ្នង ឆេះខ្ទេចទាំងស្រុង និងបានឆក់យកជីវិតកុមារ២នាក់ ភ្លើងឆេះរាងកាយខ្លោចជាដុំធ្យូង អស់ទៅហើយ។ តាមការសន្និដ្ឋានជំហានតំបូង សង្ស័យថា ការឆាបឆេះនេះ បណ្តាលមកពីទុស្សេរខ្សែរភ្លើង ព្រោះនៅកើតហេតុគេបានឃើញផ្សេងនិងអណ្តាតភ្លើងឆេះចេញពីតំបូលផ្នែងខាងក្រោយ ហើយក៏បានរាលដាលពេញតួផ្ទះទាំងមូលតែម្តងតែមួយប៉ព្រិចភ្នែកឆេះហិនហោចបំផ្លអស់ព្រព្យសម្បត្តិដែលមានបន្តិចបន្ទួចនោះ។
ប្រភពនៅកន្លែងកើតហេតុបានឲ្យដឹងថា រថយន្តពន្លត់អគ្គីភ័យរបស់ស្នងការដ្ឋាននគរបាលខេត្តព្រះសីហនុចំនួន២គ្រឿង និងរថយន្តពន្លត់អគ្គីភ័យរបស់កំពង់ផែរស្វយ័ត្នក្រុងព្រះសីហនុ ក៏បានមកជួយអន្តរាគមន៍សង្គ្រោះ ទប់ស្កាត់មិនអោយមានការរីករាលដាលដល់ផ្ទះដ៏ទៃៗទៀតដែរ ។
ដោយឡែកយោងតាមប្រភពពីនគរបាលមូលដ្ឋានបានឲ្យដឹងដែរថា៖ តាមរបាយការណ៍ជាបឋម ផ្ទះជាទីតាំងកោសជប់ ម៉ាស្សា ដែលអគ្គីភ័យ ឆេះបំផ្លាញនោះ មានមនុស្សរស់នៅចំនួន៦នាក់ ក្នុងនោះស្រី៤នាក់ មុខរបរ កោសជប់ ម៉ាស្សា។ មានម្ចាស់ឈ្មោះពុង ស្រី អូន ភេទស្រីអាយុ៣១ឆ្នាំ មានទីលំនៅកន្លែងកើតហេតុ មុខរបរម៉ាស្សា។ ចំណែកកុមារទាំងពីដែលបានបាត់បង់ជិវិតមានឈ្មោះចូវ ស្រ៊ឺ ភេទស្រី អាយុ៧ឆ្នាំ និងម្នាក់ទៀតឈ្មោះ ស៊ី ថា ភេទប្រុស អាយុ៩ឆ្នាំ។
ស្ត្រីម្ចាស់ផ្ទះឈ្មោះពុង ស្រី អូន បានរៀបរាប់ នៅក្នុងហេតុការណ៍នោះទាំងតក់ស្លុតថា កំពុងតែដេកលង់លក់ ស្រាប់តែមានអារម្មណ៍ក្តៅ ភ្ញាក់ឡើងក៍ឃើញអណ្តាតភ្លើងនិងផ្សែងឆេះពេញទំហឹងលើដំបូលផ្ទះ ស្ទើតែរត់ចេញមិនរួច ពេលនោះស្លន់ស្លោយ៉ាងប្រថុចញុច ដោយបានរត់ចេញយកប្រះអាយុរៀងខ្លួន ប៉ុន្តែគួរឲ្យសោកស្តាយបានបន្សល់ទុកក្មេងពីរនាក់ក្នុងក្ទះដែលកំពុងតែឆេះគ្មានអ្នកណាជួយបានឡើយ។ លុះរថយន្តបាញ់ទឹកពន្លត់ភ្លើង នាំគ្នាដើរសំដៅទៅកន្លែងក្មេងដេកឃើញសពក្លាយជាធ្យូងទៅហើយ ស្លុតចិត្តខ្លាំងណាស់។
នគរបាលមូលដ្ឋានបានបន្តថា៖ ក្នុងសកម្មភាពជួយសង្គ្រោះនោះ កម្លាំងជួយសង្គ្រោះពន្លត់អគ្គីភ័យបានប្រើប្រាស់រថយន្តចំនួន៣គ្រឿងក្នុងនោះ រថយន្តស្នងការនគរបាលខេត្តចំនួន២គ្រឿង និង រថយន្តកំពង់ផែរស្វយ័ត្នចំនួន១គ្រឿង ប្រើប្រាស់ទឹកអស់ចំនួន៣ឡាន ។ ចំពោះការបាត់បង់ខូចខាតសម្ភារៈគិតជាទឹកប្រាក់ និង មូលហេតុដែលបណ្តាលអោយឆេះពិតប្រាកដនោះគេនៅពុំទាន់សន្និដ្ឋានបាននៅឡើយទេភ្លាមៗនេះ៕ ដោយ កោះរ៉ុង
