អជ្ញាធរខេត្តចេញបញ្ជា ឲ្យកាយដីដែលចាក់ចូលសមុទ្រ យកចេញវិញឲ្យអស់ ធ្វើឲ្យមានក្រុមអ្នកចាក់ដីកំពុងព្យាយាមរត់រកជំនូយពីមន្ត្រីថ្នាក់ធំ ជួយទប់ទល់
ខេត្តព្រះសីហនុ៖ យោងតាមប្រភពព័ត៌មាន ពីរមន្ត្រីក្រុមប្រឹក្សាខេត្ត បានលូចបង្ហើបឲ្យដឹងថា ក្រុមអ្នកចាក់ដីរំលោភបំពានយកដីសមុទ្រមួយកន្លែង នៅតំបន់ទំនប់រលក ក្រោយពីរអាជ្ញាធរ ខេត្តចេញបញ្ជា យ៉ាងម៉ឹងម៉ាត់ ឲ្យធ្វើការបញ្ឈប់សកម្មភាព ដឹកដីចាក់លុបសមុទ្រ និងតម្រូវ ឲ្យធ្វើកិច្ចសន្យាកាយយកដីដែលចាក់នោះចេញឲ្យអស់ពីរក្នុងសមុទ្រវិញ គេពិនិត្យឃើញថា ក្រុមអ្នកចាក់ដីទាំងនោះដូចជាមិនមានបំណងកាយយកដីនោះចេញវិញតាមកិច្ចសន្យាទេ តែផ្ទុយទៅវិញបែរជាមានការលិចឮឡើយថា ក្រុមអ្នកចាក់ដីល្មើសច្បាប់រូបនោះ កំពុងរត់រក ជំនួយ ពីរមន្ត្រីថ្នាក់ធំៗ ដើម្បីធ្វើការសម្របសម្រួលក្នុងគោលដៅធ្វើយ៉ាងណា ឲ្យបានគ្រប់ គ្រង និងសាងសង់ផ្ទះលើទីតាំងដែលជាក់ដីនោះ ឲ្យខានតែបាន ទោះបីជាត្រូវប្រើគ្រប់រូបភាពណាក៍ដោយ តែទង្វើនេះកំពុងតែដើផ្ទុយនឹងបទបញ្ជារបស់អាជ្ញាធរ។
ដោយឡែកសំរាប់លោក ឈិត សុខុន អភិបាល នៃគណៈអភិបាលខេត្តព្រះសីហនុ ដែលកំពុងមានប្រជាប្រិយភាពប្រជាពលរដ្ឋស្រឡាញ់ គោរព និងគាំទ្រវិញនោះ ជុំវិញបញ្ហា អន្តរាគមន៍បែបមានបំណងរឹងរូសចង់បន្ត រំលោភបំពានច្បាប់ រូបគាត់មិនគាំទ្រដាច់ខាត ពោលគឺគោលបំណងធ្វើយ៉ាងណាឲ្យប្រជាពលរដ្ឋគ្រប់រូបយល់ដឹងពីរច្បាប់ ចេះគោរព និង អនុវត្តន៍ច្បាប់គ្រប់ៗគ្នា ដើម្បីរូមគ្នាលុបបំបាត់នៅភាពអសកម្មទាំងឡាយណា ដែលកន្លងមកបង្ក ផលប៉ះពាល់សណ្តាប់ធ្នាប់ និងការអភិវឌ្ឍន៍សង្គមជាតិ ក្នុងពេលបច្ចុប្បន្ន និងថ្ងៃ អនាគត ដែលផ្តើមចេញពីរអំពើឃុបឃិតគ្នាប្រព្រឹត្តអំពើពុករលូយរំលោភបំពានច្បាប់។ ជា មួយ គ្នានេះដើម្បីបញ្ហាគ្រប់យ៉ាង ជាពិសេសវប្បធម៌អន្តរាកមន៍ ផ្ទុយពីផ្លូវច្បាប់ ថ្នាក់ដឹកនាំអាជ្ញាធរបានចេញបញ្ជាជាបន្ទាន់ឲ្យលោក ហេង សំអាន អភិបាលរងខេត្ត ដឹកនាំ កម្លាំងចម្រុះចុះទៅធ្វើការបញ្ជាគ្រឿងចក្រ កាយដីដែលក្រុមល្មើសចាក់ចូលសមុទ្រយកចេញ ពីសមុទ្រឲ្យអស់មិនព្យាពេលតទៅទៀតឡើយក្នុងគោលដៅធ្វើយ៉ាងណាឲ្យឆ្នេរសមុទ្រត្រង់ចំណុចនោះវិលទៅរកសភាពដូចដើមវិញជាប្រយោជន៍របស់ជាតិ។
លោក ហេង សំអាន អភិបាលរងខេត្តព្រះសីហនុ បានមានប្រសាសន៍ខណៈ ពេលលោកចុះទៅបញ្ជាគ្រឿងចក្រកាយដីនៅព្រឹកថ្ងៃទី១៧ខែឆ្នូឆ្នាំ២០១៤ប្រាប់ឲ្យដឹងថាការចុះកាយដីនៅទីតាំងខាងលើនេះជាទង្វើខុសច្បាប់ត្រូវបានឯកឧត្តមអភិបាលខេត្ត បញ្ជាអោយ កាយយកចេញវិញទាំងអស់ពីព្រោះតំបន់នោះ ជាតំបន់ហាមដាច់ខាតមិនអោយមានការ ចាក់ដី ឬសាងសង់សំណង់ថ្មីនោះឡើយ ហើយបញ្ហានេះអាជ្ញាធរខេត្តបានចេញសេចក្តី ជូនដំណឹង អោយបានជ្រាបរួចមកហើយផងដែរ។ លោក ហេង សំអាន បានបន្តទៀតប្រជា ពលរដ្ឋដែលរស់នៅទីនេះអាចរស់នៅបានជាមួយ និងសំណង់ចាស់ដែលមានស្រាប់ដោយអាជ្ញា ធរ មិន អនុញ្ញាតដាច់ខាត់មិនអោយមានការចាក់ដីលុបសមុទ្រ ឬសាងសង់សំណង់ ថ្មីនោះឡើយ។ ពោលគឺតំបន់នេះបើកទោះជាធ្វើការសុំច្បាប់ថ្មី ក៏មិនអនុញ្ញាតដែលហើយសំណង់ចាស់បើសិនជាមានការរុះរើក៏មិនអនុញ្ញាតអោយធ្វើការសាងសង់ឡើងវិញជាថ្មីដែរ។
វាជារឿងគូរចាប់អារម្មណ៍បំផុតសំរាប់ប្រជាពលរដ្ឋទូទៅនៅពេលគេមើលឃើញពីរគោលជំហររបស់ថ្នាក់ដឹកនាំខេត្តមិនទន់ជ្រាយក្នុងការអនុវត្តន៍ច្បាប់ជាមួយនឹងក្រុមជនបំពានចាក់ដីខាងលើដែលអាចប្រឈមនឹងផ្លូវច្បាប់។ ចំណាតការរបស់ថ្នាក់ដឹកនាំអាជ្ញាធរខេត្ត នាពេល នេះគឺជាព្រមាណដ៍ធំមួយទៅដល់ជនខិលខូចផ្សេងៗទៀតដែលកំពង់មានបំណង់ប្រព្រត្តិអំពើខុសឆ្គងរំលោភបំពានលើផ្លូច្បាប់ជាពិសេសគឺវប្បធម៌អន្តរាគមន៍រកខ្នងបង្អែកមកពាំងរារាំងវិធានការច្បាប់ ចេញពីការឃុបឃិត ទទួលសំណូកប្រព្រឹត្ត ពើពុករលួយដែលសង្គមជាតិស្អប់ខ្ពើម និងកំពុងតែប្រយុទ្ធប្រឆាំងដោយអង្គភាពប្រឆាំងអំពើពុករលួយ។
សូមបញ្ជាក់ផងដែរថាកន្លងមកថ្មីៗនេះអាជ្ញាធរខេត្តបានចេញលិខិតជូនដំណឹងលេខ៣០៤ចុះ ថ្ងៃ២៦ ខែមិថុនា ឆ្នាំ២០១៤ ស្តីពីការរៀបចំថែរក្សាបរិស្ថាន និងសណ្តាប់ធ្នាប់អនាម័យ និងស្តីពីររការហាមឃាត់នៅការសាងសង់សំណង់ថ្មីផ្សេងៗគ្រប់ប្រភេទនៅក្នុងតំបន់ទំនប់រលកខាងលើនេះរូចហើយដោយលិខិតនេះតំរូវអោយមន្ត្រីអង្គភាពពាក់ព័ន្ធជាពិសេសអាជ្ញាធរមូលដ្ឋានភូមិសង្កាត់ចុះធ្វើការផ្សព្វផ្សាយអោយបានទូលំទូលាយក្នុងគោលដៅអោយប្រជាពលរដ្ឋរស់នៅតំបន់ខាងលើបានជ្រាប និងរួមគ្នាអនុវត្តច្បាប់ផងដែរ។
ប៉ុន្តែអ្វីដែលគូរចាប់អារម្មណ៍បំផុតនោះគឺជុំវិញលិខិតជូនដំណឹងរបស់សាលាខេត្តខាងលើនេះលោក ឈិត សុផាត ចៅសង្កាត់លេខ១ ដែលជាថ្នាក់ដឹកនាំអជ្ញាធរមូលដ្ឋានផ្ទាល់ បែរជាឆ្លើយថាលោកមិនបានដឹងមិនបានឃើញលិខិតខាងលើនេះទេ។ នេះជាការឆ្លុះបញ្ចាំង ឲ្យ ឃើញច្បាស់ពីរការមិនទទូលខុសត្រូវ របស់លោក ឈិត សុផាត ជាចៅសង្កាត់យ៉ាង ពិតប្រាកដ។ បច្ចុប្បន្នដោយសារភាពមិនទទូលខុស បែបនេះបានធ្វើឲ្យបទល្មើសនែការលូចសាងសង់ផ្ទះលើសមុទ្រក៍ដូចជាចាក់ដីលុបសមុទ្រតំបន់ទំនប់រលក់ចេះតែកើតមានជាហូរហែពីរមួយកន្លែងទៅមួយកន្លែងបានយ៉ាងរលូនគ្មានការទប់ស្កាត់។ បទល្មើសដែលបាន កើតឡើងនេះត្រូវបានគេសង្ស័យថាវាជាអំពើឃុបឃិតគ្នាប្រព្រឹត្តអំពើពុករលូយយ៉ាងស៊ីសង្វាក់រវាងជនល្មើស និងថ្នាក់ដឹកនាំអជ្ញាធរមូលដ្ឋាននេះតែម្តង។ អ្វីដែលបានលើឡើងខាង លើនេះគ្រាន់តែជាការរំលឹកខ្លះទៅដល់ថ្នាក់ដឹកនាំអជ្ញាធរខេត្តឲ្យបានដឹង និងជ្រាបតែ ប៉ុណ្ណោះដើម្បីមានវិធានការតាមផ្លូវច្បាប់ចំពោះជនពាក់ព័ន្ធយកទៅផ្តន្ទាទោសធ្វើជាគំរូទុកជាមេរៀនដល់មន្ត្រីខិលខូចក្រោយៗទៀតឲ្យមានការភ្ញាក់រលឹក៕ ដោយ កោះរ៉ុង
