ផែនការបោះជំរកទ័ពត្រៀមកសាងឃ្លាំងK88ឡើងវិញរបស់ក្រសួងការពារជាតិត្រូវបានអាជ្ញាធរនិងប្រជាពលរដ្ឋទប់ស្កាត់
ខេត្តកំពង់ឆ្នាំង៖ មេបញ្ជាការកងទ័ពជើងគោក( ឯកឧត្តម មាស សុភា ) បានចេញបញ្ជាមួយចុះថ្ងៃទី២៣ ខែធ្នូ ឆ្នាំ២០១៤ អោយកងទ័ពតំបន់ប្រត្តិបត្តិការសឹករងខេត្តកំពង់ឆ្នាំង ចំនួន១៥នាក់បោះទីតាំងជំរកទ័ពចំនួន៣កន្លែង នៅក្នុងភូមិសាស្ត្រភូមិគល់គប់ ឃុំស្រែថ្មី ស្រុករលាប្អៀរ ដើម្បីការពារមណ្ឌលឃ្លាំងK88 ដោយត្រៀមកសាងឃ្លាំងនេះឡើងវិញតាមផែនការក្រសួងការពារជាតិ។
ប៉ុន្តែដោយខ្វះការទំនាក់ទំនងល្អ និងមិនយល់គ្នាផែនការបោះជំរកទ័ពកាលពីថ្ងៃទី២៨ ខែធ្នូ ឆ្នាំ២០១៤មិនបានសំរេចដោយមានជនខិលខូចដើរបំផុសថា កងទ័ព និងព័ទ្ធយកដីប្រជាពលរដ្ឋម្តុំនេះទាំងអស់ ទើបមានប្រជាពលរដ្ឋ និងអាជ្ញាធររារាំងសុំអោយផ្អាកនិយាយគ្នាសិន។
ទាក់ទងនឹងរឿងឃ្លាំងK88 លោកឧត្តមសេនីយឯក ផាន់សាមន្ថា នាយសេនាធិការចំរុះអគ្គមេបញ្ជាការ ត្រូវបានក្រសួងការពារជាតិចាត់តាំងអោយមកដោះស្រាយកិច្ចការខាងលើជាមួយ ប្រជាពលរដ្ឋ អាជ្ញាធរឃុំ លោកអភិបាលស្រុករលាប្អៀរ នៅល្ងាចថ្ងៃទី៣០ ខែធ្នូ ឆ្នាំ២០១៤ ក្នុងសាលាស្រុករលាប្អៀរ បានលើកឡើងអោយដឹងថា៖ ទីតាំងឃ្លាំងK88របស់ក្រសួងការពារជាតិស្ថិតនៅក្នុងជ្រលងដែលមានភ្នំព័ទ្ធជុំវិញ លោកបានមកកសាងទីតាំងឃ្លាំងនេះក្នុងឆ្នាំ១៩៨៧ ដែលមានទំហំសរុប១២៣ហិកតា វាស់ទាំងភ្នំ។ ក្នុងពេលនោះលោក បានកសាងរបងថ្មព័ទ្ធសួលបន្លាបានប្រវែង៦៦១០ម ធ្វើផ្លូវចូលរឹងមាំបាន២០០០ម ជីកប្រឡាយបាន១២០០ម កាសាងអាគារកងទ័ព២ខ្នង មូលដ្ឋានទ័ពឈរជើង៧កន្លែង និងកាលណោះមានទ័ពឈរជើងការពារឃ្លាំងចំ នួន៤០០នាក់។ ក្រោយពេលប្រទេសជាតិចរចាបានសន្តិភាព កងទ័ពបានកាត់រំសាយអស់៧០% ទីតាំងឃ្លាំង នេះបានទុកនៅមួយរយះ តែមានប្លង់ឯសារត្រឹមត្រូវរបស់ក្រសួងការពារជាតិ។
លោកបានបញ្ជាក់ថា៖ មកដល់ពេលនេះក្រសួងការពារជាតិតម្រូវការកសាងឃ្លាំងK88ឡើងវិញជារឿងកិច្ច ការរបស់កងទ័ពដើ ម្បីការពារជាតិ ប៉ុន្តែសំណង់អាគារឃ្លាំង របងថ្ម មួយចំនួនធំត្រូវបានចោរកម្មលួចវាយបំផ្លាញយកដែកលក់អស់ មិនតែប៉ុណ្ណោះក៏មានការចាប់យកដីរបស់ឃ្លាំងK88មួយចំនួនជាកម្មសិទ្ធថែមទៀត ប៉ុន្តែតាមច្បាប់ដីភ្នំជាកម្មសិទ្ធរបស់រដ្ឋ គ្មានអ្នកណាអាចកាន់កាប់យកជាកម្មសិទ្ធបាននោះឡើយ។
ដោយមានបាតុភាពខាងលើកាលពីថ្ងៃទី២៨, ២៩ ខែធ្នូ ឆ្នាំ២០១៤ កន្លងមក ទើបពេលនេះក្រសួងបានចាត់តាំងអោយលោក មកធ្វើការសិក្សានិងដោះស្រាយ កសាងឃ្លាំងK88នេះវិញ ដែលជាគោលការត្រូវសហការជាមួយអាជ្ញាធរឃុំ និងភូមិបាលស្រុក ធ្វើអត្តសញ្ញាណកម្មប្រជាពលរដ្ឋដែលមានផលប៉ះពាល់ជាមួយដីឃ្លាំ ងនេះ ដើម្បីដោះស្រាយគោលនយោបាយសមស្របជាមួយក្រសួងការពារជាតិ និងប្រមុខរាជរដ្ឋាភិបាល និង ជាមួយប្រជាពលរដ្ឋ តើគាត់កាន់កាប់ដីដោយរបៀបណា ស្របច្បាប់ឬទេ។
នៅក្នុងកិច្ចប្រជុំដោះស្រាយខាងលើនេះលោក ប៉ែន រ៉ន ក្រុមប្រឹក្សាឃុំស្រែថ្មី និងប្រជាពលរដ្ឋក្នុងភូមិមួយចំនួន ដែលបានចូលរួមប្រជុំបានលើកឡើងថា៖ផែនការខាងលើនេះពួកគាត់មិនបានអ្នកណាប្រាប់អោយដឹងឡើយ តែបែរជាមានគេបំផុសថា កងទ័ពនិងព័ទ្ធយកដីប្រជាពលរដ្ឋម្តុំនេះចំនួន៣៤៨ហិកតាទាំងអស់ ដែលមានការប៉ះពាល់ដីប្រជាពលរដ្ឋរាប់រយគ្រួសារនៅក្នុង៣ភូមិ និងក្នុងឃុំ២ គឺឃុំជ្រៃបាក់ និងឃុំស្រែថ្មីព្រោះតែហេតុនេះហើយទើបអាជ្ញាធរឃុំសុំផ្អាកសកម្មភាពកងទ័ពសិន នេះមកពីការខ្វះការទំនាក់ទំនងល្អនឹងគ្នា។
ការប្រជុំបានឯកភាពគ្នា ដោយក្រុមការងារកងទព័ អាជ្ញាធរ និងប្រជាពលរដ្ឋថានឹងដឹកដៃគ្នា ទៅចង្អុល បង្ហាញដីដែលប៉ះពាល់នៅក្នុងតំបន់១ដែលគេយល់ថាមិនប៉ះពាល់ច្រើនគ្រួសារឡើយ ដើម្បីរួមគ្នាធ្វើរបាយ ការណ៍ដ៏ត្រឹមត្រូវដាក់ជូនក្រសួងការពារជាតិ និងប្រមុខរាជរដ្ឋាភិបាលដោះស្រាយគោលនយោ បាយអោយ បានសមស្របទាំងសងខាង ដើម្បីផលប្រយោជន៍ប្រទេសជាតិ និងប្រយោជន៍ប្រជាពលរដ្ឋក្នុងមូលដ្ឋាន៕ ដោយ រិទ្ធិ ជ័យ
