ចងកសម្លាប់ខ្លួនពេលយប់ មិនដឹងមូលហេតុជិតភ្លឺទើបកូនចៅដឹងផ្អើលឆោឡោ
ខេត្តកំពង់ឆ្នាំង៖ បុរសចំណាស់ម្នាក់បានចងកសម្លាប់ខ្លួនដោយមិនដឹងមូលហេតុនៅពេលយប់លុះពេលជិតភ្លឺឡើង ទើបកូនចៅដឹងនិងមានការផ្អើលឆោឡោកើតឡើង។ ករណីធ្វើអត្តឃាតដោយចងកខាងលើនេះបានកើតឡើងនៅយប់ថ្ងៃទី១៣ ខែមករា ឆ្នាំ២០១៥ នៅ ភូមិសន្ទូចឃុំស្រែថ្មី ស្រុករលាប្អៀរ។
ស្ត្រីឈ្មោះ ទិត យុត អាយុ៦៨ឆ្នាំ ជាប្រពន្ធបុរសចំណាស់ធ្វើអត្តឃាតបាននិយាយអោយ ដឹងនៅព្រឹកថ្ងៃទី១៤ ខែមករា ឆ្មាំ២០១៥ នេះថា៖ ប្តីគាត់ដែលបានធ្វើអត្តឃាតមាន ឈ្មោះ គង់ វួន អាយុ៧០ឆ្នាំ មានកូនចំនួន៦នាក់ រស់នៅក្នុងភូមិឃុំខាងលើ។
នៅយប់មុនពេលកើតហេតុគាត់បានសំរាននៅលើគ្រែក្រោមផ្ទះជាធម្មតា ជាទំលាប់ របស់ គាត់នៅម៉ោង៤ទៀបភ្លឺគាត់តែងបើកវិទ្យុស្តាប់ធម៌ទេសនាឮកោកៗ ប៉ុន្តែនៅពេល ម៉ោង ៤ទៀបភ្លឺថ្ងៃទី១៤ ខែមករា ឆ្នាំ២០១៥នេះគាត់មិនបានឮសូសំលេងវិទ្យុកោកៗ ដូច រាល់ថ្ងៃ ឡើយ។ នៅពេលនោះកូនស្រីរបស់គាត់ក៍បានចុះពីលើផ្ទះមកដី មិនបានឃើញ ឪពុក នៅ សំរានលើគ្រែក្រោមផ្ទះឡើយ បន្ទាប់មកនាងក៍បានកាន់ពិលបញ្ចាំងដើរ រកឪពុក ពេញភូមិ ក៍ស្រាប់តែប្រទះឃើញសពឪពុកចងក និងខ្សែអង្រឹងជាប់តេកតោកជាមួយ និងមែក ស្វាយ នៅក្រោយផ្ទះស្លាប់រឹងខ្លួនទៅហើយ ដែលមិនដឹងថាគាត់បានចងកធ្វើអត្ត ឃាត បែបនេះ តាំងពីម៉ោងណាមកទេ។ពេលឃើញបែបនេះកូនស្រីរបស់គាត់ក៍បានស្រែក យំឆោឡោ ឡើងធ្វើអោយមានការផ្ញាក់ផ្អើលដល់អ្នកស្រុកពេញភូមិ។
ក្រោយមកក្រុមគ្រួសារនិងអ្នកស្រុកក្នុងភូមិក៍បាននាំគ្នាជួយកាត់ខ្សែអង្រឹងទម្លាក់យកសពសែងយកមកតំកល់ទុកក្រោមផ្ទះដើម្បីធ្វើបុណ្យទានតាមប្រពៃណី។
ស្ត្រីជាប្រពន្ធនិងកូនចៅបុរសធ្វើអត្តឃាតបាននិយាយអោយដឹងថា៖ពួកគាត់មិនបានដឹងអំពីមូលហេតុនៃការធ្វើអត្តឃាតរបស់ប្តីនិងរបស់ឪពុកច្បាស់ឡើយ ហើយកន្លង មករូបគាត់ក៍មិនដែលមានរឿងរ៉ាវអ្វីកើតឡើងនៅក្នុងគ្រួសារដែរ។កូនស្រីគាត់បាននិយាយអោយដឹងទៀតថា៖ មុនពេលកើតហេតុនៅពេលល្ងាចឪពុករបស់គាត់បានមកពីជួយ ធ្វើផ្ទះអោយអ្នកស្រុកក្នុងភូមិ ហើយបានហូបបាយនិងសំរាននៅលើគ្រែក្រោមផ្ទះពេល យប់ដូចធម្មតា ស្រាប់តែពេលជិតភ្លឺឡើងបែរជាឃើញគាត់ស្លាប់ដោយចងកបែបនេះ ទៅ វិញ ធ្វើអោយកូនចៅនៅក្នុងក្រុមគ្រួសារមានការសោកស្តាយណាស់។
នៅព្រឹកថ្ងៃទី១៤ ខែមករា ឆ្នាំ២០១៥សមត្ថកិច្ចនគលបាលមូលដ្ឋានក៍បានចុះទៅ ពិនិត្រ សាកសពបុរសធ្វើអត្តឃាតទៅតាមបច្ចេកទេស ហើយបាននិយាយអោយដឹងថា៖ បុរសឈ្មោះគង់ វួន ពិតជាបានធ្វើអត្តឃាតដោយចងកខ្លួនឯងពិតមែន។ សពបុរសធ្វើ អត្តឃាតត្រូវបានសមត្ថកិច្ចប្រគល់ជូនក្រុមគ្រួសារធ្វើបុណ្យទានតាមប្រពៃណី៕ ដោយ រិទ្ធិ ជ័យ
