ជិះម៉ូតូម្នាក់ឯងលឿនពេក អត់ពាក់មួកការពារ ដួលបោកល្បាលផ្ទប់នឹងថ្នល់ប្រកាច់ស្លាប់ភ្លាមៗ
ខេត្តកណ្តាល ៖ បុរសវ័យប្រមាណ៤០ឆ្នាំម្នាក់ បានដេកស្លាប់ក្នុងថ្លុកឈាមភ្លាមដោយសារ បើកបរម៉ូតូលឿនពេកដួលខ្លួនឯង បោកក្បាលផ្ទប់ទៅនឹងថ្នល់បែកប៉ល់ក្បាល កាលពីវេលាម៉ោងជាង ៦ ព្រលប់ ថ្ងៃទី០១ ខែមករា ឆ្នាំ២០១៤ នៅលើថ្នល់ជាតិលេខ៤ ចន្លោះគីឡូម៉ែត្រ លេខ២៨-២៩ចំណុចមុខភូមិថ្លើក ឃុំពើក ស្រុកអង្គស្នួល ខេត្តកណ្តាល គេមិនបានដឹងថាជនរងគ្រោះបើកបរ ក្នុងល្បឿនលឿនយ៉ាងនេះបណ្តាលមកពីឥទ្ធិពលស្រាឬយ៉ាណានោះទេ ។
ប៉ូលិសបានឲ្យដឹងថា ជនរងគ្រោះមិនទាន់ បានស្គាល់អត្តសញ្ញាណ នៅឡើយទេ មានអាយុប្រមាណ ៤០ឆ្នាំ ជិះម៉ូតូម៉ាកហុងដា សេ១២៥ ពណ៌ខ្មៅ ស៊េរីឆ្នាំ២០០៨ ពាក់ស្លាកលេខ ភ្នំពេញ 1W-3904 ។ អ្នកឃើញហេតុការណ៍ផ្ទាល់បានឲ្យដឹងថា មុនពេលកើតហេតុ គេឃើញជនរងគ្រោះ ជិះម៉ូតូតាមបណ្តោយ ផ្លូវជាតិលេខ៤ ទិសដៅពីកើតទៅលិច លុះមកដល់ចំណុចកើតហេតុ បានដួលខ្លួនឯង បណ្តាលឲ្យបោកក្បាល ស្លាប់ភ្លាមៗនៅនឹង កន្លែងកើតហេតុតែម្តង៕
