ម៉ូតូមួយគ្រឿងបុកម៉ូតូមួយគ្រឿងទៀត រងរបួសធ្ងន់
បន្ទាយមានជ័យ៖ ម៉ូតូមួយគ្រឿងបានជ្រុលបុកម៉ូតូមួយគ្រឿងទៀតពេញទំហឹង បណ្តាល អ្នកបើកបរទាំងសងខាង រងរបួសធ្ងន់ កាលពីថ្ងៃទី៨ ខែមករា ឆ្នាំ២០១៥ ស្ថិតនៅភូមិគីឡូម៉ែត្រលេខ៤ សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ។
ប្រភពព័ត៌មានបានបញ្ជាក់ ម្ចាស់ម៉ូតូហុងដាវ៉េវរងគ្រោះមានឈ្មោះ ឈុំ ធី ភេទប្រុស អាយុ៥៣ឆ្នាំ មុខរបអាជីករ មានលំនៅដ្ឋាន ភូមិក្បាលស្ពាន២ សង្កាត់-ក្រុងប៉ោយប៉ែត រងរបួសធ្ងន់ ចំណែកឯម្ចាស់ម៉ូតូបង្កមានឈ្មោះ អ៊ុក សារិទ្ធ ភេទប្រុស អាយុ៣៦ឆ្នាំ មុខរបកម្មករ មានលំនៅដ្ឋានភូមិក្បាលស្ពាន១ សង្កាត់-ក្រុងប៉ោយប៉ែត រងរបួសធ្ងន់។
ម៉ូតូបង្កមានម៉ាកហុងដាឃ្លីច សេ១២៥ ស៊េរីឆ្នាំ២០១១ ពណ៌ខ្មៅ ក្រហម អត់ស្លាកលេខ បានបើកបរពីកើតទៅលិចយ៉ាងលឿន ស្រាប់តែមកដល់ចំណុចកើតហេតុ ទៅបុកម៉ូតូម៉ាកហុងដាវ៉េវ សេ១១០ ស៊េរីឆ្នាំ ២០១០ ពណ៌ស ពាក់ស្លាកលេខ បន្ទាយមានជ័យ 2A-2478 បើកបរយឺតៗ ច្រាសទិសគ្នា ពេញទំហឹងបណ្តាល ឲ្យអ្នកបើកបរទាំងសងខាងរងរបួសធ្ងន់តែម្តង៕
ដោយៈ ឧត្តម
រៀបចំដោយៈ សុខា
By: khmeronlinenews.com
http://ift.tt/1tPwXfl
