គោញី១ក្បាល ត្រូវចោរលួចកាប់ពន្លះ យកសាច់ ទាំងកណ្តាលយប់
ខេត្តកំពង់ឆ្នាំង៖ ពួកចោរអត់ឃ្លាតនៅក្នុងស្រុកបានលួចគោញី មួយក្បាលទៅពន្លះ យក សាច់ស៊ីទាំងកណ្តាលយប់ដែលហេតុការណ៍នេះបានកើតឡើងប្រមាណម៉ោង១២យប់ថ្ងៃទី២៦ ខែមករា ឆ្នាំ២០១៥ ស្ថិតនៅព្រុំប្រទល់ឃុំរលាប្អៀរ និងឃុំជ្រៃបាក់ ស្រុករលាប្អៀរ។
លោក ទឹម ចន្ធី អធិការនគរបាលស្រុកលាប្អៀរបាននិយាយអោយដឹងនៅព្រឹកថ្ងៃទី២៨ ខែមករា ឆ្នាំ២០១៥នេះថា៖ បុរសជាម្ចាស់គោញីខាងលើនេះឈ្មោះ ជូ សៀន អាយុ ៦៨ឆ្នាំ រស់នៅភូមិព្រៃខ្មែរ ឃុំរលាប្អៀរ ស្រុករលាប្អៀរ គាត់បានតៅស្នាក់នៅធ្វើចាំការនៅខាងលិចភូមិជាប់ព្រុំប្រទល់ឃុំជ្រៃបាក់។ នៅយប់ថ្ងៃទី២៥ ខែមករា គាត់បានបាត់គោញីធំ១ ក្បាលពីខ្ទមចំការប៉ុន្តែមិនស្មានថា ចោរលួចយកនោះឡើយ និងព្រឹកឡើងក៏គាត់មិនអើពើ រូតរះដើររកដែរ ព្រោះជាទម្លាប់របស់អ្នកស្រុកនៅទីនោះខ្លះគេលែងគោក្របីចោលបួនដប់ ថ្ងៃទើបគេដើរម្តង មិនដែលមានចោរលួចបែបនេះឡើយ។
លុះថ្ងៃរសៀលទី២៧ ខែមករា ឆ្នាំ២០១៥ ទើបមានគេប្រទះឃើញខ្មោចគោដែលពួកចោរ ពន្លះយកសាច់អស់មួយចំនួនទៅហើយ នៅចំណុចព្រុំប្រទល់ឃុំរលាប្អៀរ និងឃុំ ជ្រៃបាក់ក្បែរមាត់ស្ទឹង ទើបដំណឹងនេះបាន ឮដល់ម្ចាស់គោ ហើយពេលទៅមើលទើបដឹងថាគោដែលចោរពន្លះ យកសាច់នោះជាគោញីរបស់គាត់ (ជូ សៀន)។
នៅថ្ងៃរសៀលទី២៧ ខែមករា ឆ្នាំ២០១៥នេះសមត្ថកិច្ចនគរបាលព្រហ្ម ស្រុករសាប្អៀរ បានចុះទៅពិនិត្យកន្លែងចោរពន្លះសាច់គោ ដោយឃើញសាច់គោតែមួយចំនួន តូច នោះ ទេ ដែលចោរបានពន្លះយកទៅ (ក្នុងរូបថតនេះគឺម្ចាស់គោបានប្រលះសាច់យកអស់ទៅ ហើយនៅតែឆ្អឹងទើបអ្នកកាសែតទៅថត) ដែលសមត្ថកិច្ចសន្ឋានថា ចោរលួចពន្លះសាច់ គោនេះជាចោរនៅក្នុងស្រុក មិនមែនជាចោរជំនាញមកពីឆ្ងាយនោះទេ។ ករណីនេះ សមត្ថកិច្ចកុំពុងស្រាវជ្រាវរកមុខសញ្ញាជនល្មើស។
សមត្ថកិច្ចសូមអំពាវនាវដល់ប្រជាពលរដ្ឋនៅក្នុងមូលដ្ឋានផងដែរ សូមមេត្តាប្រុងប្រ យ័ត្នគោក្របីរបស់ខ្លួន សូមកុំលែងចោលអាណាធិប្បតេយ្យ ដែលជាហេតុធ្វើអោយពួកចោ រងាយស្រួលធ្វើសកម្មភាពចាប់កាប់ពន្លះយកសាច់យ៉ាងអាយស្រួលដូចករណីខាងលើ នេះ និងទំរាំដឹងគឺពួកចោរគេចខ្លួនបាត់អស់ទៅហើយ៕ ដោយ រិទ្ធិ ជ័យ
