ពីរនាក់ឪពុកកូនជិះម៉ូតូវ៉ាជែងរថយន្តនៅពីមុខ ជ្រុលដៃចង្កូតទៅប៉ះនឹងរថយន្តបញ្ច្រាសទិសគ្នាដួលបោកលើថ្នល់ច្រងាប់ច្រងិលរបួសធ្ងន់
ខេត្តកណ្តាល ៖ ជនរងគ្រោះពីរនាក់ឪពុក និងកូន រងរបួសធ្ងន់ ដោយសារជិះម៉ូតូវ៉ារថយន្តនៅពីមុខជែងផ្លូវប្រថុយប្រថានសមពេលយប់ ផងបានជ្រុលដៃចង្កូតទៅប៉ះជាមួយរថយន្ត១គ្រឿងដែលបើកមកចំពីមុខក្នុងទិផ្ទយគ្នា បណ្តាលឲ្យដួលបោកលើថ្នល់ទាំងពីរនាក់ឪពុកកូន ។ ករណីគ្រោះថ្នាក់ចរាចរណ៍មួយបានកើតឡើង នៅវេលាម៉ោង១៩ និង៤០នាទីថ្ងៃទី១០ ខែកុម្ភៈ ឆ្នាំ២០១៥ នៅចំណុចភូមិកណ្ដាលលើ ឃុំបន្ទាយដែកស្រុកកៀនស្វាយ ចន្លោះគីឡូម៉ែត្រលេខ ៣០-៣១។
សមត្ថកិច្ចឲ្យដឹងថា៖ ជនរងគ្រោះមានគ្នា២នាក់ ជិះម៉ូតូម៉ាកC125ពណ៌ខ្មៅស៊េរីឆ្នាំ២០០៨ ផ្លាកលេខភ្នំពេញ1AZ-4465 បានប៉ះដៃចង្កូតនឹងរថយន្តអត់ស្គាល់អត្តសញ្ញាណ ក្នុងទិសដៅបញ្ច្រាសទិសគ្នា បណ្តាលឲ្យរងរបួសធ្ងន់ទាំងពីរនាក់ ហើយបានបញ្ជូនទៅសង្គ្រោះនៅមន្ទីរពេទ្យរាជធានីភ្នំពេញភ្លាមៗ ដោយភ្លាមនោះជនរងគ្រោះទាំងពីរមិនទាន់ស្គាល់អត្តសញ្ញាណនៅឡើយទេ។
ប្រភពព័ត៌មានកន្លែងកើតហេតុបានឲ្យដឹងថា មុនពេលកើតគេឃើញម៉ូតូម៉ាកC125 បើកបរក្នុងទិស ពីភ្នំពេញមកអ្នកលឿងជិះទៅដល់ចំណុចកើតហេតុខាងលើបានវ៉ាជែងនឹងរថយន្តនៅពីមុខ ជ្រុលទៅប៉ះនឹងរថយន្តមួយគ្រឿងទៀតក្នុងទិសដៅបញ្ច្រាសទិសគ្នា ដួលបោកលើថ្នល់ជាតិលេខ១ គាប់ជួនរថយន្តដែលជិះវ៉ានៅពីក្រោយ កិនលើម៉ូតូខ្ទេចសំណាងល្អមិនចំមនុស្ស។ ចំណែកម្ចាស់ម៉ូតូពីរនាក់ឪពុក និងកូនរងរបួសធ្ងន់។ រីឯរថយន្តជួបក្នុងហេតុការណ៍គ្រោះថ្នាក់ចរាចរណ៍ បានបន្ថែមល្បឿនគេចយ៉ាងលឿនស្លេវ៕
