ជនរងគ្រោះដោយគ្រាប់កាំភ្លើងអតីតអភិបាលក្រុងបាវិតនៅតែរងចាំយុត្តិធម៌
លោក ឈូក បណ្ឌិត អតីតអភិបាលក្រុងបាវិត បានរត់គេចខ្លួន បន្ទាប់ពីបានបាញ់កម្មការិនីចំនួនបីនាក់រងរបួស នៅក្នុងព្រឹត្តិការណ៍បង្រ្កាបការតវ៉ារបស់ក្រុមកម្មករ ដែលបានដឹកនាំធ្វើបាតុកម្មដើម្បីទាមទារលក្ខខណ្ឌការងារនៅតំបន់សេដ្ឋកិច្ចពិសេស ខេត្តស្វាយរៀង កាលពីថ្ងៃទី២០ខែកុម្ភៈឆ្នាំ២០១២។ (រូបថត៖ ហេង រស្មី) ហេង រស្មី 09 កុម្ភៈ 2015 វីអូអេខ្មែរ ភ្នំពេញ— អ្នកស្រីនុត សាខន នៅពេលរំឭកដល់ករណីបាញ់ប្រហារមកលើក្រុមកម្មករ អ្នកស្រីនៅមានអារម្មណ៍ឈឺចាប់នៅឡើយ ទាំងមុខរបួស និងរបួសផ្លូវចិត្ត។ ក៏ប៉ុន្តែអ្វីដែលធ្វើឲ្យអ្នកស្រីឈឺចាប់ថែមទៀតគឺអ្នកស្រីមិនមានជំនឿថា ក្រុមសមត្ថកិច្ចហ៊ានចាប់ខ្លួនជនជាប់ចោទមកផ្តន្ទាទោសតាមច្បាប់ទេ។ អ្នកស្រីបានបញ្ជាក់ថា ស្នាមរបួសដែលអ្នកស្រីបានរងគ្រោះដោយគ្រាប់កាំភ្លើងខ្លី ថ្វីត្បិតតែបានជាសះស្បើយក៏ពិតមែន តែការឈឺចាប់ខាងក្នុងមិនទាន់រលុបបាននៅឡើយ។ អ្នកស្រីនិយាយថា៖ «ប៉ុន្មានឆ្នាំមិនទាន់ជាសះស្បើយផង»។ លោក ឈូក បណ្ឌិត អតីតអភិបាលក្រុងបាវិត ត្រូវបានតុលាការកំពូលដែលជាតុលាការចុងក្រោយបង្អស់ សម្រេចតម្កល់សាលដីការបស់សាលាឧទ្ធរណ៍ ពោលគឺលោកត្រូវតុលាការកាត់ទោសឲ្យជាប់ពន្ធនាគាររយៈពេលមួយឆ្នាំកន្លះ និងបង្គាប់ឲ្យស្វែងរកចាប់ខ្លួនជនជាប់ចោទមកផ្តន្ទាទោសតាមច្បាប់។ តុលាការក៏បានបង្គាប់ឲ្យបង់សំណងជាប្រាក់ដល់ជនរងគ្រោះទាំងបីនាក់ដែលរួមមាន៖ នាងប៊ុន ចិន្តា នាងនុត សាខន និងនាងកែវ នាពី២០០០ ដុល្លារទៅ៥០០០ដុល្លារសហរដ្ឋអាមេរិកក្នុងម្នាក់ៗ។ អ្នកស្រីនុត សាខន ដែលតុលាការបានកាត់ឲ្យទទួលសំណងចំនួន២៥០០ដុល្លារនោះ មិនទាន់ទទួលបានសំណងនេះនៅឡើយ។ អ្នកស្រីបានបញ្ជាក់ថា […] http://ift.tt/eA8V8J
ជនរងគ្រោះដោយគ្រាប់កាំភ្លើងអតីតអភិបាលក្រុងបាវិតនៅតែរងចាំយុត្តិធម៌
![ជនរងគ្រោះដោយគ្រាប់កាំភ្លើងអតីតអភិបាលក្រុងបាវិតនៅតែរងចាំយុត្តិធម៌]()
Reviewed by yim PH
on
4:41 AM
Rating:
