រថយន្ដរេចង្កូតបុកចូល ផ្ទះលក់ហ្គាស បណ្ដាលឲ្យផ្ទុះឆេះពេញបន្ទុក
ខេត្តបន្ទាយមានជ័យ ៖ មានការភ្ញាក់ផ្អើល ដល់ប្រជាពលរដ្ឋយ៉ាងខ្លាំង នៅវេលាម៉ោង ៣ និង៤០នាទីរសៀលថ្ងៃទី៥ ខែ កុម្ភៈ ឆ្នាំ ២០១៥នេះ ដោយសារតែមានអគ្គិភ័យមួយកើតឡើង នៅទល់មុខមន្ទីរកសិកម្មខេត្ដបន្ទាយមានជ័យ ក្នុងក្រុងសិរីសោភ័ណ ដែល ករណីនេះ ផ្ដើមចេញពីរថយន្ដមួយគ្រឿង បុកចូលផ្ទះប្រជាពលរដ្ឋ ដែលរកស៊ីលក់ហ្គាស់ បណ្តាលឲ្យផ្ទុះឆេះ។
ប្រជាពលរដ្ឋនៅកន្លែងកើតហេតុបានឲ្យដឹងថា អគ្គិភ័យបានឆាបឆេះយ៉ាងខ្លាំង ពីព្រោះជាកន្លែងលក់ហ្គាស់ ក្រោយពេលដែល រថយន្ដបង្កបានបើកបុកចូលដោយមិនទាន់ដឹងពីមូលហេតុ ។យ៉ាងណាក៏ដោយនោះ នៅមិនទាន់ដឹងអំពីចំនួន នៃការខូចខាត នោះទេ ដោយរង់ចាំសមត្ថកិច្ចធ្វើការបូកសរុប របស់ ជាមុនសិន
ស្នងការនគរបាលខេត្ដបន្ទាយមានជ័យបានបញ្ជាក់ថា ពិតជាមាន ករណីនេះកើតឡើងមែន ហើយកម្លាំងសមត្ថកិច្ច និងអាជ្ញាធរ មូលដ្ឋាន ព្រមទាំងប្រជាពលរដ្ឋជាច្រើននាក់ បានរួមគ្នាជួយអន្ដរាគមន៍ បាញ់ពន្លត់។ សេចក្តីរាយការណ៍ ពីមន្ត្រីនគរបាល ដែល ចូលរួម នៅក្នុងប្រតិបត្តិការខាងលើនេះ បានបញ្ជាក់ថា ក្រោយពីមានការជួយបាញ់ ពន្លត់ទាន់ពេលវេលា របស់កម្លាំងសមត្ថកិច្ច នៃការិយាល័យពន្លត់អគ្គិភ័យ ខេត្តបានធ្វើឲ្យភ្លើងរលត់ទៅវិញទាំងស្រុង ៕ ដោយយីហាំង
