ម៉ូតូបើកជែងរថយន្ត១គ្រឿង ជ្រុលទៅបុករថយន្តបញ្ច្រាសទិសគ្នា១ទៀត បណ្តាលឲ្យខ្ទាតម៉ូតូនិងមនុស្សខ្ទាតខ្ចាយ ពេញផ្លូវរបួសធ្ងន់២នាក់
ខេត្តកំពង់ឆ្នាំង៖ យុវជន២នាក់បានរងរបួសធ្ងន់ហូរឈាមពេញខ្លួនដេកស្តូកស្តឹងលើថ្នល់ នៅក្នុងហេតុការគ្រោះថ្នាក់ ចរាចណ៍មួយ ដែលម៉ូតូបានបើកជែង រថយន្តមួយគ្រឿង ហើយបានជ្រុលទៅបុករថយន្តមួយមកពីមុខទៀត ពេញ ទំហឹងបណ្តាលឲ្យខ្ទាតមនុស្សនិងម៉ូតូដួលបោកពេញថ្នល់។ ហេតុការណ៍នេះបានកើតឡើងនៅ វេលាម៉ោង១និង ៤៥នាទីរសៀលថ្ងៃទី៤ កុម្ភៈ ឆ្នាំ២០១៥នៅ លើជាតិលេខ៥ចន្លោះបង្គោលគីឡូម៉ែត្រ លេខ៤០ និង៤១ស្ថិតក្នុងភូមិ ពោធិរិទ្ធិក្រៃ ឃុំស្វាយ ស្រុកសាមគ្គីមានជ័យ។
សមត្ថកិច្ចនៅកន្លែងកើតហេតុបាននិយាយអោយដឹងថា៖ បុរសដែលរងរបួសធ្ងន់ខាងលើមានឈ្មោះ អូន ពួយ អាយុ២៣ឆ្នាំ និងម្នាក់ទៀតមិនត្រូវបានគេស្គាល់ឈ្មោះនោះឡើយ ពួគគេជិះម៉ូតូម៉ាកហុងដាសេ១២៥សេរី២០១២ ពណ៌ខ្មៅពាក់ស្លាកលេខកំពង់ឆ្នាំង 1D.0132 ជិះក្នុងទិសដៅពីជើងទៅត្បូង។ ដោយឡែករថយន្តម៉ាកហ៊ីយ៉ាន់ដាយ ពណ៌ខៀវ២តោនកន្លះពាក់ស្លាកលេខ PP.3A9377 បានបើកពីត្បូងទៅជើងបញ្ច្រាសទិសគ្នា។
អ្នកដែលបានឃើញហេតុការណ៏នេះបានអោយដឹងថា៖នៅមុនពេលកើតហេតុគេឃើញយុវជន២នាក់ខាងលើជិះម៉ូតូក្នុងល្បឿនយ៉ាងលឿន ដោយបើកជែងរថយន្តមួយពីមុខហើយបានជ្រុលទៅបុក និងរថយន្តមួយទៀតមកពីមុខដែល នៅក្នុងចំណែកផ្លូវម្ខាងបណ្តាលអោយរងរបួសធ្ងន់ទាំង២នាក់តែម្តង ចំណែកម៉ូតូបានខូចខាងមុខទាំងស្រុង។
ក្រោយពេលកើតហេតុ ជនរងគ្រោះត្រូវបានសមត្ថកិច្ចហៅរថយន្ត ដឹកយកទៅសង្ក្រោះបន្ទាន់ នៅមន្ទីពេទ្យបង្អែក ស្រុក។ ដោយឡែកម្ចាស់រថយន្តបានចុះរត់គេចខ្លួនបានបន្សល់ទុករថយន្តចោលនៅកន្លែងកើតហេតុ។ ករណីនេះ សមត្ថកិច្ចនគបាលចរាចណ៍ស្រុក បានចុះដល់កន្លែងកើតហេតុធ្វើការវាស់វែងកត់ត្រាតាមបច្ចេកទេស និងនាំយក រថយន្ត និងម៉ូតូយកមករក្សាទុកនៅប៉ុស្តិ៍នគបាលរដ្ឋបាលស្វាយ ដើម្បីដោះស្រាយតាមច្បាប់៕ ដោយ រិទ្ធិ ជ័យ
