ផ្ទះ២ខ្នងឆេះទាំងស្រុង និងរាលឆេះរោលភ្នែកខ្លះ២ខ្នងទៀត តែសំណាងល្អមិនមានអ្នកណាម្នាក់រងបួស
ខេត្តបន្ទាយមានជ័យ៖ អគ្គីភ័យបានឆាបឆេះផ្ទះអស់ចំនួន២ខ្នង និងឆេះរាលដាអស់២ខ្នងទៀតតែសំណាង គ្មានអ្នកណាម្នាក់រងរបួសក្នុងហេតុការណ៍នេះឡើយ។ ភ្លាមនោះមានការជួយអន្តរាគមន៍ រថយន្តពន្លត់ អគ្គីភ័យ ទាន់ពេលវេលាពីសំណាកកម្លាំងនគរបាលខេត្ត ។ ហេតុការណ៍នេះនៅម្តុំខ្មែរឥស្លាម កាលពីវេលា ម៉ោង៤និង៣០នាទីថ្ងៃទី០២ ខែកុម្ភះ ឆ្នាំ២០១៥ ស្ថិតនៅភូមិគោករដ្ឋាន សង្កាត់អូរអំបិល ក្រុងសិរីសោ ភ័ណ ខេត្តបន្ទាយមានជ័យ។
លោកស្នងការខេត្តបន្ទាយមានជ័យ បានថ្លែងអោយដឹងថា៖ ភ្លាមៗនោះ លោកបានបញ្ជូន កម្លាំងនគរ បាល ជាច្រើននាក់ទៅជួយអន្តរាគមន៍ រួមទាំង រថយន្តពន្លត់អគ្គីភ័យចំនួន២គ្រឿង ទៅកាន់ទីនោះ។ លោក ស្នងការបន្តថា ករណីខាងលើនេះពុំមានអ្នកណាម្នាក់រងរបួសនោះទេ ហើយមូលហេតុដែលអគ្គី ភ័យឆាបឆេះអស់ផ្ទះ២ខ្នងទាំងស្រុង ដោយសារតែស្ថានភាពភ្លើងឆេះឆាបយ៉ាងខ្លាំង និងមានផ្លូវតូចចង្អៀត និងពិបាកក្នុងចូលបាញ់ពន្លត់។ តែទោះបីការប៉ះពាលផ្ទះ២ខ្នងទៀតនោះ ត្រូវបាន រថយន្តពន្លត់អាគ្គី ភ័យ ២គ្រឿង បាញ់ទឹកទាន់ពេលវេលា។
លោកបញ្ជាក់ថា ផ្ទះទាំង២ខ្នងត្រូវអគ្គីភ័យឆាបឆេះ ផ្ទះទី១ធ្វើអំពីឈើលើថ្មក្រោមទំហំ៥គុណ១១ម៉ែត្រមានម្ចាស់ឈ្មោះ សឹង វ៉ាត ភេទប្រុស អាយុ៦៤ឆ្នាំ ជាខ្មែរអ៊ីស្លាម និងជាគ្រូ បង្វឹក កីឡាបាល់ទាត់អធិរាជភ្នំស្វាយ ខូចខាត់ទាំងស្រុង និងផ្ទះទី២ធ្វើអំពីឈើប្រក់ស័ង្កសីទំហំ៥គុណ១២ម៉ែត្រ មានម្ចាស់ឈ្មោះ យើ សាធ ភេទប្រុស អាយុប្រហែល៥០ឆ្នាំ ជាខ្មែរអ៊ីស្លាម ប្រកបមុខរបរ លក់អីវ៉ាន់ចាប់ហួយ ខូចខាត់ទាំងស្រុង។ ចំណែកផ្ទះចំនួន២ខ្នងរងផលប៉ះពាល់ធ្វើអំពីថ្មប្រកក្បឿង និងធ្វើអំពីឈើប្រក់ក្បឿង មិនទាន់ដឹកអត្តសញ្ញាម្ចាស់នៅឡើយ។
លោក ចាន់ តារ៉ា ស្នងការរងទទួលបន្ទុកអគ្គីភ័យបានប្រាប់ថា បើតាមបានការសន្និដ្ឋានថា អគ្គីភ័យនេះបណ្តាលមកពីការផ្ទុះសេខ្សែភ្លើង និងមិនបណ្តាលឲ្យមនុស្សគ្រោះថ្នាក់ និងបាត់បង់ទ្រព្យសម្បត្តិទាំងស្រុងនោះទេ ដោយសារតែមានការជួយទាន់ពេលក្នុងការជញ្ជូនឥវ៉ាន់ចេញពីក្នុងផ្ទះផងដែរ។ក្រោយពីសមត្ថកិច្ចអន្តរាគមន៍ទាន់ពេលវេលា និងបានសន្និដ្ឋានថា ករណីខាងលើនេះគឺបណ្តាលតែចរន្តឆ្លងអគ្គិសនី និងមិន មានប្រព័ន្ធការពារត្រឹមត្រូវ ហើយប្រព័ន្ធខ្សែរចាស់ៗតូចៗទ្រុតទ្រោម ដូច្នេះហើយទើប បណ្តាលបែបនេះ ។ ទោះបីជាយ៉ាងណាសមត្ថកិច្ចពុំទាន់សន្និដ្ឋានពីទ្រព្យសម្បត្តិ និងការខូចខាតមានទំហំប៉ុន្មានច្បាស់លាស់នៅឡើយ៕ ដោយយីហាំង
