ផ្ទុះជម្លោះឈានដល់បង្ហូរឈាម យុវជនម្នាក់ស្លាប់ ៤នាក់រងរបួស ៣នាក់ប៉ូលិសចាប់វ៉ៃខ្នោះ និង២នាក់រត់ចោលស្រុក
ខេត្តមណ្ឌលគិរី៖ ជនសង្ស័យចំនួន៣នាក់ ក្នុងចំណោមបក្ខពួក៥នាក់ ត្រូវបានសមត្ថកិច្ចនគរបាលប៉ុស្គិ៍មេម៉ង ឃាត់ខ្លួន បញ្ជូនមកស្នងការដ្ឋាននគរបាលខេត្តមណ្ឌលគិរី កាលពីល្ងាច ថ្ងៃទី២៤ ខែកុម្ភៈ ឆ្នាំ២០១៥ ដោយពាក់ព័ន្ធនឹងករណីបង្ករបួសស្នាម រហូតមនុស្សម្នាក់បាត់បង់ជីវិត និងបួននាក់ទៀតរងរបួសធ្ងន់ស្រាល បន្ទាប់ពីផ្ទុះជម្លោះឈានដល់បង្ហូរឈាមគ្នាក្នុងពិធីមង្គលការកូនជនជាតិព្នង កាលពីវេលាម៉ោង១រំលង អាធ្រាត្រចូលថ្ងៃទី២៤ ខែកុម្ភៈ ឆ្នាំ២០១៥នៅ ចំណុច ក្នុង ភូមិ ទួល ឃុំមេ ម៉ង់ ស្រុកកែវសីមា ខេត្តមណ្ឌលគិរី ។
ការឃាត់ខ្លួនមនុស្សបីនាក់ខាងលើនេះ លោកវរៈសេនីយ៍ឯក ហ៊ូ តារា ប្រធានការិយាល័យព្រហ្មទណ្ឌកម្រិតធ្ងន់នៃស្នងការនគរបាលខេត្តមណ្ឌលគិរី ហាក់បីមានការបិទបាំងលាក់លាមព័ត៌មានខាងលើនេះ ដល់អ្នកយកព័ត៌ ក្នុងការយក មកចុះផ្សាយ ព្រោះខ្លាចប៉ះពាល់កិត្តិយសជនសង្ស័យ។ តែបើតាមប្រភពពីនគរបាលនៅ ក្នុងស្នងការខេត្ត បានលួចខ្សិបឲ្យដឹងថា ការហាមមិនឲ្យថតផ្សាយបែបនេះព្រោះ ខ្លាចបាត់ប្រយោជន៍ ពិបាកក្នុងការដោះលែងជនសង្ស័យនៅពេលដែលមានការផ្សព្វផ្សាយជាសាធារណៈទៅហើយនោះ។
លោក កប ធន នាយប៉ុស្គិ៍រដ្ឋាបាលមេម៉ងបានឲ្យដឹងថា ជនសង្ស័យដែលសមត្ថកិច្ចឃាត់ខ្លួននោះមាន៖ ១-ឈ្មោះភន ភួងភេទ ប្រុស អាយុ១៩ឆ្នាំ ,២- ឈ្មោះ យ៉ាន តឿ ភេទប្រុស អាយុ១៩ឆ្នាំ, ៣-ឈ្មោះ ម៉ៅ ម៉េងហ៊ាង ភេទប្រុស អាយុ១៩ឆ្នាំ។ ជនសង្ស័យទាំង៣នាក់ គឺជាជនជាតិខ្មែរ រស់នៅ ភូមិពូទុង ឃុំមេម៉ង់ស្រុកកែវសីមាខេត្ត មណ្ឌលគិរី ចំណែកជន រងគ្រោះស្លាប់ និងរងរបួសចំនួន៥នាក់នោះពុំបានដឹងអត្តសញ្ញាណទេ។ បច្ចុប្បន្នជន សង្ស័យត្រូវបានបញ្ជូនអោយការិយាល័យព្រហ្មទណ្ឌកម្រិតធ្ងន់ខេត្ត ដើម្បីចាត់ការតាមនីតិវិធីច្បាប់ ៕ ដោយ ឦសាន២
http://ift.tt/1DpwcQv
