ប្រពន្ធសម្លាប់កូន២នាក់ដោយបញ្ច្រកថ្នាំពុលនិងយកខ្សែរឹតកបន្ទាប់មកផឹកថ្នាំពុលសម្លាប់ខ្លួនតាមក្រោយ ដោយសារធុញទ្រាន់នឹងប្តីប្រមឹកខូប
ខេត្តរតនគិរី៖ ស្ត្រីជនជាតិចារ៉ាយមានកូនប្រុសស្រីចំនួន២នាក់ ដោយកូនទី១ទើបបានអាយុ៣ឆ្នាំ និងកូនទី២អាយុបាន១ខែ ត្រូវស្ត្រីដែលជាម្តាយគិតខ្លីបានជ្រើសរើសយកផ្លូវអត្តឃាតខ្លួនឯង ដើម្បីបញ្ចប់ជីវិតបន្ទាប់ពីខឹងនឹងប្តីនិយាយមិនស្តាប់ពីរឿងដើរផឹកស្រាប្រមឹកឥតឈប់ឈរ ក៏សម្រេចចិត្តយកថ្នាំបាញ់ស្មៅមកបញ្ច្រកកូនតូចអាយុ១ខែ ហើយបន្តយកខ្សែអង្រឹងទៅរិតកកូនដែលមានអាយុ៣ឆ្នាំថែមទៀត ក្រោយមកទើបស្ត្រីនោះផឹកថ្នាំបាញ់ស្មៅសម្លាប់ខ្លួនជាចុងក្រោយ ដោយស្លាប់តម្រាបគ្នាយ៉ាអាណោចអាធម្ម។ ហេតុការណ៍នេះបានធ្វើផ្អើលដល់អ្នករស់នៅក្បែរខាង កាលពិវេលាម៉ោង១និង២០នាទីរសៀល ថ្ងៃទី១១ ខែមិនា ឆ្នាម២០១៥ នៅផ្ទះជនរងគ្រោះ ស្ថិតនៅក្នុងភូមិសោមត្រកថ្មី ឃុំសោមធំស្រុកអូរយ៉ាដាវ ខេត្តរតនគិរី។
តាមការអោយដឹងពីលោក សុវណ្ណារ័ក្ស អធិការនគរបាលស្រុកអូរយ៉ាដាវ បានអោយដឹងថាស្ត្រីរងគ្រោះត្រូវបានគេស្គាល់ឈ្មោះ រម៉ាស់ ធៀល អាយុ២៦ឆ្នាំ ជនជាតិចារ៉ាយ និងកូនបងទី១មានឈ្មោះ រម៉ាស ធេត ភេទប្រុស អាយុ៣ឆ្នាំ កូនទី២ទើបបានអាយុ១ខែមានឈ្មោះ រម៉ាស លៀង ភេទស្រី អ្នកទាំងបីស្លាប់បន្តបន្ទាប់គ្នាក្រោយពីម្តាយបង្កើតយកថ្នាំបាញ់ស្មៅបញ្ច្រក(ដោយកូនតូច១ខែស្លាប់ដោយម្តាយបញ្ច្រក់ថ្នាំ រីឯកូនទី១អាយុ៣ឆ្នាំត្រូវម្តាយយកខ្សែអង្រឹងរិតក)។
លោកអធិការបន្តទៀតថា ស្ត្រីរងគ្រោះមានប្តីឈ្មោះ តេង សោរ អាយុ២៤ឆ្នាំ ជនជាតិចារ៉ាយ សព្វថ្ងៃ ក្រុមគ្រួសារជនរងគ្រោះមានទីលំនៅភូមិឃុំខាងលើ និងមានមុខរបរជាកសិករ ដោយដឹងសភាពការណ៍ថាប្រពន្ធនិងកូនពីរនាក់បានស្លាប់បាត់បង់ជីវិត ខ្លួនជាប្តីក៏មានការសោកស្តាយក្រោយ ហើយយកថ្នាំ បាញ់ស្មៅមកផឹកដើម្បីបញ្ចប់ជីវិតខ្លួនឯងតែម្តង។ ប៉ុន្តែប្រជាពលរដ្ឋនៅក្នុងភូមិបានជួយដឹកបញ្ជូនមកកាន់មណ្ឌលសុខភាពស្រុកបរកែវ ដើម្បីជួយសង្គ្រោះបន្ទាន់។ សំណាងល្អបុរសជាប្តីបានរួចផុតពីសេចក្តីស្លាប់។
ក្រោយពេលកើតហេតុសមត្ថកិច្ចនគរបាលប៉ុស្តិ៍សហការនឹងអាជ្ញាធរមូលដ្ឋានចុះទៅដល់កន្លែងកើត ហេតុធ្វើកោសល្យវិច្ច័យលើគ្រួសារជនរងគ្រោះពិតជាបានធ្វើអត្តឃាតខ្លួនឯងពិតប្រាកដមែន។ បច្ចុប្បន្នសាកសពទាំង៣នាក់ម្តាយ និងកូន សមត្ថកិច្ចបានប្រគល់អោយសាច់ញាតិក្រុមគ្រួសារដើម្បីធ្វើបុណ្យតាមប្រពៃណី។ គួរបញ្ជាក់ផងដែរថា សមត្ថកិច្ចកំពុងធ្វើការស៊ើបអង្កេតបន្តទៅលើករណីខាងលើនេះដើម្បីរកមូលហេតុអោយបានជាក់លាក់ ថាតើបុរសជាប្តីត្រូវមានទោសទណ្ឌឫយ៉ាងណានោះទេ? រងចាំធ្វើបុណ្យអោយបានរួចរាល់សិន៕ ដោយ លី វណ្ណៈ
http://ift.tt/1B8DkMI
