បុគ្គលិកខ្សែអ៊ុបតិចធ្លាក់ពីលើបង្គោលភ្លើង ត្រូវចរន្តអគ្គិសឆក់ធ្លាក់ពីលើបង្គោលភ្លើងបោកក្បាលស្លាប់ក្នុងថ្លុកឈាម
ខេត្តបន្ទាយមានជ័យ៖ បុរសជាបុគ្គលិកខ្សែអ៊ុបទិចម្នាក់ បានឡើងបង្គោលភ្លើងអគ្គិសនីអានកូ ត្រូវបានចរន្តអគ្គិសនីឆក់ធ្លាក់ពីលើបង្គោលភ្លើងកំពស់ប្រមាណ៨ម៉ែត្រ បោកបែកក្បាលបែកលើស៊ីម៉ង់ត៍ស្លាប់ភ្លាមៗនៅកន្លែងកើតហេតុតែម្តងកាលពីល្ងាចថ្ងៃទី៣១ ខែមីនា ឆ្នាំ២០១៥ នៅមុខ រោងបោះពុម្ភបាយ័នប៉ោយប៉ែត ស្ថិតនៅភូមិក្បាលកោះ សង្កាត់-ក្រុងប៉ោយប៉ែត ខេត្តបន្ទាយមានជ័យ ។
បើតាមការអះអាងអ្នកបានឃើញហេតុការណ៍បានឲ្យដឹងថា មុនកើតហេតុខាងលើនេះបានឃើញជនរងគ្រោះបានឡើងទៅលើបង្គោលភ្លើងនោះម្នាក់ឯង ដោយមានស្ថានភាពធម្មតា មួយរំពេចនោះក៏មានមេឃខ្មៅ លាយលំនិងខ្យល់បក់បោកខ្លាំងហើយអ្នកនៅកន្លែងកើតហេតុបានប្រាប់កុំទាន់ឡើងអី ព្រោះមេឃជិតភ្លៀងហើយ តែដោយជនរងគ្រោះឆ្លើយថាអត់អីទេ ខ្យល់ប៉ុណ្ណឹងនោះ ព្រោះយើងគ្រាន់តែឡើងតខ្សែរអ៊ុបតិចអ៊ិនធ័រណេតវាអត់បញ្ហាអ្វីនោះទេ ។
ប្រភពបន្តថា លុះជនរងគ្រោះបានឡើងទៅតបង្គោលមួយទៀតមិនទាន់បានអីក៏ឆក់ធ្លាក់ពីលើបង្គោលតែម្តងទៅ បណ្តាលឲ្យបោកបែកក្បាលបែកហូរឈាម ខ្លាំងពេកបណ្តាលអោយដាច់ខ្យល់ស្លាប់តែម្តង។ ប្រភពបន្តថា ជនរងគ្រោះខាងលើនេះមានឈ្មោះ សុខ ហួរ ភេទប្រុស អាយុជាង៣០ឆ្នាំ រស់នៅបន្ទប់ជួលក្នុងក្រុងប៉ោយប៉ែត ជាបុគ្គលិកថ្មី នៅក្រុមហ៊ុនអ៊ីនធ័រណេត ដោយមិនចាំយីហោក្រុមហ៊ុនអ្វីនោះទេ។
ក្រោយពីហេតុមានមិត្តភក្តិរួមការងារបានជួយសង្គ្រោះតាមរថយន្តឯងជនផ្ទាល់ខ្លួនមួយដើម្បីបញ្ជូនទៅកាន់មន្ទីរពេទ្យ ទោះបីដឹងថាដាច់ខ្យល់ស្លាប់យ៉ាងណាក៏ ដោយ ក៏ព្យាយាមជួយសង្គ្រោះផងដែរ។ ពេលនោះក្រុមការងារជនរងគ្រោះបានយកទៅមន្ទីរពេទ្យឯកជននៅក្នុងក្រុងប៉ោយប៉ែត តែគេមិនទទួលព្យាបាល ហើយក៏បន្តទៅកានលមន្ទីរនៅខេត្តបន្ទាយមានជ័យបន្ថែមទៀត។ ទោះបីជាយ៉ាងជនរងគ្រោះបានស្លាប់ទៅហើយមិនអាចជួយសង្គ្រោះបានឡើយ៕ ដោយយុវតីក្រុងប៉ោយប៉ែត
http://ift.tt/1GJUszw
