ចោរអស់ល័ក្ខណ៍ម្នាក់ លួចម៉ូតូគេជិះបាន២០ម៉ែត្រ ត្រូវប្រជាពលរដ្ឋស្ទាក់ចាប់បានស្វាគមន៍១ដៃ និងទាត់១ជើងម្នាក់ទ្រមខ្លួនទាំងព្រឹក
ខេត្តកំពង់ឆ្នាំង៖ លោកចោរអស់ល័ក្ខណ៍ម្នាក់ ត្រូវបានប្រជាពលរដ្ឋ និងសមត្ថកិច្ចព្រួតគ្នាប្រដេញ ស្ទាក់ចាប់បាននៅពេលគេធ្វើសកម្មភាពលួចយកម៉ូតូគេ១គ្រឿងជិះចេញទើបតែបាន២០ម៉ែត្រ កាលពីវេលាម៉ោង៨ និង១៥នាទីព្រឹកថ្ងៃទី០១ ខែមិនា ឆ្នាំ២០១៥ នៅមុខមន្ទីរពេទ្យខេត្តកំពង់ឆ្នាំង ស្ថិតក្នុងភូមិកណ្តាល សង្កាត់កំពង់ឆ្នាំង ក្រុងកំពង់ឆ្នាំង។
លោក ញ៉ោក ប៊ុនធី អធិការរងនគរបាលក្រុងកំពង់ឆ្នាំងបានអោយដឹងថា៖ ចោរខាងលើ នេះមានឈ្មោះ ឆយ រួន ហៅអាឆ្វេង អាយុ២៧ឆ្នាំ មានប្រពន្ធកូនរស់នៅភូមិត្រពាំងរាំង ឃុំអភិវឌ្ឍន៍ ស្រុកទឹកផុស។ ចំណែកម្ចាស់ម៉តូម៉ាកហុងដាឌ្រីម ពណ៌ខ្មៅ ពាក់ស្លាកលេខ កំពង់ឆ្នាំង1D-2247 ឈ្មោះ រស់ សំបូរ ភេទប្រុស អាយុ២៥ឆ្នាំ រស់នៅភូមិផ្សារឆ្នាំង សង្កាត់ផ្សារឆ្នាំង ក្រុងកំពង់ឆ្នាំង។
សមត្ថកិច្ចឲ្យដឹងថា៖ មុនពេលកើតហេតុបុរសជាម្ចាស់ម៉ូតូបានមកសួរសុខទុក្ខមិត្តភ័ក្រព្យាបាលរបួសនៅក្នុងមន្ទីរពេទ្យខេត្ត ដោយចតម៉ូតូនៅខាងក្រៅជាប់ក្លោងទ្វារធំរបស់មន្ទីរពេទ្យ ដោយភ្លេចទុកសោរជាប់ នៅ នឹងម៉ូតូ ចំណែករូបគេជាម្ចាស់ម៉ូតូនៅឈរក្បែរម៉ូតូ។ ខណៈនោះចោរខាងលើបានចេញមើល ឪពុកឈឺដេកក្នុងមន្ទីរពេទ្យខេត្តមក ក៏បានឡើងលើម៉ូតូនោះ បញ្ឆេះបើករត់ទៅតែម្តង ពេល នោះម្ចាស់ម៉ូតូស្រែកខ្លាំងៗ ថាចោរលួចម៉ូតូៗ..!!ហើយរត់ដេញ តាម។ ក្នុងពេលនោះដែរអ្នក នៅជិតខាងក៏បានជិះម៉ូតូទៅស្ទាក់ពីមុខ និងអ្នករត់ឡានតាក់ស៊ី និងនគរបាលនៅប្រចាំការមុខមន្ទីរពេទ្យ ក៏បាននាំគ្នារត់ដេញ និងស្ទាក់ចាប់ចោរនោះបានតែ ម្តង ហើយនាំគ្នាព្រមានដោយវាយ១ដៃនិងទាត់១ជើងម្នាក់ៗឡើងទ្រមខ្លួន ដេកននៀលដីទើបប្រគល់អោយសមត្ថកិច្ចចាត់ការតាមច្បាប់។
នៅចំពោះមុខសមត្ថកិចោររូបនេះ រឹងរុះណាស់មិនបានប្រាប់ពីបំណងរបស់គេនៃការលួចម៉ូតូនេះយកទៅណា ដើម្បីអ្វីនោះឡើយ ប៉ុន្តែតាមការសន្និដ្ឋានរបស់សមត្ថកិច្ចអោយដឹងថា៖ នៅក្នុងភូមិត្រពាំងរាំង ដែលជាលំនៅដ្ឋានរបស់គេ អ្នកស្រុកក្នុងភូមិបានបាត់ម៉ូតូជាច្រើនគ្រឿង មកហើយ ដែលការបាត់ទាំងនោះសង្ស័យថាមានការទាក់ទងនិងចោររូបនេះ។
ជនល្មើសរូបនេះត្រូវបានសមត្ថកិច្ចនគរបានព្រហ្មទ័ណ្ឌក្រុងកំពង់ឆ្នាំង កសាងសំណុំរឿង បញ្ជូន ខ្លួនទៅកាន់ស្នងការដ្ឋាននគរបាលខេត្ត ដើម្បីអោយការិយាល័យជំនាញកសាងសំណុំ រឿងបន្ថែមតាមផ្លូវច្បាប់ បញ្ជូនខ្លួនទៅកាន់សាលាដំបូងខេត្តផ្តន្ទាទោសតាមបញ្ញត្តិច្បាប់៕ ដោយ រិទ្ធិ ជ័យ
http://ift.tt/1N7Q4wZ
