ក្រុមហ៊ុនដឹកជញ្ជូនខ្សាច់ក្នុងក្រុងកំពង់ឆ្នាំងមួយ ត្រូវប្រជាពលរដ្ឋការរិះគន់ថា បានប្រើរថយន្តធំៗ ដឹកខ្សាច់លើសតោនបំផ្លាញផ្លូវថ្នល់ក្នុងខេត្ត
ខេត្តកំពង់ឆ្នាំង៖ ប្រជាពលរដ្ឋក្នុងខេត្តកំពង់ឆ្នាំងបានរិះគន់ថា៖ ក្រុមហ៊ុន លោក នួន សារ៉ុមដឹកខ្សាច់ បានប្រើរថយន្តធំៗមានទម្ងន់រាប់សិបតោន ដឹកខ្សាច់តាមទំនើងចិត្តអាចធ្វើអោយខូចផ្លូវកៅស៊ូក្នុងខេត្ត ដោយគ្មានសមត្ថកិច្ចណាមួយធ្វើការត្រួតពិនិត្យ រថយន្តទាំងនោះឡើយ។ ក្រុមហ៊ុននោះបានស្តុបដាក់លក់នៅក្នុងភូមិម៉ុងបារាំង សង្កាត់ប្អេរ ក្រុងកំពង់ឆ្នាំងតែម្តងធ្វើអាជីវកម្មទ្រងទ្រាយធំ ដែលពលរដ្ឋកំពុងតែព្រួយបារម្ភពីរឿងបាក់ស្រុតខូចផ្លូវ។
ប្រជាពលរដ្ឋបាននិយាយអោយដឹងនៅព្រឹកថ្ងៃទី១៤ ខែមិនា ឆ្នាំ២០១៥នេះថា៖ នៅចំណុចទីតាំងស្តុកខ្សាច់ខាងលើនេះ គេឃើញមានរថយន្តធំៗ ដែលមានទ្រុងវែងៗ អាចមានទម្ងន់ ពី៦០ទៅ៧០តោន ចូលមកដឹកខ្សាច់ទាំងនោះចេញយកទៅលក់ជារៀងរាល់ថ្ងៃយប់ ដោយមិន ឃើញមានមន្ត្រីជំនាញនៃមន្ទីរសាធារណការ និងដឹកជញ្ជូនខេត្ត ឬសមត្ថកិច្ចណាមកត្រួតពិនិត្យ ទម្ងន់រថយន្តទាំងនោះឡើយ គឺបណ្តែតបណ្តោយគេដឹកជញ្ជូន លើសទម្ងន់ដែលអាចបណ្តាល អោយផ្លូវកៅស៊ូនៅក្នុងខេត្តបាក់ស្រុតបាន បើគ្មានវិធាន ការទប់ស្កាត់ទេនោះ។
សូមរំលឹកថា៖ ក្នុងឆ្នាំ២០១៤កន្លងទៅ មានក្រុមហ៊ុនមួយបានដឹកជញ្ជូនខ្សាច់ពីឃុំជៀប ស្រុក ទឹកផុសឆ្លងកាត់ខេត្ត ដោយគេបានប្រើរថយន្តបែនដឹកលើសទម្ងន់ដូចនេះ បណ្តាលអោយខូច ផ្លូវជាតិលេខ៥៣ជាច្រើនកន្លែង នីងកន្លែងដែលរងការខូចខាតទាំងនោះត្រូវបាន មន្ទីរសាធា រណការខេត្តធ្វើការជួសជុលអស់លុយរដ្ឋទៅវិញុ។ ក្នុងឆ្នាំ២០១៣កន្លងមកក្រុមអធិការកិច្ចក្រសួងសាធារណការក៏ធ្លាប់ចាប់ផាកពិន័យ រថយន្តធំបែបនេះដឹកថ្មលើសទម្ងន់នៅ ចំណុចភ្នំដើមផ្កា រួចម្តងមកហើយដែរ។
ក្នុងរឿងដូចគ្នានេះដែរនៅឆ្នាំ២០១៣ ផ្លូវកៅស៊ូមួយខ្សែប្រមាណ២គីឡូម៉ែត្រ ចេញពីមុខវត្តសន្ទូចកាត់មកចេញមកលើផ្ទះលោក ម៉ែន ធឿន សមាជិកក្រុមប្រឹក្សាខេត្ត ក៏ត្រូវបានក្រុមហ៊ុនដឹកថ្មមួយមានខ្នងអ្នកធំនៅក្នុងទីក្រុងភ្នំពេញសម្រាប់ការដហឋានកោះពេជ្រ ប្រើប្រាស់ រថយន្ត ធំដូចគ្នានេះដឹកថ្មលើសតោនបំផ្លាញផ្លូវមួយខ្សែនេះខូចខ្ទេចខ្ទី ទីបញ្ចប់ក្រុមហ៊ុននោះបានតែសន្យា តែមិនបានជួសជុលផ្លូវនោះសងខេត្តវិញឡើយ ហើយក៏គេមិនឃើញជំនាញកោះហៅក្រុមហ៊ុននេះមកដោះស្រាយតាមផ្លូវច្បាប់ដែរ។
ទាក់ទងនឹងបញ្ហាការរិះគន់ខាងលើនេះ លោក កែវ ពៅ ប្រធានមន្ទីរសាធារណការ និងដឹកជញ្ជូនខេត្តកំពង់ឆ្នាំងបានអោយដឹងនៅព្រឹកថ្ងៃទី១៤ ខែមិនា ឆ្នាំ២០១៥នេះថា៖ ករណីដឹកជញ្ជូនខ្សាច់របស់ក្រុមហ៊ុន នួន សារ៉ុម ដែលបានប្រើរថយន្តមានកន្ទុយវែងៗនោះ លោកត្រូវ តែបញ្ជូនមន្ត្រីជំនាញមកត្រួតពិនិត្យ និងធ្វើការថ្លឹងទម្ងន់។ប្រសិនបើរកឃើញថាក្រុមហ៊ុននេះដឹកលើសទម្ងន់លើផ្លូវក្នុងខេត្តដែលច្បាប់បានកំណត់ លោកនឹងធ្វើការផាកពិន័យ និងផ្អាកអាជី កម្មនេះបើគេមិនគោរពទៅតាមច្បាប់ស្តីពីផ្លូវថ្នល់នោះទេហើយលោកក៍មិនអនុញាតអោយគេយកផ្លូវសាធារណៈក្នុងខេត្តមកប្រើប្រាស់បំផ្លាញតាមទំនើងចិត្តគេដែរ។ លោកអរគុណណាស់ចំពោះអ្នកសារព័ត៌មានដែលបានរាយការណ៍រឿងនេះអោយលោកបានដឹង៕ ដោយ រិទ្ធិ ជ័យ
http://ift.tt/1GP5ggS
